Amos 6:9 - Godigo dwagi yai po buku

⁹ Te nogo si we bidi naga te deli bede geme me bidiyu da, teda tigidali isaibao.

Amos 6:9 Referans Kwoze

Amos 5:3

Magi baso meni, God Genuai Bidigo te Israel hanibolo te tama obao, “Te Israel taun me deligo te ami bidi dabe bidi sese umabo 1,000 te boi hwįboba tagala palama, te bidi sese a naga 100 ami bidi naga ma geasa asaibao. Te gasa taungo te bidi sese a naga 100 ami bidi tagala palu, te ami bidi nogo si naga ma geasa asaibao.”

Aisaia 14:21

Tama tibaso, agai wai bǫų dabe odasa aselama, ela muagasao, te aga ayago yali dwai sę, me augwa wąį dabego yali dwai sę wei ponoyu tama yao. Tama augwali deli me bidama, tama tuni bidi nigilama, tama bulu dabe tonaluyu, tama hanu dabe tigidali bulude dabe ma nigilamuo.”

Godigo Nogi Ugwaba Sabo Tęąbi Po Wabo Buku Dabe 109:13

Eno homugo te agai wai dabe isimainu homu ebao, tama te nosali pedalubo hani dabego te bidigo nogide homu kone me isiąyu me egobeo.

Jopgo Po Asęani Elalubo Buku 20:28

Godigo augwali dali sębę mu yaibao. Te agai augwaligo dwai sęgę wei ponoyu da, teda augwaligo mone nai dabe sese hagala silaibao, te genuai wę asiyu, augwaligo nai dabe sese da selasa pabo tiwai yaibao. Tama deli me elalugobeo.

Jopgo Po Asęani Elalubo Buku 1:19

polo tama, mone wali olo kemidu gagalasa asiyu, te be dega polama, nago wai dabe sese elama, isilalio. Enaduba deli te sęde geda munama, tama nagebolo e wagasobao,” te sę bidigo te po wali.

Jopgo Po Asęani Elalubo Buku 1:2

Aga wego ogwa nogo a naga olama, me badu nogo si ogwa ame nai, wegi sela ame nai dao.

Esta 5:11

Augwali sabola silibode, tama augwaligo gedude Hamango aga digi aga nogi ugwaba sali. Agai augwalibolo weyu, agai mone hauwa badi, te doado bage hauwa elalubo da po wai, tama aga ogwa me hauwa elalubo po wali. Tama te tuni bidigo genuai nogi me genuai sę mu agabolo mayu, tama te tuni bidigo sę tonalubo gasa ofisa bidi dabe tigidali te aga dologode bidibo da, po walio.

1 Samuel 2:33

Tama nosali eno te boi bidi dabe asomainu elama, te nago hani bidi tigidali ela mumainu yaibao. Tama bidi deli naga bididu, te pris sę iduaibao. Tama te tebo sę dabego te nago homu kolesaga dolama, tama nago gedu halua saibao.

Jeremaia 9:21

Magi baso meni, isibo daba pedelalio, te dago be sunumidu tomoba asali. Te da genuai bidigo bede bidibadi me, ma te olo bidigo bede bidibadi me, te tagalao. Te isibogo da me ela soagobeo. Isibogo te wai puluba sunumide gagali idubo, me te gesi ogwa bidi te bidi sisinibo pesageba sabolama, te isaibao.