Amos 6:2 - Godigo dwagi yai po buku

² Dage pelama, Kalne taun sugi pao. Tama nosali dagego te Hamat genuai taun sugi pao, te dage ma bilama, te Get taun me sugi pao, te kantri Filistia tǫde elalubao. Dagego homugo te taun dabego bomo te dage Juda me Israel dabego tǫ kantrigo bomo edelai da homu eba, agawe? Te dagego homugo augwaligo tǫ te genuai mu elama, te dagego tǫ kantri tiwai si meni da homu eba, agawe? Awe, tiali goli augwali dolai dao.

Amos 6:2 Referans Kwoze

Nahum 3:8

Ninive, nago homugo nago bomogo te Tebes, te Isipgo genuai taungo bomo edelaibao homu eba, agawe? Agai me te genuai ąį me deli te aga obo banis tiwai elaluali wali. Te ąį te wę Nail dao.

Te Israel me Juda Hani Sigo Tuni Bidigo Po Elalubo Buku Si 18:34

Tama dago te taun Hamat, tama me te taun Arpat, tama me te taun Sefarvaim, tama me te taun Hena, tama me te taun Iva, te hani dabe dali boi hwįgi pabo sogo, augwaligo god mena bidibowe tama augwali tau sabowe? Tama dago te Samaria buluba boi hwįagasali sogo, tama te Samaria hani augwa godigo augwali tau selama, tama augwaligo da Asiria aiyaba elalualiwe? Mu menio.

Tigidali Nai Gagalama Nigali Side 10:10

Te Nimrotgo hasia bolo tonaluali moni hanu me si me si elaluali, Babel, me Erek, me Akat, me Kalne. Tama te hanu dabe me si me si te Babilonia pedai badu elaluali.

Tuni Bidi Dabego Po Elalubo Buku Si 26:6

Tialima king Usia hogodama, tama te Filistia dabe dali hwįgi pali. Tama agai augwali aiyaba elaluama, tama agai te taun Get, me taun Japne, me taun Asdot obo aluali. Tama agai gesi taun dabe te Asdot dabego tǫde geseliyu, me te meba kantri Filistia tǫde nigiyu yali.

1 Samuel 17:4

Te sogo te hwįbo bomai bidi me deli, augwa te Goliat nogi yali, te Get taun bidi, aga te Filistia ami dabe bidibo pesage taga soyu aselama, te pepeli diliba hania dolagaselama, tama te Israel dabego aga suali. Te aga bobage usu te 3 mita pąde tama.

Te Israel me Juda Hani Sigo Tuni Bidigo Po Elalubo Buku Si 19:13

Te taun Hamat, tama me te taun Arpat, tama me te taun Sefarvaim, tama me te taun Hena, tama me te taun Iva, te taun bulu hani king bidi dabe augwali me bidiba, agawe? Menio. Dago augwali tigidali ela muna silai dao,” Senakeripgo pasde te po wali.

Te Israel me Juda Hani Sigo Tuni Bidigo Po Elalubo Buku Si 17:30

Tama te Babilon hani augwa tali nigali tibo god noma nogi da Sukotbenot, tama me te taun Kuta hanigo tibo god noma nogi e dao, Nergal da, tama me te taun Hamat hanigo tibo god noma nogi e dao, Asima da.

Te Israel me Juda Hani Sigo Tuni Bidigo Po Elalubo Buku Si 17:24

Te Asiria king bidigo te taun Babilon we bidi dabe me, me te taun Kuta, tama me te taun Iva we bidi dabe me, tama me te taun Hamat we bidi me, me te taun Sefarvaim we bidi me agai selama, tama te augwali te Samaria bulu taun dabeba odasa pelama, tama te Israel hanigo bulu taunba augwali tatagalo pali. Tama te we bidi augwali te Israel hani we bidigo bulu tǫ selama, mu bidali.

Te Israel me Juda Hani Sigo Tuni Bidigo Po Elalubo Buku Deli 8:65

Te sogo Solomon dali, te tigidali Israel dabe me, te Jerusalemba sisinama, te osogo bidabo bede bidibo bodolu muani te genuai side sisinama bidali. Augwali te Genuai Bidi dago Godigo gedude sisinama bidali te a naga olama, me si sogo te sisinama bidali, tama nosali augwali te a naga olama, me si te tama sogo ma sisinani, te tigidali deliba taluama, te 14 sogo bidai. Te genuai hani we bidi te tigidali tǫ pedai badu asali, te Hamat hanuba pabo sunumi tulumage side gagalasa pali, te not pedai badu teba usu nigi pelama, te Isip tǫ pedai te saut badu dąį igi pai.

1 Samuel 17:23

Te agai augwali dali po midubadi, Goliatgo te Filistia hani taga soyu, tama te pepeli diliba dolagaselama, tama te Israel dabeba te polobadu wali po tiwai wali, tama Devitgo agai te wabo po odali.

1 Samuel 5:8

Tama tibaso, augwaligo te Filistia king bidi a nagabolo te po ola toloyu, te hanaluyu, augwali sisinagasao wali. Augwali sisina silibo si, tama te Asdot bulu bidi dabego augwalibolo te po wai, “Dago te Israel dabego halobage magi yaibawe?” Tama te polalubo tobolu bidi dabego te tiwai po wei ponani, “Te Gat taun hanuba sela pao,” wali. Tialima, augwaligo te Gat hanuba tolasa pali, te Filistia dabego gasa hanu dao.

Jeremaia 49:23

Genuai Bidigo te kantri tǫ Damaskusde po elalubao. Agai te tiwai po wali, “Te taun Damaskus taun si Hamat me Arpat we bidi augwaligo te dwai nai augwaliba pedelabo po odama, te augwali midigi dwai mu yalio. Augwali wi ebaso, te bugagia me dugulalubeo. Augwali te tiwai te nambisde genuai ąį dini asu, te bugagia bidisąbo tiwai ebo dao.

1 Samuel 5:10

Tama tibaso, te Gat hanu bidi dabego te halobage te Filistia dabego gasa hanu me nogi Ekron, teba tolali. Te halobage sabalubo side, te Ekron bulu bidi dabego i weyu, po dagą bomo elama weyu, te tiwai po wai, “Ae, tegobao! Augwaligo da tigidali ela mumainu, tama augwaligo te Israel dabego Godigo te Dąų Wali Bomai Po Munalubo Halobage te sela asalio,” wali.

2 Samuel 8:9

Te Hamat bulu tǫ king Toigo te tama tiwai po odali, Devitgo te Hadatesergo ami bidi dabe aiyaba elaluali po odalio.