Amos 6:5 - Godigo dwagi yai po buku

⁵ Dagego te gesi olo balia nigibo sę ebo wei ebo dao, te Devitgo yali tiwai eyu, dagego te wiegi yai musik gagali eyu, te gita gagali me ebo dao.

Amos 6:5 Referans Kwoze

Aisaia 5:12

Te nai daa tuyu, wain wę tuyu, me haniani musik gitago eliyu, genagego eliyu, hąbidigo eliyu ebo, te dagego mu koneani. Tiali goli, Genuai Bidigo yainu ebo, te sę dabe dagego munu me konebeo. Dagego te sę dabe te olo nai dabe da homu ebo dao.

Amos 5:23

Dagego lotu wabo balia munu me elamuo. Tama dagego te gita dabe me eligio. Ena odobo hagela ebao.

Amos 8:3

Te sogo te tempel lotu bede bidali we bidi dabego te balia munu me egobeo. Menio. Te augwa gela wabo sę naga yaibao. Magi baso meni. Te isali bidi dabego tigi te tigidali pedai badu subigila munolua paibao. Augwaligo te tigi dabe buluba sela sąbo sogo da, teda te bidi dabego po deli me wagobeo,” wali.

Kraisgo Geme Dualali Sę Pedelabo Po Jonbolo Ola Mani 18:22

Tama te gita elebo po wabo me, te haniani habidi po wabo tiwai ebo me, te genagi me te bu wabo nai me, te tobage naigo po wabo nage pagede ma te po wagobeo. Tama bidigo tigidali haniani sęde konea sali bidi, te tiwai bidi nage Babilon bulu tomode bidibo augwaligo ma sugobeo. Te nai wit ge agaga pabo masigigo kulu kulu wabo, te tiwai wabo augwaligo nagede ma odogobeo.

1 Pita 4:3

Tama polobadu te dagego te tǫde bidibo we bidigo ebo dwai dwai sę hauwa sogo yai dao. Tama tiyu, dagego te penani ebo sę te we bidi gabidide hania idu geai dao. Tama dagego te dwai meda yai penani yabo homu eyu, tama te bomai ąį tulama te polobo bidi tiwai idu geai dao. Tama tiyu, te moni nai hauwa mu nogelama, te nai daa mu te ma tuyu, ma tuyu ela pedubadi, tama dagego te bomai ąį subigila tuyu, te polobo bidi tiwai pedaluyu, tama dwai sę eyu bidai dao. Tama dagego te tibo god augwalibolo lotu po weyu tama augwaligo dage tau somainogo te dagego te dwai dwai penani ebo sę te polobadu idu geai dao.

Kolesaga Koneai Bidigo Pusali Po Elalubo Buku 2:8

Eno te silva me gol hauwa elaluali, me te eno tonalubo tǫ kantri pedai king dabego me augwa wiegi yai dila pai nai dabe enaba mayu yali. Eno te we bidi meba sisinama, te augwaligo enaba wiegi yai homu pemene ilabo tęąbi po omainu yali. Te eno te me badu hani we hauwa selama, te ena homu pemene mu ilibo sę yai dao.

Tuni Bidi Dabego Po Elalubo Buku Deli 23:5

Tama te me 4,000 bidigo te Genuai Bidigo be tonalubo bidi bidao, te gasa 4,000 bidigo te Genuai Bidigo nogi ugwaba sabo tęąbi wabo wiegi yai musik omainao. Eno te musik wabo haniani nai dabe nigali, tama augwaligo te nai dabe selama te musik elebo sę emainao,” Devitgo te po wali.

Tuni Bidi Dabego Po Elalubo Buku Deli 15:16

Tama Devitgo te Livai hani tobolu bidi dabeba walama, te tęąbi weyu musik te halobage sela asobo sogo wabo Livai hani bidi meba dąį ilao po wali. Augwaligo te gita dabe me te brasgo nigai plet pou dabe me te elibo sę eyu, te musik hwą genuai u omainu ilama, te augwaligo wiegi yai homu pemene ebo sę hania ola mao wai.

Tigidali Nai Gagalama Nigali Side 31:27

Magi baso nago ena tibo po ola menama, tama nage geme naga wi soyu, tama nago enabolo pobao po wabewe? Te hasia nago enabolo wagi sogo da, teda eno nage te wiegi yai homu pemene dali tagala palu, te habidi me gita tęąbi wagi dao.” Labango te po wai.

Esekiel 26:13

Tama dagego te tęąbi po wabo me, te gita elebo sę ebo me, te ma egobeo.

Tuni Bidi Dabego Po Elalubo Buku Si 29:26

Tialima te Livai dabe augwali dolaluyu, te gita dabe te Devit te Israel dabego kingo sabilali nai tiwai tolaluali. Tama te pris dabe augwali dali dolaluyu, augwa biugel bu wabo nai tolaluali.