Amos 9:13 - Godigo dwagi yai po buku13 Genuai Bidigo te Israel we bidi dali te tiwai po wali, “Me sogo deli pedalubo si da, teda te gide bulali nai dabe polo holama, te hauwa mu walaibao, te bidi dabego tigidali sela silabo usu egobeo. Te wain ni dabe polo mu holama, te nai umabo walaibao, tama te wain wę nigibo bidi dabego te silabo sę ebo usu egobeo. Tama te we bidi augwa pusu yai wain hauwa elalu, te bulu dude wę pągąnama, te aiyaba gealubo tiwai mu yaibao. Gade chapit la |
Jisas agai giba ela mubo po digi po weyu, te po wai, “Dagego tama wabo dao: ‘Polua me si me si elalubo, tama te nai sabo si te pedalaibao,’ Tialima, eno dagebolo obao, dagego tonono biliyu, tama dagego te gi dabe bugagia suiąo. Nai inawai yabowe naga, dagego suao. Te asobo we bidi augwali te inawai nai tiwai dao.
Te ni wuli dabe te megi dwai ni dabe elalubo madi pedelaibao. Te gasa sawi yai dwasianu ni dabe te megi sesane bono elalubo pesagede pedelaibao. Tama sesemane sogo te tobage ni dabe te pesagede pedelama, te sesemane sogo te dąį ilali tiwai te we bidi dabego sulama, te Genuai Bidi, eno yali bomai sę homu kone palomainu yaibao,” wali.
Te dagego nai hauwa mu elalu, te dagego wit tau yali sesa pidubadi, te wain du tau yali sabo sogoba usu naibao. Tama dagego te wain du tau yali sidubadi, te wit wai bulubo sogoba usu naibao. Te dage nai tudumainogo genama, te dage haliga mu pągąwaibao. Te dage bugagia mu duga tǫde dugulalu bidaibao,” wai dao.
Tama te gasa hani bidi dabe augwaligo e tama po waibao, “Polobadu te tǫ dasu hola pai goli dao. Tiali goli, megi da, te gi Iden yali gilama wiegi yai mu te ilai yabo. Tama polobadu da, te taun dabe da dolama mu elaluai dao. Tiali goli, megi da, te Israel dabe augwaligo sę ma elama, tama augwaligo deli deli taun bagulama bomai obo te ma gesela silai dao. Tama te we bidi te taunde ma te bidibao.” Augwaligo te po waibao.
Tialima, eno te we bidi elali bidi dabeba te tobage kolesaga yali wei ponama, te augwali elaibao,” wai. “Eno te dwai sę yali bidi deli me gedelegobeo. Tialima, te Jerusalemde sesemane bidibo we bidi dabe me, te Juda gasa badu pedaide bidibo me, ena Genuai Bidi ena te Saion bulu dude bidiyu, te sesemane tonalueibao,” po wai dao.
God, Tigidali Bomo Elalubo Genuai Bidigo, agai nogogo te tǫ diąnubaso, te tǫ memenege yaibao. Tama tigidali tǫde bidalubo we bidi, augwali te haliga sęgę elama, gela waibao. Tigidali pedai badu tǫ te ugwaba samanu posogą palama, te ma degasa dulaibao, te wę asobogo te wę Nail ge bo delama, te nosali ma keka sabo tiwai yaibao.
Te wain gi dabe augwaligo wain du dabe hauwa mu walai dao. Tama te we bidi dabe augwaligo sabo sogo da, augwali wiegi yai homu elama gana pai dao. Tiali goli, megi te wiegi yai homu elama, hai wabo kolesaga sia sali dao. Tama te we bidi dabego te wiegi yai homu ebo tęąbi me wabeo. Tama me te bidi dabego te wain nigibo madide te wain du te sągągo me agagobeo. Genuai Bidigo tama augwaligo penane paninama, tama augwaligo hai wabo silalio.
Tama augwali bugagia bidiyu, augwa be dabe sę eyu, augwa wain gi buluyu yaibao. Tama eno gasa hani bidi dabebolo eno dene mawaibao, te augwaligo te Israel dabe dali dwai sę yali bage. Tama te sogo te Israel dabe augwali bugagia bidiyu, tama augwaligo e tama koneaibao, ena deli naga God augwaligo Genuai Bidi dao homu yaibao,” te po wai.