Amos 5:12 - Godigo dwagi yai po buku

¹² Magi baso meni. Dagego sęgę dabe dwai mu elalubo eno koneani, tama eno koneani, dagego sęgę hauwa mu elalubao. Dagego dwai sę te wiegi yai bidi dabeba ebao. Dagego te dobo sę ebo bidi dabego nogode te mone ge dabe sabo dao. Tama te po tų ebo si, te magi nai meni yai bidi dabego gasa bidi dabe aiyaba elaluidali weyu, dagego te po tų dolobo dao.

Amos 5:12 Referans Kwoze

Amos 5:10

Te doloba pai bidi dabe augwali te po tųba sabalobo sogo, te mu po naga weyu, te dage dwai kolesaga ebo bidi dabeba wado po obaso da, teda dagego te doloba pai bidi dabe wei homu me ebo meni.

Aisaia 1:23

Jerusalem, nago genuai bidi me, tobolu bidi me, augwali te po odisiąwai dabe bidiyu, tama nai wi sabo bidi dabego abagi dao. Tigidali sogo augwaligo te mone pesą eyu, augwaligo te bidi dabe augwali dali mone dabe sainogo ili po wabo bidi dabe tau sabo homu ebo dao. Tama te po tų odobo sogo, augwali te tiana wai dabe tau sabo homu ebo menio. Tama me, augwaligo te wilawe we dabego homu sęgę ebo dodolobo odama, dodolabo homu ebo menio.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

1 Samuel 8:3

Tiali goli, augwali sigo te augwa ayago kolesaga tiwai me wali pabeo. Menio. Augwali sigo te mone sabo homu godolo yai, tama augwali sigo te gasa bidigo homu bega sabo po odoyu, tama tede te mone siyu, tama augwali sigo te ebo kolesaga geda muyu, tama te po tų bugagia me dodolobeo.

Jems 5:6

Dagego te wiegi yai doloba pai bidi dabe po tų elama, te bidi dabe augwali ela muai. Tama dagego augwali dali te dwai sę ebadi yaide, augwaligo dage dali po wei ponobo usu ebeo.

Jems 5:4

Te po bugagia odao. Te sę ebo bidi dabe augwaligo te dagego moni gide dagego nai sabo sę yai. Tama dagego augwali ili po weyu, te augwali maiabo mone ge bogia siyu, tama meba duga geme halobageba dualobo dao. Odao. Dagego te geme dualali masigigo agai i olama, dwai po dage dali wabo tiwai po wabo dao. Tama te sę bidi dabe augwaligo masigi habuge eyu, dwai homu eyu, tama augwaligo i wabo te dagalude bidibo Genuai Bidi agai odalio, God aga tigidali bomo page bidi mu dao, te aga digi augwaligo gela wabo po odalio.

Godigo Sęba Tagala Palai Bidigo Po 7:52

Polobadu duga wąį dabe augwaligo Godigo dwagi yai po pusa mabo bidi dabe tigidali ela silali. Me deli bidibawe? Mu menio. Polobadu mu Godigo dwagi yai po odasa pabo bidi dabe augwaligo te po wai, ‘Nosali God agai dwagi yai dolo sę ebo bidi asaibao.’ Tialima, duga wąį dabe augwaligo te po odasa pabo bidi dabe ela muani. Megi tama dagego te Godigo dwagi yai dolo sę ebo bidi ela muai.

Maika 7:3

Augwaligo te dwai sę ebo kolesaga mu koneani. Te ofisa dabego me jas dabego te bidi dabeba i weyu, te augwaliba te mone menama, te po tų dolainu ebo dao. Augwaligo deli homu ebo dao. Te genuai nogi elalubo bidi dabego te jas dabeba te homu wei godolo ebo po obaso, te po tų doloyu, te jas dabego te bidi dabego wabo po wali peyu ebo dao.

Maika 3:11

Te taun bidi dabego te tobolu bidi dabe homu bega sabo sę eyu, te augwaliba mone mayu, te augwa haniani dwai kolesaga emainu ebo dao. Te pris dabego te mone naga sainogo te Godigo bomai po page pusubo dao. Tialima, te profet dabego te mone sabo homu eyu, te geme dualali po pusali. Tigidaligo te tiwai eyu, augwa te po wali, “Genuai Bidi te da dali bidibao,” walio. “Tialima, te magi nai me deligo da me dologobeo,” wabo dao.

