Amos 5:18 - Godigo dwagi yai po buku

¹⁸ Dage tigidaligo homugo te Genuai Bidigo Bodolu Side asesa pedalumainao homu ebao. Tiali goli, dage hobede mu ebao. Mena wiegi yai sę mu dageba te side pedelaibawe? Dagego homugo te be posobo si da homu eba, agawe? Mu menio. Te be hulialubo side naga dao.

Amos 5:18 Referans Kwoze

Joel 1:15

Magi baso meni, te Genuai Bidi asabo side bodolu te pąba yagasalio, tama te bodolu side te Tigidali Bomo Elalubo Godigo te dolabo genuai sę daba tagala palaibao. Hobede da, te side te dwai mu dao.

Joel 2:31

“Tama te dagalude da, te giliga ge be hulia selama, te poluade mama yai pedelama, te bidi kaneme tiwai yaibao. Dagego te nai subo sogo da, te dagego koneyu, te Genuai Bidigo sogo bodolu te pedalubao homu yaibao. Te genuai side te tigidali tǫde we bidi wi mu yaibao.

Jeremaia 30:7

Homu dene mu ebao, te dwai sogo mu me deli pedelaibao. Te dwai sogogo te gasa dwai sogo ebo tigidali aiyaba elalueibao. Eno we bidi dabe, te Israel dabe, augwali te sogo genuai sęgę elalueibao. Tiali digi, te eno augwali ma saibao.

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Aisaia 9:19

Genuai Bidi Tigidali Bomo Elalubo Bidigo sębę genuai mu elama, tama agai tǫde we bidi tigidali dene mani. Tama augwali silali, te isigo mone busi delama, tigidali nai dabe dela silibo tiwai yali. Te deli deli we bidigo homu kolesagago da, gasa we bidi aiyaba elaluabo homu elalubo.

Aisaia 5:30

Tama te sogo boi bidi dabe aselama, Juda bulu dolagasaibao. Tama augwaligo kulukulu genuai mu waibao, te tamu wę holama, wę kemi saneba asiyu, u wabo tiwai yaibao. Tama te bidi dabego te buluba tonagasobo si da, teda augwaligo te bulu sisi pǫgo mesega selama, giliga ula sininai suaibao. Tama te bulu mu hulia sai suaibao.

Aisaia 5:19

Dagego te po wabo dao, “Dago odobo Israel dabego God, aga te Dwagi Yai Doloba Pai Kolesaga Naga Ebo God dao. Ma, agai dabolo magi sę me yabo homu ebaso da, teda agai polo emainao. Tama tibaso, dago sulama, tama dago aga homu kolesaga koneaibao. Awe, agai te sę polo emainao,” wabo.

Joel 2:10

Augwali pobadi, te tǫ dali, dagalu dali si mumunu yaibao. Tama giliga dali, polua si, te hulia saibao, tama te hǫ ula ma egobeo.

2 Pita 3:4

Tama aga menade bidibawe? Aga asobeo. Tama te dago wąį dabe isali sogo tama dąį elama megi tama bidada asobo sogo, te tigidali nai Godigo nigali sogo, te tiwai polobadu elaluai dao, hasegelebeo,” augwaligo te tobage po waibao.

Esekiel 12:27

“Tode bidio, te Israel dabego te tama po wai, ‘Esekielgo te nade subo nai tiwai sulama, tama agai te nai dabe pedelabo po pusali. Tialima, agai te po wali nai dabe, augwali te me pedalubeo. Menio. Augwali te nosali mu pedelai dao.’ Augwaligo te po wai.

Esekiel 12:22

“Tǫde bidio, te Israel dabego sesemane sogo wabo po me deli elalubao wali. Te po e tiwai da, ‘Te profet dabego te po weyu, te nai dabe pedelaibao wali. Tialima, te kibu be hauwa palima, te dago subo augwaligo te wali po mu po menio, geda mubao,’ wali. Tialima, eno te Israel dabego wabo po eno godolo me egobeo.

2 Pita 3:10

Tiali goli te Genuai Bidi asobo sogo mu asaibao, te nai wi sabo bidi geme asobo gilama. Tama te sogo dagalu kulukulu genuai olama tama hagawaibao. Tama te giliga dali, polua dali, te hǫ dabe tigidali, te siago dela silaibao. Tǫ me, te tigidali nigali nai elalubo me, te siago tigidali daibao.

Jeremaia 17:15

Te Israel dabego enaba posobo po te tiwai odu gebao, “Magi baso te dwai sę dabe te Genuai Bidigo yabo po wabo da, agawe? Te sę agai yabo homu ebaso da, teda aga megi tama ebaso usu dao,” wabo.

Bomai Po 32:24

Eno augwali moni dwai nasi emainogo ilaibao, tama augwali haniani gasi elama, isila paibao. Tama eno haniani dwai gula mane dabe bulu hasa dabe aselama, augwali tula silimainu yaibao.

Aisaia 8:22

tǫba tonoyu yaibao. Tiali goli, augwaligo dwagi yai nai dabe me sugobeo. Menio. Te augwaligo te dwai sęgę, me dwai sęgęgo augwali tigidali bulude bilibo digi te hulia saigo augwali mesegasa bilibo tiwai yaibao. Tama augwali wi pelama, te dwai sęgę gedelabo sunumi mu meni yaibao.

Aisaia 13:6

Dage gela bomonama wao. Magi baso meni. Te Genuai Bidigo aga tigidali we bidi po tųde dodolabo bodolu pąba polo yagasalio. Tama te sogo God Tigidali Bomo Elalubo Bidigo te genuai dolabo sę taga palaibao.

Jeremaia 13:16

Dagego Godiba genuai nogi mao, duga Genuai Bidi dao. Tiyu, agai dagego bulu be huli elama, te duga bulu duba bilibo sogo, te dage tula muna muna paibao. Te giliga dageba nanomainao homu godolo ebadi, tialima, Genuai Bidigo te be posali ula hasegelama, te dwai be hulia sai pedelaibao.

Joel 2:11

Genuai Bidigo te aga ami bidi dabeba i bomonama wali, te agai pedauwalide te dagalu kulukulu wabo tiwai yali. Te agai po wali pabo bomai ami hauwa elaluali. Idaya, tegobao! Te Genuai Bidigo bodolu side te dwai mu dao. Tialima, de aga te bugagia bidiyu, te aga me dologobe dawe?

Obadia 1:15

Tama Genuai Bidigo te tiwai ma wali, “Eno te tigidali we bidi hani po tų ilabo bodolu si, te pąba yagasalio. Te dage Idom dabego yali dwai sę te eno dageba dolo mu wei ponaibao. Te duga yali dwai kolesagade usu nama, te dage sęgę saibao,” wai.

Aisaia 24:18

Tama bidigo te dwai sogo te asobao wabo po odama, wi pobaso da, aga te tǫ dedageba tulaluaibao. Tama aga te tǫ dedagede ma hola aselama, ma wi painu yali da, teda aga te sųgų sabo wade ma tola saibao. Te dagalude sunumi dabe dala pelama, tama te wę e tǫba gealuaibao. Tama tǫ pagede mali yaibao.

Aisaia 58:2

“Mu tama, te tigidali sogode augwa te enaba lotu wabo kolesaga eyu, te eno homu kolesaga osola sueinu yali. Te augwaligo enaba hanalu, te augwaliba doloba pai kolesaga yao weyu, te augwali pąde bidibaso, te augwali wiegi yai pemene yaibao wali. Tiali goli, te hani dabego tibo po mu wai. Augwaligo te eno bomo yai po tudiba munama, te augwa dwai kolesaga naga ebo sę yai dao.