Amos 4:9 - Godigo dwagi yai po buku

⁹ Te Genuai Bidigo te tama po wai, “Hauwa sogo eno te dagego gi dolomainu eyu, eno te posolai wali tagala palai. Me, te hauwa sogo eno te dagego gi nai yabe aminawai holomainogo ilai. Te kuli mano dabego dagego gi nai dabe, me wain gi dabe, me ni kaya fik, me oliv ni dabe tula silimainu yai. Tiali goli, dage enaba ma geasa me asobeo. Mu menio,” wali.

Amos 4:9 Referans Kwoze

Hagai 2:17

“Eno te posolo yai wali me deli tagala palama, tama te wali asu, te gasi me deli te wali dali asu, te dagego te gi nai dabe tigidali dolai dao,” wali, “tama te ais te kulubage tiwai aselama, tama te dagego gide bulali nai dabe tigidali dolai dao,” wali. “Dagego te sę dabe augwali pedalobo suai dao, tiali goli dagego sulama, te dagego te eno be sę ebode duga homu munu me begelebeo.

Bomai Po 28:22

Genuai Bidigo dage haniani dwai gasigo mu dolaibao, tama tigi bǫ dabo me, tigi posolo ebo me, tama agai mu posolai giliga tagala palama, tama bomai wali tagala palama, tama te gide nai sese tama mu dolaibao. Te dwai sę dabe dage tigide me elalubadi, dage isiboba sabolaibao.

Joel 1:4

Te me si me si te tobage kuli mano hani pedelama, tama te tigidali nai yabe mu silalio. Tama hasia te polasa pali kuli mano hanigo te taga pali nai yabe, te si wali nosali asobo kuli mano hanigo tula silali. Tama te sela wali, me te me si me si wali hani, te hani sigo te tama tiwai naga yali, tama te tigidali nai mu silalio.

Amos 4:6

Genuai Bidigo te tama po wali, “Awe, dagego tama tebo dao. Tama tibaso, eno tama, eno te genuai nasi te dagego taun tigidaliba pedalumainu ilama, te tigidali bulude dage nai meni yai. Tiali goli, te dage enaba ma geasa asobeo. Mu menio.”

Amos 4:8

Te taun me badu we bidi augwali wę nogonego mu salio. Tama tialima, bomo meni baso, dwai biliyu, augwa te gasa taun dabeba wę gege palio. Tiali goli, wę sǫą palio. Eno te tama sę me yali, tiali goli te dage enaba ma geasa asobeo. Mu menio,” wali.

Joel 2:25

“Ena digi eno te kuli mano dabe dageba te ami bidi tiwai elama tagala palali. Tama tialima, te dagego nai tigidali te kibu bede te genuai hani kuli mano dabego te tula silali nai tigidali te eno wei pona silaibao,” wai dao.

Joel 1:7

Augwaligo te dago ni wain dabe dolama, te dago ni kaya fik me tula silali. Augwa te tigidali ni kaya wale me ni nologo tula silama, wa pelama, te tedela yai elaluai dao.

Jeremaia 5:3

Genuai Bidi, nago godolo ebo homugo te tigidali bidigo te dolo yai kolesaga mu wali pomai homu ebao. Nago te we bidi dabe elebadi goli, tialima augwali te dene ebo gę nabeo. Nago augwali elaluali, tiali goli te augwali nago dodolomainu me ebeo. Augwa tobolu te masigi dila pai mu tiwai elalu, te augwa haliga begelibo hagela mu yali.

Jeremaia 3:10

Judago ena tagalama, te dwai kolesaga ela biliyu, tiali te agai haliga munu ma begelama, enaba ma begasa asobeo. Menio. Agai haliga tibo begelainogo ebo tiwai yagasali. Ena Genuai Bidi, eno te po wai dao,” wali.

Aisaia 1:5

Magi baso dagego Godigo po me sela sądubawe? Dage tigidali sogo dene sabo hagela meniwe? Israel, nage te bidi me bidi dabego elai bidi tiwai dao, te agai tigi sese mu dolama, bomo mu meni yai. Agai tobolu keni kenigo pągąna pai.

Tuni Bidi Dabego Po Elalubo Buku Si 6:28

“Tialima genuai nasi dago kantride pedalobaso, o genuai gasi me deli pedalobaso, o te genuai bomai wali me pedalama, tama gide nai dabe gasi selama dolobaso, o te kuli mano dabe hauwa mu elama tama te nai dabe dolobaso, ma te boi bidi dabe aselama, tama da dena taun dabe tomoba bagua sagasobaso, o te haniani gasi dabego da dolagasobaso,

Te Israel me Juda Hani Sigo Tuni Bidigo Po Elalubo Buku Deli 8:37

“Tama te genuai nasi te dago tǫba pedalubaso, ma te genuai gasi me deli pedalubaso, ma te posolai wali asu, tama te gide nai dabe dolabo gasi me deli pedalubaso, ma te kuli mano hauwa umabo mu asiyu, te nai dabe silibaso, ma te boi bidi dabego hwįagasu te dago hanude te da bagua sagasobaso, ma te haniani gasigo da dolobaso,

Bomai Po 28:42

Tama me te mano dabego dagego gide nai dabe me ni dabe tigidali dola silaibao,” wali.

Aisaia 50:11

Tiali goli, dage te Genuai Bidiba konealubo homu dąų wasiąbo hani dabe, te duga digi isi ula ilama, te dage be hulia side bidibo bage, dagego te sole dabe domonama, tego duga pabo sunumidu te sole uladu pao. Tiali goli, Genuai Bidigo te dage bidigi pabo pesage dąį ilali, te genuai dene sabo pesage dao.

Habakuk 3:17

Te ni kaya fik dabego te du walisąbaso, me te ni wain dabego me te wain du walisąbaso, tama te ni oliv dabego me te du wai walisąma, tama te gide nai meni yai elalu, tama te kibu sipsip tigidali isibadi elama, tama te kibu bulmakau dabego be dabe me olo mu elaluyu da,

Hosea 11:5

“Tiali goli, augwali enaba me asisąwai. Tialima, augwa te Isipba ma pomainu ebowe, ma te Asiria dabego augwali tonalumainu egowe yaibao.

Malakai 3:11

Dagego tama tibaso da, teda eno te dwai osogani dabe paniama, te dagego gi nai me dologobeo. Te ni wain du te dagego wain gide mu pągąna paibao wai dao.