Amos 2:16

Tama te eno po tų ebo side, te wi munu me isąwani ami bidi dabe me, te augwa boi hwįbo doado bage kidilama, olo tama wi paibao. Ena Genuai Bidigo eno te po wai dao.”

Te We Bidi Dabego Jerusalem Hagede Gela Wali 3:34

Tama tibaso, bidigo te da kalabuside bidibo Juda bage dali dwai sę ebaso da, teda Genuai Bidigo te koneaibao. Ma, bidigo te Ugwadu Mu Bidibo God dali hagoma eyu, tama gasa bidi dali doloba pai kolesaga isąbaso da, teda Godigo te sę ebo bidi sugobe da, agawe? Ma, bidigo te po tų ebo kolesaga doloyu, gasa bidiba dene mobaso da, teda Genuai Bidigo tede hagela homu mu yaibao.

Jeremaia 29:23

Eno augwali si dolaibao, magi baso meni, augwali sigo te dwai kolesaga mu dage Israel tomode yalio. Augwali sigo te augwa abagi dabego we dabe dali pagela pilama, tama augwali sigo tibo po eno nogide pusali. Eno augwaliba te po me mabeo. Ena Genuai Bidi, eno augwali sigo kolesaga koneama, tama eno tede po pusubo dao. Eno po tama dao,” wali.

Aisaia 66:18

Genuai Bidigo te po wai, “Eno te we bidi dabe homu kolesaga sulama, tama eno konebao, te megi da, eno te tigidali we bidi dali sisinibo sogo dao, te mena po haniani wabo bage me sisinaibao. Te augwali sisinagasobo sogode, teda augwaligo te eno genuai ula me bomo sueibao.

Aisaia 47:9

Tiali goli, hobede ya, te deli sogo naga te sę si nageba pedalaibao. Naga bidi dali, naga wai puluba tigidali me, te deli sogo naga isaibao. Nago te naga digi naga tonalubo haniani bomai pobi po elaluba homu yaibao, tiali goli te pobi pogo nage tau me sogobeo. Menio. Te dwai sęgo isaboba kegebao.”

Aisaia 33:15

Te doloba pai kolesaga eyu, me mu po naga weyu, me gasa bidi dabego doado bage sabo homu isąyu, dwai kolesaga isąbo bidi dabe, augwali te Genuai Bidi dali bidibo usu yaibao. Tama augwaligo te ili po wabo mone sisąma eyu, me te dwai kolesaga ebo bidi dabe dali dagana sisąma eyu, me te gasa bidi dabe ela mubo bidi dabe dali kisa selama ebo menio.

Aisaia 29:21

Tama te deli tobage dene me te ili po olama, gasa bidi dabe po tų ela mabo bidi dabe me, dene saibao. Te gasa bidi dabe olo dali po tų ela mabo bidi dabe tiaibao. Te dwai sęgę elalubo bidi dabe tau sela menama, te sęgę meni yai bidi dabego po dolobo bidi dabe, te dedeli dene naga saibao. Te augwaligo po tų dolama, tama doloba pai bidi dabego te po tų dolama, tama doloba pai bidi dabego te po tų ugwa ela hologobeo.

Aisaia 5:23

Te dagego po tų odobo sogo da, dagego te augwaligo nogode te ili po wabo po tų abelebo masigi dagego selama, tama te dwai sę yali bage olo taga palobo dao. Tiali goli, dagego te po sęgę meni yai bidi dabego po bugagia osola subo menio.

Bugagia Bidibo Kolesagade Po Asęai Buku 22:22

Nago homugo te magi nai doado bage meni yai bidi dabe, augwali te olo bidi naga da homu elama, tama nago augwaligo doado bage odolali me kekelama sigio. Tama augwali te po tųba sabalubo sogo da, teda nago te augwali aiyaba elaluabo po tų me igio,

Jopgo Po Asęani Elalubo Buku 31:21

Ma, eno homugo gasa tobolu bidi dabe eno po mu dao omainu elama, tama ena po tų ebode dolama tibo po olama, te augwa aya isai wai dabego nai sainu ebeo.

