Amos 9:2 - Godigo dwagi yai po buku

² Te bidi meba enade wi pelayu, te isai bidi dabego pesagede te tǫ dedage aiyaba dogobaso, te tagalao, te augwali eno pageabi yaibao. Te augwali dagaluba ugwa holainu ebaso, me tagalao, te augwali eno aiyaba kekasa dulaibao.

Amos 9:2 Referans Kwoze

Jeremaia 51:53

“Babilon te dagaluba ugwanu dąį mu igulama, te boi hwįbo bomai pesage nigali da, tagalao, eno te nai dabe dolabo bidi augwali tagala palama, te augwaligo aga doligi dao. Ena Genuai Bidi, eno te po wai dao,” wali.

Obadia 1:4

Tialima, eno dageba te po obao, dage te ugwadu mu bola soabo ba kemodage tiwai elalubo te tagalao, tama te be ugwadu daide te hǫ tomode sę yani tiwai elalubo, teda eno dage aiyaba mu kekasa dulaibao.”

Dwagi Yai Gesi Po Lukgo Asęani 10:18

Jisas agai te dwai haubo polalubo bidi nogi Satan agai bomo polobadu dolai dao homu eyu, te po wali, “Satan be sole gagawai dagaludu kegasa dulubo eno polobadu suai dao.

Jeremaia 49:16

Nago te gasa hani we bidi dabe wi mu ilama, te nago nage te polalubo mu da homu yali. Tialima, naga digi tibo po ola mawai. Nago genuai taun te bulu du pesage daide ugwadu elaluali. Tialima, te nago taun te ba kemodagego be daide ugwadu sę ebo tiwai elalubo, te tagalao, te nage eno aiyaba kekasa duleibao. Te Genuai Bidi, eno po dao.”

Aisaia 2:19

Tama te sogo Genuai Bidigo te tǫ mali iliyu, tama e tǫde nai dabe wi mu ilaibao. Tama te we bidi dabe me wi mu elama, tama masigi dudulaweba me, tǫ dudulaweba me, wi duala sigi paibao. Te augwaligo Genuai Bidi aga bomo dali, genuai ula dali, asobo augwaligo suidali weyu.

Jopgo Po Asęani Elalubo Buku 20:6

Te tobage bidi genuai bidi nigilama, genuai nogi te we bidigo gedude saibao. Te bidi aga te bulu du tiwai pǫ dali dąį elalubo tiwai dao.

Jopgo Po Asęani Elalubo Buku 34:22

Tama tibaso, te dwai kolesaga ebo we bidi dabego hulia sai duala sabo madi me elalubeo.

Esekiel 26:20

Te sogo eno nage te isai bidi dabego bulu pesageba tagala palaibao, tama nage te polobadu bidi dabe dali bidaibao. Te eno nage te tǫ dologode te dolali taun dabe dali sesemane sogo bidimainogo yaibao. Tama nagede te bidi dabe bidimainogo me egobeo. Tama nage te tǫde wiegi yai taun ma pedelama bidainogo ebaso, te usu munu ma egobeo.

Esekiel 31:14

Tama tibaso, nosali da, eno te ni tiwai bobobage me holomainu sula tagalogobeo. Te augwaligo wę hauwa sobadi me tagalao, augwali ugwanu bobobage me hologobeo. Menio. Augwali sese isimainu yaibao. Te bidi dabe yali gilama tama augwali te isai bidi dabego buluba aiyaba dulaibao,’ te po te Isip bageba pusao,” Genuai Bidigo enabolo te po wali.

Jopgo Po Asęani Elalubo Buku 22:13

Eno homugo tego nago homu kolesaga hodaluama, nago e tama po wabo dao, ‘Godigo mena nai dabe koneaniwe? Aga dagalude ugwadu mu bilibo dao, tama moni pǫgo aga mesega sali, tama moni hulia saligo aga mesega sali. Tama agai da subeo. Agai dago kolesaga mena tama dagalogowe?’ nago te po wabo dao,” Elifasgo te po wai.

Jopgo Po Asęani Elalubo Buku 24:23

Godigo digi augwali bugagia dua bidimainu elama, tama dwai sęgę augwaliba me pedalobo menio. Tiali goli, tigidali sogo agai augwali bugagia tonalubo dao.