Amos 5:2 - Godigo dwagi yai po buku

² Te tiwai balia obao, “Te gesi wegi Israel, aga degasa dulalio, ela mubaso, te ma hodalubo usu ebeo. Aga te aga tǫde pila mubao, te aga tau selama hodolabo bidi deli me meni dao.”

Amos 5:2 Referans Kwoze

Jeremaia 14:17

“Tama Jeremaia, eno homugo te nago naga po digi te we bidi dabeba pusao. Nago te tama po wao, ‘Ena Jeremaia, te ena gela umabo mu udubadi gęyu, te eno gedudu gela guwa gealudaibao. Eno te tebo kolesaga te ulade me, hulide me, tagalogobeo, magi baso meni, te boi bidi dabego eno we bidi dabe dwagilama mu eliyu, te we bidi hobedagia mu dolali.

Amos 9:11

Genuai Bidigo te tama po wai, “Nosali te me sogo si pedalubaso, teda eno te Devitgo hanide king me deli hodolaibao. Megi da, te hanigo tǫ kantri te be me deli degasa pelama, dolai tiwai elalubao. Tialima, nosali eno te be ma sęnama da, teda eno te be daga dabe me dodola silama, te be polobadu elaluali tiwai ma pedelaibao.

Amos 8:14

We bidi mebago te Samaria dabego tibo god dabego nogide po dąų walobo dao. Augwa nogo guni sisu muyu, augwaligo te tiwai po wabo, ‘Mu da, te taun Dango tibo god nogide,’ wabo, ma, ‘Te Berseba taungo tibo god nogide mu da,’ po tiwai wabo dao. Tialima, te we bidi augwali da isama, te augwali ma hodalugobe dao,” Genuai Bidigo te po wai dao.

Hosea 14:1

Te Israel dabe, dage te Godiba ma asiąo, te duga Genuai Bidi dao, magi baso meni, te duga dwai sęgęgo dage tulalumainu yali dao.

Hosea 6:2

Nosali te si sogo, ma sela sogo bidama, tama te agai da hodolama, tama te aga dali bugagia bidaibao.

Te We Bidi Dabego Jerusalem Hagede Gela Wali 2:13

Jerusalem, eno nage hobede mu dwalio. O Jerusalem, te meba taun dabe nago te sali dene tiwai me sai menio. Tialima, eno mena po mu olama, nago homu dąų walaibawe? Nage dolali, te ene genuai mu tomoba pali tiwai yalio, te tamu ąį ge te aiyana mu dulali tiwai yalio. Tama nage dego wiegi yai ma pedelemainu egowe? Woo, bidi menio.

Jeremaia 51:64

Tialima, Genuai Bidigo po nago e tiwai po pusao, ‘Babilon da, te e buku tulaluali tiwai yai elama, te aga ugwaba ma pedalugobeo, magi baso meni, ena Genuai Bidi, eno aga dwagila mu dolaibao. Te Babilon we bidi augwali mu tulaluaibao,’ nago te po wao,” Jeremaiago te po Seraiabolo wali. Te Jeremaiago po eba silagasobao.

Jeremaia 50:32

Nage te hagoma ebo bulu tǫ kantri, te nage tula munama dolaibao, te nage ma hodolabo bidi deli me meni yaibao. Te eno nago taun dabe isigo ulama, tama te siago nago doado bage tigidali daibao,” te po wai.

Jeremaia 31:4

Dage Israel, eno gedude dage te bidi dali pagela pisąwai gesi we tiwai dao. Tama te eno dage bomai hani we bidi ma pedalumainu yaibao. Te gesi ogwa wego pemene elama, hąbidi eleyu, te tęąbi wabo hani dabe dali pemene ebo tiwai dagego yaibao.

Jeremaia 18:13

Tama tibaso, Genuai Bidigo po ma weyu, te tama po wai, “Ena Genuai Bidi, eno po dolo obao. Te gasa we bidi dabeba hanalu wagi pao. Te augwaligo te we bidi mebago dwai kolesaga mu yali po odali, te Israel dabego yali tiwai eba, agawe? Eno te Israel hani mu sai dao, bidigo te bidi dali pagela pisąwai gesi we sabo tiwai yali. Tiali goli, augwaligo dwai sę mu yali.

Jeremaia 4:20

Augwaligo te tigidali tǫ kantri badu te we bidi dabe mu dolama, te tǫ kantri dwai mu pedelali. Polo mu tama, augwaligo te dago ugwa be dabe dolai dao.