Rutgo Po Elalubo Buku 4:1

Tialima, Boas te hanuba pelama, te po mibo madi pali, tama aga tede dulaluali. Tama gesege gana isiąbadi, te sogo agai suali, te gasa bidi me te Elimelek aga deli hani asobo sualio. Tama Boasgo aga i olama, “Ae, ama, nage aselama, eba duayagasao. Eno dwasianu po elalubao.”

Bomai Po 31:21

Tama nosali haniani dwai sę dabe augwali tigide pedalaibao. Tama te Israel dabe augwali te dwai sogo bidibo bage augwaligo te balia po gegeda pomainogo egobeo. Te augwaligo te balia po me odubadi geaibao. Tama te balia po augwaligo augwa yali dwai kolesagade homu hogodolaibao. Eno augwali te mawaibao wali te kantriba odasa pisąbadi goli, tiali goli eno augwaligo homu kolesaga polo koneanio,” Genuai Bidigo te po wali.

Bomai Po 16:18

Tama Mosesgo po geninama weyu, te po wali, “Te dage hani deli deli tomode, dagego te jas me te ofisa dabe sa mumuna pao, te Genuai Bidi dago God agai dage mawainogo ebo te hanu dabede bida bida pabo, te bidi dabe.

Godigo Nogi Ugwaba Sabo Tęąbi Po Wabo Buku Dabe 127:5

Te wai ogwa hauwa elalubo bidi, aga te wiegi yai pemene yao. Te agai te aga boi bidi dabe dali te po tų ebo pesagede te po tų ebo sogo, te augwaligo aga tau saibao. Tama aga te po tųde hagamainu me egobeo.

Bugagia Bidibo Kolesagade Po Asęai Buku 17:8

Te homu bega sabo mone mabo bidi, agai te homu yai, te homu bega siyu mabo mone te aga tau sabo mone tiwai da weyu, te tobage magi sę dabe aga digi homugo yainogo tebo dao.

Esekiel 13:22

“Dagego te tibo po hauwa weyu, te dagego wiegi yai bidi dabego homu kolesaga dolobao. Tama dagego te dwai bidi dabe tau sobaso, te augwaligo dwai kolesaga ebo me tagalobeo. Te augwaligo dwai kolesaga tagalobaso da, teda augwali bugagia bidigi dao.

Hosea 5:3

“Eno te dage Israelgo dwai kolesaga koneai dao. Dage enade geme me duala sogobeo. Dage ena wali me asisąma, tama dage tigidali eno gedude meda yai pedelai, te penani ebo we tiwai yai dao,” wali.

Amos 2:3

Eno te Moap king ela mubadi, te aga ofisa dabe dali tigidali ela mueibao.” Te po da, Genuai Bidi aga po dao.

Amos 5:7

Ae, hobede ya, dage po tų ebo dolobo bage, me dage te doloba pai kolesaga aiyaba elalubo bidi dabe, te dage tigidali mu dolaibao.

Amos 8:4

Amosgo po e dao. Dage Israel bisnis sę ebo bage, dagego te magi nai sǫą pai meba bidi dabe agayu, aiyaba elaluama, tama dagego te magi nai meni yai bidi dabe te dagego tǫ kantride bidibo dolabo homu ebo bage, dagego odao.

Ma Dobola Sali 23:3

Tama bidi mebago te magi nai meni yai bidi po tų ela mainogo, tama augwaligo dage te sę ebo suali tiwai po omainogo dage i obaso da, dagego te magi nai meni yai bidi tau siyu, te po mesegelama tibo po wagio.”

Ma Dobola Sali 23:6

“Tama te magi nai meni yai bidigo magi nai me delide po tų yagasobaso da, dagego agai po tų ebo mesegelama, aiyaba elalugio.

Jopgo Po Asęani Elalubo Buku 20:19

Agai te tama tiaibao. Magi baso meni. Augwaligo nai meni yai bidi dabe hobede isąma yali pode. Meni. Augwaligo augwalide dwai sę yali. Tama haniani tibo sę elama, tibo po olama, gasa bidigo be dabe sali.