Biblia Todo Logo
Bib sou entènèt

- Piblisite -




Amos 8:2 - Godigo dwagi yai po buku

2 Te Genuai Bidigo enabolo te tiwai hanalu wali, “Amos, nago magi nai sualiwe?” Eno te tiwai po agabolo wali, “Eno te basket wa me delide haniani tau yai nedu du hauwa pągąnalubo sualio,” wali. Tialima, Genuai Bidigo enabolo te tiwai po ma wali, “Te eno ena we bidi Israel dabe dolabo sogo, te bidi dabego te gide tau inawai nai dabe tuabo sogo pedalubo tiwai yalio. Megi da, te eno augwaliba dwai dene mawaibao. Eno te ena homu munu ma hasegeligobeo.

Gade chapit la Kopi




Amos 8:2
25 Referans Kwoze  

Tama agai enabolo te tiwai po hanalu wai, “Amos, nago magi nai sualiwe?” Tama eno te po wali, “Te be dodolabo ain elalubo hobi me deli suali.” Tama agai enabolo te tiwai po wali, “Odao. Eno te hobi tolalubo sę ebo te eno ena we bidi augwaligo ebo kolesaga sueinu ebao, te eno augwali suali, te be daga dolo dolalusąbo tiwai suali. Tama tibaso, eno augwaligo dwai kolesaga wei ponaibao homu eyu, te eno homu ma hasegelabo usu egobeo.


Te boi bidi dabego da dolainu no munalubaso, tama da te sunumi dabede bilibo usu me ebeo. Te da dolabo sogo te polo pedelalio. Tama tibaso, da sese tama mu dola silalio.


Hobede ya, ena dwai mu bidibao. Ena te nasi ebo bidi tiwai elama, te tuabo wiegi yai nedu du me deli gegebeo. Te tigidali wain ni du me, ni kaya fik du me, augwa te tigidali sela silalio.


Tama ensel bidigo enabolo e tama po wali, “Nago magi nai subawe?” Tama eno te po wali, “Eno buku me bola pabo subao. Tama te buku bobobage te 10 mita usu nama, me agai genuai te 5 mita usu nama,” wali.


Megi nago God Genuai Bidi, eno po augwaliba mao. Te eno augwaligo te wabo po tigidali tagalomainu elama, augwaligo te tama po ma omainu me egobeo. Nago te po hasegeleyu, augwaliba te gesi po me deli mao. Gesi po e tiwai wali, ‘Te profet dabego po weyu, te nai dabe pedelabo po wali. Te megi da, augwaligo po mu pedelaibao,’ wai dao.”


Tialima, Genuai Bidigo te tiwai po enabolo wali, “Tǫde bidio, nago te sę ebo suali da, agawe? Te Juda we bidi augwaligo te dwai kolesaga dabe mu eyu, te augwaligo te tigidali Israel habu badu gasa we bidi augwaliba boi ebo kolesaga ebao. Tibaso, eno augwaliba haliga sębę yali. Tiali goli, augwaligo te kolesaga olo nai da homu elama, te augwa dwai sę umabo sę elama mu ebao. Augwali eno be pąba aselama, te megi nago subo dwai kolesaga yali. Te bidi dabego ena te olo nai tiwai da homu elama, tama augwa te dwai kugumini yai kolesaga yalio. Tialima, odao. Augwaligo ebo dwai kolesagade eno haliga sębę dwai mu ebo dao.


Te Godigo enabolo te tiwai po wali, “Suao,” wali. “Te Israel tobolu bidi dabe augwali geme dualalu, te dwai kolesaga ebao. Tigidali augwa te be daga habude te dwai piksa noma haniani elalubo madi aselama, augwa te lotu obao. Augwa po waibao, ‘Genuai Bidigo da me sugobeo. Menio. Agai dago tǫ kantri tagalalio, tama agai da homu kone me ebeo.’ Augwaligo tama po olama, tama augwa te dwai kolesaga yai dao,” wali.


Godigo enabolo te tiwai po walio, “Tǫde bidio, nago te Israel we bidi augwaligo dwai kolesaga ebo suao. Te tebo kolesagade augwaligo ena te eno bede ela gudulama, te ena augwalide digibulu bidabo sę ilibao. Te nosali nago augwaligo te gasa dwai kolesaga mu ebo sueibao, te nago megi subo dwai kolesaga te aiyaba mu elalueibao,” te po wai dao.


Megi da, te dage dolabo bodolu side te pąba pedelalio. Te sogo pedalubo si da, te pąde mu tama pedelaibao.


Te Godigo gasa po me weyu, te tiwai wali, “Tǫde bidio, te eno nageba wainogo ebo po tigidaliba olo bugagia muao, te nago po me deli homugo me gegeda pelamu dao.


Tiali digi, te Israel dabego da, me tegobeo. Te augwali me deligo nago po wali me pogobeo. Augwaligo te eno wabo po digi me odisąwaibao, te magi elama augwaligo nago po odaibawe? Magi baso meni, augwaligo tobolu te masigi dila pai tiwai elalu, te tigidaligo po naga sela sąbo bidi dao.


Ena digi ena te Mispade bidaibao. Te Babilongo da suagasobo sogo da, te ena dago Judade po pusubo bidi tiwai bidaibao. Tialima, dage te duga sali taun dabeba ma begasa pelama, te dagego ni du wai dabe selama, te wain me, wel me nigilama, te nosali sogo tuabo munalumainao,” wali.


Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.


Nage te nai wai bulabo tǫde te dwasianu bulu du elalubo madi nage te bidibao. Tama nage sawi yai plaua bono tiwai elalubo ąǫ te ebao. Tiali goli, nage te plaua bono mobia pelama, dobo tiwai yaibao. Tama nage deli sogo tama silaibao, te ni fik du me deli hasia tau ebo tiwai, tama bidi me deligo sulama, polo sela tubo tiwai yaibao.


Tama tibaso, ena God Genuai Bidi eno te po obao. Te eno boi bidi dabego dage Isip dabe dali boi hwįagasomainu odasa asaibao. Tama augwaligo te we bidi eleyu, me hasa dabe eleyu yaibao.


Tialima, Godigo Noabolo te po wali, “Tigidali bidi augwaligo tigidali tǫde te haniani dwai hwįbo kolesaga mu ebo. Tama tibaso, eno tede homugo konea palama, tama te homu ebao, eno augwali dolai hagede ebao. Te eno tigidali we bidi mu silaibao.


Te na ebo tiwai Genuai Bidigo enabolo te basket wa me delide te haniani tau yai nedu du hauwa tede pągąnalubo tiwai ola mani.


Te Godigo dageba dwai dene maiabo sogo pedelalio. Tama duga te yali dwai kolesagade usu nama, te dene saibao. Te sę pedalubo sogo da, teda Israel, duga koneaibao, te dwai dene dao. Dagego enabolo te po wali, “Te profet aga te kolesaga meni yai umuna sali da,” wali. “Te Godigo bomo elalubo bidi, aga te kolesaga geda mubo bidi da,” wai. Dage we bidigo ena godolo homu me isąwani, magi baso meni, dagego dwai sęgę te genuai umabo yai dao.


Swiv nou:

Piblisite


Piblisite