Jeremaia 2:27

Augwa te tama po obao, ‘Ni, nage da, te dena aya da, te masigi, nago da ame nani.’ Augwaligo ena tudiba naga muyu, te augwali ena pąba me asisąwai. Tiali goli, te sęgę pedalubo si da, augwaligo te tiwai i wabo dao, ‘Genuai Bidi, nago da tau sagasao,’ tama wabo dao.

Aisaia 43:17

Tama eno te boi bidi hauwa dali, te augwa karis me hos dabe dali, augwa te tamu ąį sunumi tomodu wali asobadi, te augwali mu dolama, te munu ma hogodalubeo. Augwali te polo tama mu isila pali, te lam sole bidigo pona palobode isibo tiwai yalio.

Aisaia 37:22

Tama tialima, megi da, agai te Senakerip dali po elalubao, te Asiria king dao. Genuai Bidigo te tiwai po wali, ‘Senakerip, te Saion bulu dude bidibo we bidigo nageba gisugu mabo dwai mu eyu, tama te Jerusalem bagego nageba posobo dwai weyu, te nage begela dolobo dao.

Aisaia 24:20

Aga te polobo bidi ugwaba edaba ebo tiwai eyu, me te dwasianu be te bomai wali ebo sogo uba edaba ebo tiwai yaibao. Te tǫde we bidi dabe augwa dwai sęgęgo yaligo te tǫgo tolobo usu egobeo. Tama tibaso, te tǫ tulaluama, tama te tǫ ma hodalobo usu me egobeo,” eno te po wali.

Aisaia 14:21

Tama tibaso, agai wai bǫų dabe odasa aselama, ela muagasao, te aga ayago yali dwai sę, me augwa wąį dabego yali dwai sę wei ponoyu tama yao. Tama augwali deli me bidama, tama tuni bidi nigilama, tama bulu dabe tonaluyu, tama hanu dabe tigidali bulude dabe ma nigilamuo.”

Aisaia 3:8

Jerusalem de Juda si te dwai sogoba sabolama, tulalubo gagalali. Magi baso meni. Augwaligo tigidali pogo me, sęgo me, augwaligo Genuai Bidigo nogi aiyaba elalubo dao. Augwaligo te dwai kolesaga agai gedude ma ebo dao.

Te Israel me Juda Hani Sigo Tuni Bidigo Po Elalubo Buku Si 17:16

Tama augwaligo te Godigo bomai po tigidali sela sąyani, augwa Genuai Bidigo po. Tama augwaligo te gol selama, te bulmakau kibu omai si nigilama, tama augwaligo te kibu noma siba lotu po wali. Tama me te tibo god we Asera noma nigaliba lotu po weyu yali. Tama me te augwaligo te dagalu hǫba lotu po wali, tama me te tibo god Balba lotu po weyu yali.

Te Israel me Juda Hani Sigo Tuni Bidigo Po Elalubo Buku Si 15:29

Te bidi Peka king bidibo sogo, te Tiklat Pileser, te Asiria king bidi, augwali asama, te Israel hani dali boi hwįagaselama, tama augwali aiyaba elaluama, tama te Asiria hanigo te taun tigidali sesa pali, me te taun Ijon sali, me te taun Abel Betmaka, tama me te taun Janoa, tama me te taun Kedes, tama me te taun Hasor, tama te genuai distrik Gileat, tama me te moni distrik Galili me, tama te Naptali hanigo tigidali tǫ pedai dabe me, te Asiria hanigo sali. Tama te bulu we bidi dabe augwaligo selama, tama te Asiria digibulu buluba kalabus mugi pali.

Jeremaia 8:4

Genuai Bidigo enabolo weyu, te po te we bidi augwaliba pusao po wali, “Ena, Genuai Bidi, eno te po obao,” wali. “Te bidi dabe augwali tula mubo sogo, te augwali ma hodalubo meni da, agawe? Te bidi dabe sunumidu pobadi, te pabo sunumi geda mubo sogo, te augwali begelama, ma geasa pabo meni da, agawe? Menio. Augwa te tama tiwai ebo dao.

Jeremaia 9:9

Mu tamao, eno te we bidiba dwai dene mawaibao, augwa te yali dwai sę wei ponaibao. Ena Genuai Bidi, eno te po wai dao.”

Jeremaia 9:21

Magi baso meni, isibo daba pedelalio, te dago be sunumidu tomoba asali. Te da genuai bidigo bede bidibadi me, ma te olo bidigo bede bidibadi me, te tagalao. Te isibogo da me ela soagobeo. Isibogo te wai puluba sunumide gagali idubo, me te gesi ogwa bidi te bidi sisinibo pesageba sabolama, te isaibao.