Biblia Todo Logo
Bib sou entènèt

- Piblisite -




Amos 8:7 - Godigo dwagi yai po buku

7 E po odao. Genuai Bidi, te Israelgo aga nogi ugwaba sabo God, agai nogo guni sisu muyu, te tiwai bomai po dąų wai, “Eno dage Israel dabego dwai kolesaga ebode homu kone me gegeda palogobeo.

Gade chapit la Kopi




Amos 8:7
19 Referans Kwoze  

God, Tigidali Bomo Elalubo Genuai Bidi, Tigidali Nai Tonalubo Bidi, agai te tiwai bomai po dąų wali, “Eno te Israel dabego gagea peyu, te hagoma ebo kolesaga ebo, te eno hagela homu ebao. Te eno augwaligo genuai boma pai be dabe eno haliga sębę yaibao. Tama tialima, eno te augwaligo polalubo taun dali, te tomode elalubo tigidali nai te augwa boi bidi dabego nogoba mawaibao,” te po wai dao.


Dagego te dwai kolesaga sesemane sogo ebao, te duga wąį nǫų dabego polobadu te bulu Gibeade yali sę tiwai yai. Tama te Godigo dagego yali dwai sęgę te homu kone paliyu, te agai dageba dwai dene mu mawaibao.


“Augwaligo te ofa hauwa eyu, te ofa ebo mi tubo dao. Tialima ena, Genuai Bidi, eno augwaliba te wiegi yai homu pemene me ebeo. Tibaso, megi da, eno augwa yali dwai sęde homu kone palama, te dene mawaibao,” wali. “Te eno augwali Isipba ma kalabus igi pomainu tagala palaibao,” wai.


Eno augwaligo ebo kolesagade homu kone me gegeda palogobeo. Menio. Tiali goli, augwaligo te sę yali homu kone palisąwai. Te augwa ebo dwai sęgęgo te augwali mesegelali, tama sesemane sogo eno te sęgę naga sudu gebo dao.” Genuai Bidigo te po wai.


Te dwai sę ebo bidigo te tama homu ebao, “Godigo te sę ebode magi sę me egobe da,” homu ebao. “Agai ena me sugobeo. Agai te aga gedu panianio,” dwai bidigo te tama homu ebo dao.


Te ena Genuai Bidi, eno po dolo obao, te sogo te bidi dabego te augwa abagi dabe, me augwa ama dede, te po ola mabo po weyu, te tiwai po weyu, ‘Dagego Genuai Bidi koneiąo,’ po me wagobeo. Menio. Te nogi meni yai bidi, me nogi elalubo dabe, tigidaligo ena koneaibao. Magi baso meni, te eno augwa sęgę tagalama, te eno augwaligo yali dwai sę homu kone munu me egobeo,” wali.


Genuai Bidigo te tama po wai, “Dage Juda dabego duga sęgę me sela sągobeo. Dagego tabi haliga te masigi togwai dage tiwai elalubao. Te bidigo te masigi dagede po asębo nai nogi kolsisis selama, te dagego yali dwai sę dabe po te masigi dagede togogo pelama, elalumainu ebo tiwai yali. Tama me te bidigo duga alta nigali gąų tede te po asębo babaga pabo tiwai yali dao.


Tialima, ena Genuai Bidi, ena genuai nogiba digi homu kone palama, te eno dagego dwai sę ebo sęgę tigidali sela sąbo dao. Tama eno te dwai sę dabeba homu kone me palogobeo,” te po wali.


Godigo digi te tǫ me deli dąį ilama, tama dabolo mawai dao. Da te Jekopgo hani da, Godigo da godolo mu eyu, tama dago te dena tǫde wiegi yai pemene ebo dao.


Sole ula deli dao, tego deli te Israel hani isąwai we bidibolo ula ola mawaibao. Tama agai moni nogi te Israel hani we bidi dabebolo mawaibao,” Simeongo Jisasde te po wali.


Dage tigidali we bidigo te Godigo genuai bomode po haninama pusao. Aga te Israel dabego king dao. Dago agai genuai bomo te dagalude subo dao.


Tama Mosesgo te poali nogide te po wai, “Te ugwaba sagalobo plak ugwa tiwai eyu, tama eno ena nogo si ugwaba selama, tama Genuai Bidi aga bidibo digi teba gedu haluasa po te hwįbode wai dao. Magi basowe, Genuai Bidi agai sesemane sogo te Amalek hani bidi dabe dali hwįaibao,” Mosesgo te po wai.


“Te dage, me duga wąį nǫų dabe, me king dabe, me tobolu bidi dabe, te Juda tǫde tigidali we bidi te Juda taun dabede bidali, me Jerusalem sunumi dabede bidali, te wiegi yai denami ebo ofa yali, te Genuai Bidigo dagego te yali kolesagade homu kone isąwai da, agawe? Menio. Agai bugagia homu kone palai dao.


Genuai Bidi Tigidali Bomo Elalubo Bidi aga te wiegi yai doloba pai kolesaga ebo God dao, tama tibaso agai te tama bomai po dąų walali, “Mu tama, me sogo deli pedalubo si da, te boi bidi augwaligo dage te gąų yai bisigigo kekelama, dage sela paibao. Awe, dage tigidali te pis sųgų daboasa holobo gąų yai nai hukgo sųgų sabo tiwai yaibao.


Godigo digi augwali bugagia dua bidimainu elama, tama dwai sęgę augwaliba me pedalobo menio. Tiali goli, tigidali sogo agai augwali bugagia tonalubo dao.


God te dagaluba pali. Te Genuai Bidi ugwaba holali sogo, te we bidi dabe wiegi yai homu pemene elama, tama bomonama i weyu, tama biugel bu weyu dali yai.


Tigidali Bomo Elalubo Genuai Bidi aga digi ena pageba mu aselama, eno olode te po mu tama walio, “Eno dagego te dwai sęgę gegeda sągobeo, te dage isiboba usu nigi paibao,” wali. Te da, te Godigo po dao, Tigidali Bomo Elalubo Genuai Bidigo po.


Swiv nou:

Piblisite


Piblisite