Amos 5:1 - Godigo dwagi yai po buku

¹ Dage Israel hani dabe, dagego te isai bidide wabo balia odao. Megi ena, Amos, eno dageba te balia obao, magi baso meni, dage te isai bidi tiwai yaibao.

Amos 5:1 Referans Kwoze

Esekiel 19:1

Godigo po enabolo walali, te Israel king side homu dene ebo e balia po wao po wali.

Jeremaia 9:17

Tigidali Bomo Elalubo Genuai Bidigo te tiwai po wali, “Dagego te dugaba pedalubo te sęde homu kone bugagia palao. Tama duga te hobede ebode te tęąbi mu koneai we dabe i olama, te augwali asomainao.”

Jeremaia 9:10

Tialima, ena, Jeremaia, eno te bulu du dabe, me te kala elaluali pesage dolali, tede homu kone ebao, tama ena dwai gela weyu, hobede ebo balia obao. Te pesage badu te bidi munu me bilisiąma, te bulmakau dabe te kala pesageba te nosai me tugi pogobeo. Te ba dabe me hasa dabe wi pela siliyu, te pesage taga pai dao.

Jeremaia 7:29

Jerusalem, nago naga tobolu nisi togola sąyu, te nago hobede ebo ola mao. Te nage bulu duba holama, te hobede ebo tęąbi wao, magi baso meni, te nago we bidi dabego te Genuai Bidi haliga sębę dwai mu ilibao. Tama tialima, Genuai Bidigo te hani we bidi dabe homu godolo munu me isiąma, te augwali tudiba muai dao.

Maika 2:4

Te dwai sę dabe pedalubo sogo da, te bidi dabego dage dolali po mimi pelama, te dageba posobo po waibao. Tama augwaligo te tibo homu dene eyu, te tiwai tibo gela wabo weyu, balia po waibao, ‘Da mu dolali dao. Genuai Bidigo dago tǫ salio. Agai te tǫ te da kalabus yali bidi dabeba dobayu, mawai dao.’ Augwaligo te po waibao,” Genuai Bidigo te po obao.

Amos 5:16

Tialima, dagego te dwai kolesaga ebaso, tialima eno Genuai Bidigo aga Tigidali Bomo Elalubo God, agai te tiwai po obao, “Eno dwai dene mabo sę dageba yagasaibao,” wali. “Tama tialima, augwaligo dagede taun sunumi dabede gela bomo elama, ela paibao. Te we bidi deliba sisinibo madide me, te we bidi augwali noma dwai mu siyu, gela udaibao, te taun dabe tomode. Tama me augwa te taun bulu badu bidalubo olo we bidi dabeba i weyu, te balia ebo mu konea pai bidi dabego te bidi isaide te homu dene elama, balia wabo tiwai tau sagasomainu yaibao, dagede. Me te wain gi dabede bidaluali bidi dabe wiegi yai homu pemene ebo tagalama, te augwa dwai gela mu waibao.” Genuai Bidigo te po obao.

Amos 4:1

Dage Samaria we dabego, te po odiąo. Dage mu nisalio, te Basan bulude elalubo wiegi yai bulmakau dabego nosai hauwa tulama, nisibo tiwai pedelali. Dagego te bomo kimi meni yai we bidi dabeba dwai sę ebo dao. Tama dagego te magi nai doado bage meni yai bidi dabeba sęgę menama, te dagego augwali dwasianu hobede me ebeo. Menio. Dagego te duga bidi tonalu, te augwaliba e tiwai i weyu, “Te tubo bomai ąį hauwa sesao. Da gęǫ page yaibao,” wabo dao.

Amos 3:1

Dage Israel, dage tigidali hani Genuai Bidigo dage Isipde ma dobola selama, odasa asali, dagego agai dagebolo mabo po odiąo.

Esekiel 32:16

“Tama te gasa kantri we sibigo augwaligo te hobedai balia po waibao, augwaligo te dage Isip dabe homu dene eyu, gela wabode te balia po waibao. Ena God Genuai Bidi eno po polo wali dao,” te po wali.

Esekiel 32:2

“Tǫde bidi, nago Isip king bidide hobedai gela weyu, e tama balia po wao, ‘King, nago homugo nage te meba kantri tomode te boma pai laion yowi da homu ebo dao. Tiali goli, menio. Nage te moni pukpuk me deli te węde bidiyu, sągą subigila sąyu ebode wę dunugu ilibo pukpuk tiwai dao.

Esekiel 28:12

“Tǫde bidi, nago te Tair king bidide hobedai balia po olama, tama agabolo e tama po wao. ‘Tair bulu king bidi, ena God Genuai Bidigo po nago odao. Polobadu nage wiegi yai bidi mu bidiyu, tama nago tigidali bidi aiyaba elaluama bidai dao. Tama nago homu kolesaga genuai mu elama, tama nage tonobo sawi mu yai dao.

Esekiel 27:2

“Tǫde bidio, Tair taun dolaibao, tama tibaso, nage gela weyu, tama hobede ebo balia po wao.

Esekiel 26:17

Tama augwali te king dabego te dagego taun dolali sęde te e tiwai hobede ebo balia po waibao, ‘Hobede mu da, genuai nogi yai taun, nage dolalio. Te taun nago we bidi dabe te tamu ąįba asai, te polobadu augwaligo sip hauwa elalu, te augwali tamu ąįde sę yali polalubo hani dabe bidali. Tama te tamu ąį pąde bidalubo taun we bidi dabe, te augwali nago taun we bidide wi dwai mu yali. Tiali goli, megi da, nago sip dabe iba soyu, eda asiyu eyu, te bisnis sę iduali munu ma egobe dao.

Esekiel 19:14

Isi te ni pedelama, te ni nologo tigidali dobadi, te ni wai du dabe me dalio. Tama te bomai nologo me elalusiąwai, te kingo tolasa bilibo dono tiwai pedelabo ni nologo tiwai me pedalubeo. E po da, te homu dene ebo balia po da. Te balia po augwaligo hauwa sogo odu geaibao,” wali.

Jeremaia 9:20

Dage Jerusalem we dabe, Genuai Bidigo po enaba dageba po pusao wali, tama dagego agai poba olo bugagia muao. Dagego duga wegi dabeba te hobede ebo tęąbi wabo kolesaga ola mao. Tama dage we deli deligo te hobede ebo tęąbi wabo kolesaga te gasa we dabeba ola mao.

Jeremaia 9:9

Mu tamao, eno te we bidiba dwai dene mawaibao, augwa te yali dwai sę wei ponaibao. Ena Genuai Bidi, eno te po wai dao.”

Jeremaia 18:13

Tama tibaso, Genuai Bidigo po ma weyu, te tama po wai, “Ena Genuai Bidi, eno po dolo obao. Te gasa we bidi dabeba hanalu wagi pao. Te augwaligo te we bidi mebago dwai kolesaga mu yali po odali, te Israel dabego yali tiwai eba, agawe? Eno te Israel hani mu sai dao, bidigo te bidi dali pagela pisąwai gesi we sabo tiwai yali. Tiali goli, augwaligo dwai sę mu yali.

Amos 8:14

We bidi mebago te Samaria dabego tibo god dabego nogide po dąų walobo dao. Augwa nogo guni sisu muyu, augwaligo te tiwai po wabo, ‘Mu da, te taun Dango tibo god nogide,’ wabo, ma, ‘Te Berseba taungo tibo god nogide mu da,’ po tiwai wabo dao. Tialima, te we bidi augwali da isama, te augwali ma hodalugobe dao,” Genuai Bidigo te po wai dao.