Amos 5:8 - Godigo dwagi yai po buku

^8-9 Godigo te hǫ dabe pedalumainu ilama, tama tigidali ula ebo nai ugwadu elalubao. Agai te be huliali hasegeleyu, tama te be posobo dao, te ula elalubo hasegeleyu, tama be hulibo dao. Tama agai te tamu ąį asomainu i ola asama, tama agai te tǫba ugwadu gea palagasaibao. Agai te bomai bidi dabe me doliyu, te augwa bomai be dabe me dolobo dao. Godigo digi te tobage tigidali sę ebo dao, tama aga nogi e tiwai elalubao, Genuai Bidi dao.

Amos 5:8 Referans Kwoze

Amos 4:13

Godigo naga te bulu du dabe nigali, te wali me pedalumainu ilibao. Agai aga homu kolesaga te we bidibolo haniliyu, ola mabo dao. Agai bomogo naga te be posobo ula hasegeleyu, tama be hulibo dao. Aga te bulu du dabe daide ugwadu biliyu, te tǫ habu tigidaliba tonalubao. God, Tigidali Bomo Elalubo Genuai Bidi, aga digi te kolesaga ebo dao.

Jopgo Po Asęani Elalubo Buku 9:9

Tama God agai te hǫ dabe nigai, tama te hǫ dabe augwa nogi deli deli elalubo.

Amos 9:6

Genuai Bidigo aga togobili te dagalude nigilama, tama agai dagalu te tǫ ugwadu muani, te bagua sai be pedu nigai tiwai yalio. Agai te tamu ąį i ola aselama, tama agai te tǫ daiba ugwadu gelebo dao. God deligo naga te sę dabe ebo dao, tama agai nogi da te tiwai elalubao, Genuai Bidi dao.

Amos 8:9

Te sogode eno te giliga tomo yagasu, te nai tubo belo dolo ebo side te giliga iba dega sigulubo tiwai ilama, te be hulia sabogo te giliga tomo elalubadi mu halueibao. Ena God, Genuai Bidi, eno te tama po obao.

Godigo Nogi Ugwaba Sabo Tęąbi Po Wabo Buku Dabe 104:20

Nago be huliao wabo dao, tama hulide uni hasa dabe bilibo dao.

Godigo Nogi Ugwaba Sabo Tęąbi Po Wabo Buku Dabe 105:28

Tama Godigo augwaligo tǫ be hulia siyu, mesega sai, tialima, Isip bidi dabego agai po sela sąwai.

Jopgo Po Asęani Elalubo Buku 12:22

Agai geme dulaluai nai dabe selama, pepeli diliba mubo dao. Tama agai ula te hulialuali buluba ula mabo si, te bulu ula mu ebo dao.

Dwagi Yai Gesi Po Lukgo Asęani 1:79

Tama te hulide bidalubo bageba ula ilimainu, me isabo pąde elalubo bage me, te bage tau somainu tiwaibao. Agai da te dwagi yai homude bilibo tųdu pabo po agai dabolo mobo ola mawaibao,” Sekaraiago te po wali.

Matyu 4:16

te tǫ tigidalide bidibo we bidi augwali hulide bidaluali, tama augwaligo te genuai ula nanobo suai dao. Te we bidi augwali te isabo be hulia sai digi bidaluali tama te wiegi yai ula augwaliba pedelai dao.”

Aisaia 59:10

Te sęgę dabego da te gedu widai tiwai biliyu bidibao, te da pabo sunumi gege gege bilibo dao. Te genuai giliga nanalubode digi, da te be hulia saide bilibo bidi dabe tiwai bilalubo, te dago sągą dani te masigiba tųą palobaso, da tula mubo dao. Dago homugo te da bugagia bidaiba homu yali, tiali goli menio. Da te isai bidi bidibo tiwai yai dao.

Aisaia 42:16

Te eno ena we bidi dabe te polobadu augwali bilisąwai sunumidu odasa asaibao. Megi augwali gedu halua sai hulide bidibao, tialima te be hulia sai elalubo te eno sela sąnama, te augwaliba ula mawaibao. Tama eno te dwai pesage elaluali te dodolama, te dolo yai pesage ilama, te augwali bilabo madi tiaibao. Eno te sę dabe te mu pedalumainu yaibao, te eno te sę yaibao wali po tiwai gilama yaibao. Te eno magi nai me delide homu kone ebo me kegeda palogobeo.

Jopgo Po Asęani Elalubo Buku 38:34

“Tama nago moni dągą olama, te pǫ dabego odama, tama te moni tulubage nageba gelemainu yaibawe?

Jopgo Po Asęani Elalubo Buku 37:13

Me sogo da, agai we bidigo kolesaga dodolomainu tagala palobo dao. Tama me sogo da, augwali dwagi yai sę elama, tau somainu ebo dao. Tama me sogo da, agai tǫ ma usu ilimainu te dagalu pǫ dabe tagala palobo dao,” Elihugo te po wai.

Jeremaia 16:21

Tialima, Genuai Bidigo te tiwai po wei ponani, “Odao. Deli sogo naga eno te tigidali hani we bidi bugagia ola mawaibao, tama te sogo augwaligo eno genuai bomo bugagia koneaibao. Te augwaligo eno nogi te tiwai koneama, ena Genuai Bidi dao waibao,” te po wai dao.

Jeremaia 33:2

“Ena Genuai Bidi, te eno te tǫ nigilama, tama dodolama, aga elalubo madide dąų walai dao. Genuai Bidi wabo te eno nogi dao, te eno te tiwai po obao.