Amos 8:10 - Godigo dwagi yai po buku

¹⁰ Te genuai lotu wabo bodolu side, eno te isai bidide homu dene ebo sę pedalubo tiwai ilaibao. Te dagego wiegi yai pemene ebo balia te eno hasegelama, te augwaligo haliga sęgę elalu wabo balia pedalubo tiwai ilaibao. Te dage haliga sęgę elama, gela waibao, te aya ida aga ogwa deli elaluai, te isaide homu sęgę elalu, gela wabo tiwai yaibao. Te augwa we de bidi si te homu dene ola mabo ugwa gudama, te augwa si tobolu nisi tigidali poala sąwani, te augwali sigo homu dene ebo ola momainu yali. Tama eno dage te tobage kolesaga tiwai naga wali pomainu ilaibao. Te dwai sę ebo sogo, te dageba genuai sęgę mu pedalu, te dwai sę ebo silibo sogoba usu naibao,” wali.

Amos 8:10 Referans Kwoze

Jeremaia 6:26

Tialima, Genuai Bidigo te po wai, “Dage eno we bidi dabe, dagego te homu dene ebo ugwa dabe gudulama, te sia kelide pila mudu bebegeliduao. Dagego genuai gela weyu, hobede ebo tęąbi wao, te aya ida wai deli naga elaluali, augwa te wai isibo sogo homu dene ebo tiwai yao. Magi baso meni, te polo mu tama te boi bidi dabe dageba pedeliyu, te dage dolaibao,” wali.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Esekiel 7:18

Tama augwa te homu dene ebo ugwa dabe gudama, te augwali didibili umagi mu yaibao. Tama te tigidali te hale ebaso, te augwa tobolu nisi poala sąwaibao.

Jeremaia 48:37

Augwa homu dene mu elama, augwa tobolu nisi me penane nisi poawaibao. Te augwa nogo dabe togoyu elama, te hobede ebo ugwa gudaibao.

Jopgo Po Asęani Elalubo Buku 20:23

“Te nai dabe hauwa sabo homu yali bidi dabe da, teda Godigo augwaligo nai hauwa mu somainu sula tagalaibao. Tiali goli, te sabo homu ebo nai dabe dao, te dwagi yai nai dabe meni. Menio. Godigo te bage dali sębę genuai mu eyu, tama agai haniani sęgę augwalibolo menama, tama augwali mu pągąna paibao.

Hosea 2:11

Te eno agai te wiegi yai homu pemene ebo te genuai side wabo te tigidali mu silimainu yaibao. Te genuai side da wabo te tiwai, te lotu wabo genuai side te deli deli kibu bede pedalu, te deli deli poluade pedalu yai, tama te Sabat side lotu wabo me, te gasa tobage lotu dabe me, te tama tiwai yai.

Nahum 1:10

Dage te bomai wę tuyu gęo page mu yali bage tiwai dao, dage dwai madi bidibao. Agai dage tigidali silaibao wali, te siago te sesani yai nosai me kala wa pai te isi tula palobo tiwai yaibao.

Amos 8:3

Te sogo te tempel lotu bede bidali we bidi dabego te balia munu me egobeo. Menio. Te augwa gela wabo sę naga yaibao. Magi baso meni. Te isali bidi dabego tigi te tigidali pedai badu subigila munolua paibao. Augwaligo te tigi dabe buluba sela sąbo sogo da, teda te bidi dabego po deli me wagobeo,” wali.

Amos 5:23

Dagego lotu wabo balia munu me elamuo. Tama dagego te gita dabe me eligio. Ena odobo hagela ebao.

Jopgo Po Asęani Elalubo Buku 3:5

Te mu tama, Godigo te ena ame nani sogo mu gegeda pigi sogo da, usu igi dao. Mu da, agai ena ame nani sogo mu hulialugi sogo, tama sisi pǫgo te sogo dagalude hulia selama, te giliga palialugi sogo da, usu igi dao.

