Amos 6:8 - Godigo dwagi yai po buku

⁸ God, Tigidali Bomo Elalubo Genuai Bidi, Tigidali Nai Tonalubo Bidi, agai te tiwai bomai po dąų wali, “Eno te Israel dabego gagea peyu, te hagoma ebo kolesaga ebo, te eno hagela homu ebao. Te eno augwaligo genuai boma pai be dabe eno haliga sębę yaibao. Tama tialima, eno te augwaligo polalubo taun dali, te tomode elalubo tigidali nai te augwa boi bidi dabego nogoba mawaibao,” te po wai dao.

Amos 6:8 Referans Kwoze

Amos 4:2

Genuai Bidi Tigidali Bomo Elalubo Bidi aga te wiegi yai doloba pai kolesaga ebo God dao, tama tibaso agai te tama bomai po dąų walali, “Mu tama, me sogo deli pedalubo si da, te boi bidi augwaligo dage te gąų yai bisigigo kekelama, dage sela paibao. Awe, dage tigidali te pis sųgų daboasa holobo gąų yai nai hukgo sųgų sabo tiwai yaibao.

Jeremaia 51:14

Tigidali Bomo Elalubo Genuai Bidi aga nogide digi mu po weyu, te sę yaibao po wali. Agai e tiwai po wali, “Babilon, te eno genuai hani bidi odasa asu, nageba hwįagaselama, te nage aiyaba elalueibao. Te augwaligo nago tǫ pągąna sagasaibao, te genuai kuli mano hanigo ebo tiwai yaibao. Te augwaligo nage aiyaba elalubo si da, teda augwali wiegi yai pemene elama, te bomonama i waibao,” te po wali.

Amos 8:7

E po odao. Genuai Bidi, te Israelgo aga nogi ugwaba sabo God, agai nogo guni sisu muyu, te tiwai bomai po dąų wai, “Eno dage Israel dabego dwai kolesaga ebode homu kone me gegeda palogobeo.

Godigo Nogi Ugwaba Sabo Tęąbi Po Wabo Buku Dabe 47:4

Godigo digi te tǫ me deli dąį ilama, tama dabolo mawai dao. Da te Jekopgo hani da, Godigo da godolo mu eyu, tama dago te dena tǫde wiegi yai pemene ebo dao.

Amos 3:11

Tama tibaso, te boi bidi hani me deli asama, te Samaria bagego tǫ kantri tomode bilama, tama te taun bomai obo dabe dolama, tama augwaligo te genuai bomai be dabe aluama, tama tomode elalubo nai doado bage tigidali saibao,” po wai dao.

Jeremaia 22:5

Tialima, dagego eno po wali pisąbaso da, teda ena Genuai Bidi, eno mu po ena nogide digi obao, teda eno te nago genuai wiegi yai be mu dolaibao,’ te po te Juda king bidibolo pusao,” te po wai dao.

Godigo Nogi Ugwaba Sabo Tęąbi Po Wabo Buku Dabe 106:40

Tialima, Genuai Bidigo aga we bidi dabeba te wado mu elama, tama agai augwali wei ma ebeo.

Sekaraia 11:8

Tialima te ena dali sę ebo abagi selago enaba godolo homu isąbaso, tama eno augwali sela te polua deli tomode sela sąna silalio.

Esekiel 24:21

te dage Israelba te po pusao wali, Godigo te tama po wali, ‘Dagego God eno moni tempel bede wiegi yai homu pemene eyu, tama dagego te po weyu, te bomai dila pai be mu da, wali. Tama te be dagego godolo mu ebao. Tiali goli, eno te be dolaibao. Te dage hani wai dabe te Jerusalemde me bidalubo te boi hwįnama dolaibao.

Te We Bidi Dabego Jerusalem Hagede Gela Wali 2:5

Genuai Bidigo Israel dabe dali boi bidi homu elama, tama augwaligo kantri mu dolama, tagalalio. Awe, agai bomai taun dabe doliyu, me augwaligo te wiegi yai bomai be dabe aluama, tagaliyu yalio. Te tigidali Juda bulu sese tamade agai te we bidi homu sęgę emainu mu ilama, tama augwali gela geninama mu uduali.

Godigo Nogi Ugwaba Sabo Tęąbi Po Wabo Buku Dabe 78:59

Godigo augwaligo te tebo kolesaga sulama, tama agai augwaliba haliga sębę dwai mu yai, tama tibaso agai te Israel dabe tudiba mu muanio.

Godigo Nogi Ugwaba Sabo Tęąbi Po Wabo Buku Dabe 50:12

“Ma, te ena nasi ebaso, te eno dageba po me wagobeo. Magi baso meni, te tǫ dali, tigidali elalubo nai, te eno naga dao.

Bomai Po 32:19

“Tiali, Godigo aga wai dabe augwaligo te dwai kolesaga ebo sulama, aga sębę elama, tama augwaliba tudi ola mani.

