Amos 9:8 - Godigo dwagi yai po buku

⁸ Ena God, Genuai Bidigo, eno dage Israel we bidi dabego kolesaga bugagia subo sę idubao, magi baso meni, te dwai sęgę dagede mu pągąnalubao. Tama tialima, te eno dage dolama, te dage mu silaibao. Tiali goli, eno te Jekopgo hani me badu naga bidimainu sula tagalaibao. Eno augwali tigidali mu me dologobeo,” wali.

Amos 9:8 Referans Kwoze

Jeremaia 30:11

Ena Genuai Bidi, ena dage dali bidibao, te dage tau saibao. Dagego te dwai sę yali dao. Tama eno dage dodolobo sę igi menigi da, te dolo menigi da. Tama tibaso, eno dage e tǫde sela sąwaibao. Te eno dage augwali tomoba te tagala palobaso bidigi pali tǫ pedai kantri dabe te mu silaibao. Tialima, te dage eno me silimainogo egobeo. Mu tama, te eno dwai dene dagebolo mawaibao, tialima, eno te doloba pai kolesaga naga wali peyu, te eno dage dodolaibao,” wali.

Amos 9:4

Te boi bidi dabego augwali kalabus igi painu gasa tǫ kantriba sela pobaso da, teda eno te boi bidi dabeba walama, te augwali ela mumainu yaibao. Eno augwali mu silabo homu ebao. Eno augwali tau me sogobeo,” Genuai Bidigo te po wali.

Jeremaia 44:27

Ena Genuai Bidi, eno po dolo obao, eno dage bugagia wiegi yai me iligobeo. Menio. Eno dage dolainogo tonalubao. Te eno boi bidi tagala palama, te dage Isipde bidibo Juda dabe ela muagasaibao. Te dage nai menia siyu, isaibao. Te dage tigidali mu silaibao.

Jeremaia 5:10

“Dage Israel dabego boi bidi dabe, dage te tǫ kantri Israelgo wain gidu aselayu, te gi dabe doliąo. Tiali goli, dagego mu siligio. Te wain nologo dabe naga sela sąyao, magi baso meni, te nologo dabe te eno nai menio.

Joel 2:32

Tialima, niwai we bidi te augwali tau somainu enaba hanalubaso, teda te eno augwali tigidali ma saibao,” wali. “Ena Genuai Bidi da, eno te sęde te tiwai po walio, te Jerusalemde bidibo we bidi meba te me hagagobeo. Te we bidi dabe ena digi te sa munama dąį ilali, te augwali bugagia bidaibao wai dao,” wali.

Hosea 1:6

Nosali Gomer te haliga ma elama, te wegi ame nai. Tama Genuai Bidigo Hoseabolo te tiwai po wai, “Aga nogi e tiwai nogi yao, ‘Eno Aga Godolo Ebo Menio’. Magi baso meni, eno te Israel dabe godolo homu me egobeo, tama eno augwaligo sęgę me sela sągobeo.

Bugagia Bidibo Kolesagade Po Asęai Buku 15:3

Genuai Bidigo te tigidali we bidigo ebo sę te tigidali habu badu pedalubo te subo dao. Agai te wiegi yai bidi me, dwai bidi me, subo dao.

Bugagia Bidibo Kolesagade Po Asęai Buku 5:21

Magi baso meni. Genuai Bidigo te dago ebo sę tigidali te sulama, tama agai te dago ebo kolesaga tigidali te bugagia osola subo dao.

Te Israel me Juda Hani Sigo Tuni Bidigo Po Elalubo Buku Deli 13:34

Te king Jeroboam dali, te aga hani dali, augwaligo te tama sęgę sabo dwai meda yai kolesaga me eyu gęani, tama augwaligo augwa te dwai kolesagago sęgę me sę edu gęani. Tama te tiali bagego da, Genuai Bidigo te king Jeroboamgo hani tigidali nosali mu dolali.

Bomai Po 6:15

Ma, dagego te tibo god dabeba lotu po wali da, teda Genuai Bidi agai sębę mu elama, tama agai dage te isigo dwai dwai nai dabe dela silibo tiwai tama dela silaibao. Magi baso meni, God dago Genuai Bidi da dali megi bidiyu, tama agai dage gasa god meba lotu omainu sula tagalogobeo, mu menio,” wali.