Bomai Po 16:14

dage tigidali sese tama olo toma tuyu bidao, te dagego homu wiegi yai pemene eyu bidao. Te duga, me duga wai puluba, me duga sę bidi, me duga sę we dabe, me te Livai dabe, me te gasa bulu bidi dage dali bidibo, me te wai puluba augwa aya isai, me we augwa bidi isai wilawe we dabe, dage sese te hanu dabede bidalubo, te bage.

Tigidali Nai Gagalama Nigali Side 21:16

Tama aga digibulu gana duagi pelama, homu kone palali, ‘Eno te wai isibo subo te ena hagelabo,’ te homu yai. Aga tede dulaludubadi, tama ogwa gela walio.

Pris Sę Ebo Bomai Po 13:40

“Te bidigo tobolu nisi meniama wane paibaso da, teda aga eno gedude meda elalubeo. Menio. Aga wiegi yai bidi dao.

Aisaia 3:24

Tama te sogo te Jerusalem we dabego polobadu auwali tiai me egobeo. Te augwaligo sanda wel meniama, tama augwaligo tigi kugumini dwai mu yaibao. Te augwaligo sawi yai ugwa me, ugwa name me augwaligo kukulu gudabo ugwa name menia saibao. Tama tibaso, augwali dwai ugwa dabe gudama, tama dwai bonogo augwaligo ugwa dąų walaibao, te bono te kukulu gudubo ąǫ yaibao. Te augwaligo augwa tobolu au me iligobeo. Magi baso meni. Te boi bidi dabego augwaligo tobolu nisi sese poala sąnama, tama augwaligo tobolu wane yaibao. Tama me augwaligo sawi gesabidide da, te boi bidi dabego kalabus bagego magi augwaligo gesabidide togaibao.

Jeremaia 2:19

Naga digi ebo dwai kolesagade te nageba dwai dene mawaibao. Nago ena tudiba mubaso, tama naga te kolesagade nageba wado ilaibao. Nago ena Genuai Bidi tagalu, te nago God, te nago ena dologoba me bidagasobe. Tama nago bugagia homu kone palama, koneao, nago te dwai kolesaga dabe mu ebogo te nageba dwai dene mobao. Ena God, Tigidali Bomo Elalubo Genuai Bidi, eno te po wai dao.”

Te We Bidi Dabego Jerusalem Hagede Gela Wali 5:15

Dago wiegi yai homu pemene yali sia salio. Dago te tęąbi wabo kolesaga hasegelama, megi dago hobedai gela naga obao.

Esekiel 7:2

“Tǫde bidio, ena God Genuai Bidi, eno te tiwai po Israel augwalide elalubao. Te e side da, te tigidali Israelgo bodolu sia sabo side elalubao, te augwaligo tǫ pedai tigidali badu te tama tiaibao.

Joel 1:8

Dage we bidi dabe, dage gela waiąo, te gesi wegi aga sainu yali bidi isibaso, te aga gela wabo tiwai iyąo.

Amos 5:21

Genuai Bidigo te tama po obao, “Eno dagego te genuai lotu wabo si dabede homu pemene isąma, te eno augwali homu godolo me egobe dao. Hagelabo homu mu ebao.

Jopgo Po Asęani Elalubo Buku 30:31

Polobadu da, eno gita eliyu, ona eliyu elama, dwagi yai wei ebo nai naga elai dao. Tiali goli, te dwagi yai po wali nai dabe megi ma isibo bidigo hobede ebo gita dali, ona dali si elebo tiwai ebo,” te bidi Jopgo te po wali.

Hosea 2:13

“Agai ena hauwa sogo homu kone gegeda palali, tama te tibo god Balba te wiegi yai denami ebo ofa iligi palio, tama agai te wiegi yai au dobage munama, te aga godolo ebo bidi wali bilali. Tama tibaso, eno te dwai dene agaba mawaibao. Ena Genuai Bidi, eno te tama po wai dao,” wali.