Pris Sę Ebo Bomai Po 26:30

“Te eno dwai haliga dageba elama, te dagego tibo god dabego lotu be te bulu dude sę yani te eno dolaibao, te wiegi yai denami ebo hano holobo ofa ebo alta eno alueibao. Te eno dage ela munama, te eno dolali te tibo god piksa daiba sąwaibao.

Pris Sę Ebo Bomai Po 26:11

Te ena dage tomode bidiyu, te ena be tomode digi bidaibao, te eno dage tudiba me mugobeo.

Tigidali Nai Gagalama Nigali Side 22:16

“Yawego te tiwai wali, ‘Te ena nogide digi eno mu dąų walai bomai po obao. Nago naga te deli naga elalubo ogwa me yoga sabeo. Tama tibaso, mu tama, eno nage dali wiegi yai sę mu yaibao.

Jeremaia 12:8

Eno te we bidi dabe, augwaligo enaba boi bidi yali. Augwaligo ena aiyaba elaluainu i bomonama weyu, te laion me deligo genuai buside i wabo tiwai yali. Tialima, te eno augwali godolo homu munu me egobeo.

Jeremaia 44:26

“Te Genuai Bidigo te me me wali, ‘Tialima, dage te Isipde bidalubo tigidali Judago, dagego Genuai Bidi eno poba bugagia olo muao. Eno mu po ena genuai nogide obao, te dage Isipde bidibo Juda dabe me deligo eno nogide bomai po dąų obaso, usu egobeo. Te dagego te tiwai po munu ma wagobeo, “Te sesemane sogo bidibo Genuai Bidi Godigo nogide mu dao,” munu me wagobeo.

Jeremaia 49:13

Ena Genuai Bidi, te ena nogide digi eno te tiwai mu po obao, eno te dagego polalubo taun Bosra dwagila mu dolaibao, te aga olo bulu pesage tiwai pedelaibao. Te gasa hani we bidi dabego eno te sę te taun Bosraba yali sę po odama, te augwa wi elama, dwai midigi saibao. Te augwa te Bosrabolo te dwai posobo po waibao. Te hanigo te augwa boi bidi dabede dwai posobo po wabo sogo da, augwa te tiwai po waibao, ‘Dage te Bosra taun dolali tiwai gilama yagameo.’ Eno te tǫ kantri Idom taun tigidali dolama, te dolali te tiwai sesemane elaludaibao,” wali.

Hosea 11:6

Genuai boi hwįyu, te boi bidi dabego te taun obo sunumi aluama, tama augwali te taun tomoba pelama, hwįaibao. Te boi hwįbogo te eno we bidi silaibao,” wali, “magi baso meni, te augwaligo augwa homu kolesaga naga wali pai.

Amos 3:10

Genuai Bidigo te tama po wali, “Te Samaria we bidi augwaligo te nai wi siyu, hwįbo kolesaga eyu, te nai hauwa selama, te augwa bomai be dabe pągąnani. Augwa te doloba pai kolesaga me konebeo. Mu menio.

Amos 5:21

Genuai Bidigo te tama po obao, “Eno dagego te genuai lotu wabo si dabede homu pemene isąma, te eno augwali homu godolo me egobe dao. Hagelabo homu mu ebao.

Amos 8:3

Te sogo te tempel lotu bede bidali we bidi dabego te balia munu me egobeo. Menio. Te augwa gela wabo sę naga yaibao. Magi baso meni. Te isali bidi dabego tigi te tigidali pedai badu subigila munolua paibao. Augwaligo te tigi dabe buluba sela sąbo sogo da, teda te bidi dabego po deli me wagobeo,” wali.

Bugagia Bidibo Kolesagade Po Asęai Buku 8:13

Te Genuai Bidide wi eyu, aga dologode bidibo bidi da, agai te dwai kolesaga dabe te wei mu me egobeo. Eno te hagoma ebo kolesaga me, te bidi aga digi aga nogi ugwaba sabo kolesaga me, tama te tobage dwai sę ebo kolesaga me, te tibo po wabo kolesaga me, te eno wei mu me ebeo. Menio. Eno te tobage kolesaga ebo hagela mu ebo dao.

Aisaia 28:1

Hobede mu dao, te Israel bagego sawi yai taun nage. Nage mu dolaibao. Te naga genuai bidi dabego wain wę hauwa mu tulama, poliyu, tama nago nogi ugwaba mu sabo dao. Augwaligo te po wabo dao, nage te bomai hanu mu dao, po wabo dao. Nage te nai bula tuabo tǫ wiegi yai bulu dude te bidibao. Tama nage te naga genuai bidi dabego tobolude mubo plaua kula wai bono elalubo ąǫ te elalubao. Tiali goli, nage pąde tama te plaua bono sasia pelama, dolobo tiwai nage dolaibao.

Jeremaia 22:14

Agai te tama po waibao, ‘Eno te be moni bage sę yaibao. Tama te bede te genuai be habu ugwadu elalueibao.’ Agai te be windo genuai nigilama, te agai te wiegi yai ni nami sida dabe selama, te be daga badu payali. Tama aga te wiegi yai mama yai pengo au ilibo dao.”