Bomai Po 4:31

Magi baso meni, aga te bidi hobede ebo God dao. Agai dage mu tagaliyu, ma dage mu dola siliyu me egobeo. Tama agai te dago wąį dali dąų walali te bomai po me gegeda pogobeo,” Mosesgo te po wai.

Tigidali Nai Gagalama Nigali Side 7:4

“Tama te nogo a naga olama, me badu nogo si, te tama si silama, tama eno te tǫba kulubage tagala palama, tama te kulubage tulaludubadi, te bidi sese si ulade me, te bidi sese si hulide bidibadi yaibao. Tama te kulubagego te eno te bidibo ula elalubo tigidali ena nigali nai te tǫ daide eno sela sąna silaibao,” te po wai.

Tigidali Nai Gagalama Nigali Side 6:7

Homu dene mu eyu, tama agai te po wali, “Te eno nigali bidi tigidali te eno ela silaibao, te augwali menade bidada pabo te mu silaibao. Te eno tigidali hasa sibi dabe tigidali me, te ba dabe me, te nai dabe me, tigidali silaibao. Magi baso meni, ena digi ena te nai dabe nigali goli, augwaligo ebo kolesagago enaba dene ilibo dao, tama wiegi yai homu pemene ma egobeo,” te po wai.

Jeremaia 46:28

Dage Israel, dage eno hani, dage eno sę bidi, me sę ebo we dabe, dage wi me igimio, magi baso meni, ena Genuai Bidi, ena dage dali bidibao. Eno dage sela sąnama, te augwali dali dage bidigi pali hani dabe te eno augwali mu silimainogo yaibao. Dagego te dwai sę yali dao. Tama eno dage dodolobo sę igi menigi da, te dolo meni da. Tama tibaso, eno dage e tǫde sela sąwaibao. Tiali goli, dage da, eno me siligobeo. Mu tama, eno dwai dene dagebolo mawai, tialima, te eno doloba pai kolesaga wali peyu, te eno dage dodolobo sę yai dao,” te po wali.

Amos 3:12

Te Genuai Bidigo po ma weyu, te po wai, “Te bomai hasa laiongo sipsip kibu me deli ela tubaso, te sipsip tonalubo bidigo te sipsip ma dobola sainu ebaso da, teda agai te tigi pedai naga munalubo sueibao, te sągą dili si, ma olo pedai, te tama sueibao. Te Godigo te tobage kolesaga tiwai te Samaria hanude bidibo Israel we bidiba yaibao, te hanu te Israelgo genuai tǫ kantri elalubao. Te we bidi augwa wiegi yai homu pemene elalu bidai, augwali te dolaibao. Te augwali dwasianu hani dabe naga te bugulama me bidaibao. Te taun wiegi yai doado bage tigidali dolai tiwai elalu, te pibo sai bet nigali sągą me badu naga elalubo tiwai yaibao,” wai dao.

Amos 7:17

Amasia, nago te po wai dao. Tialima, Genuai Bidigo po nage dali megi elalubao. Agai nageba te po obao, ‘Nago we da, te taunde penani sę ebo we pedelaibao. Tama te boi bidi dabego boi hwįagaselama, te nago wai dabe ela mueibao. Te augwaligo nago tǫ selama, gasa bidi dabeba dobawaibao. Te augwaligo nage te dobo kolesaga ebo haiden kantriba sela pelama, tama nage te bulude bidama, isaibao. Tama te boi bidi dabego te Israel we bidi sela peyu, te Israel tǫ taga peyu, te gasa tǫ kantriba kalabus igi peyu, sela paibao,’ Genuai Bidigo nageba te po wai dao,” Amosgo te po wai.

Amos 9:10

Te dwai bidi dabego megi te tama po obao, ‘Te Godigo magi nai me deligo da dolomainu me iligobeo.’ Tiali goli, nosali eno te boi bidi dabego augwali ela mumainogo ilaibao,” Genuai Bidigo te po wai dao.

Hosea 1:4

Tama Genuai Bidigo te po wali, “Nago aga nogi ‘Jesril’ poao,” wali, “magi baso meni, te Israel king bidigo wąį nǫų Jehugo te king bidi si polobadu ela muai, te Jesril bulude. Tama te ogwa nogi Jesril poabogo eno te megi bidibo Israel kingba dąį ilibo sę tiwai ebao, te eno agaba dwai dene tamadi tama mawaibao, te Jehugo yali dwai sę wei ponoyu tiaibao, te aga wąį nǫų dao. Tama eno te Jehugo hani king pedalumainu me egobeo.