Amos 4:13 - Godigo dwagi yai po buku

¹³ Godigo naga te bulu du dabe nigali, te wali me pedalumainu ilibao. Agai aga homu kolesaga te we bidibolo haniliyu, ola mabo dao. Agai bomogo naga te be posobo ula hasegeleyu, tama be hulibo dao. Aga te bulu du dabe daide ugwadu biliyu, te tǫ habu tigidaliba tonalubao. God, Tigidali Bomo Elalubo Genuai Bidi, aga digi te kolesaga ebo dao.

Amos 4:13 Referans Kwoze

Amos 5:8

Godigo te hǫ dabe pedalumainu ilama, tama tigidali ula ebo nai ugwadu elalubao. Agai te be huliali hasegeleyu, tama te be posobo dao, te ula elalubo hasegeleyu, tama be hulibo dao. Tama agai te tamu ąį asomainu i ola asama, tama agai te tǫba ugwadu gea palagasaibao. Agai te bomai bidi dabe me doliyu, te augwa bomai be dabe me dolobo dao. Godigo digi te tobage tigidali sę ebo dao, tama aga nogi e tiwai elalubao, Genuai Bidi dao.

Maika 1:3

Genuai Bidigo te aga wiegi yai bulu digi te tagalama, te asabo homu ebao. Aga dulama, te bulu du padode daidu bilagasaibao, wai.

Amos 9:6

Genuai Bidigo aga togobili te dagalude nigilama, tama agai dagalu te tǫ ugwadu muani, te bagua sai be pedu nigai tiwai yalio. Agai te tamu ąį i ola aselama, tama agai te tǫ daiba ugwadu gelebo dao. God deligo naga te sę dabe ebo dao, tama agai nogi da te tiwai elalubao, Genuai Bidi dao.

Aisaia 47:4

Te Israelgo God, te agai da tudi badu pogwalu ma dobola sabo bidi, aga te Wiegi Yai Doloba Pai Kolesaga Mu Ebo God dao. Agai nogi da, te Tigidali Bomo Elalubo Genuai Bidi dao.

Daniel 2:28

Tiali goli, te dagalude bidibo God deli elalubao, tama agai te geme dualalubo nai page hania hanilaibao. King, Godigo nageba te nosali pedelabo nai dabede te na nagebolo ola manio. Megi da, te eno nageba te nago na yali po waibao.

Jeremaia 13:16

Dagego Godiba genuai nogi mao, duga Genuai Bidi dao. Tiyu, agai dagego bulu be huli elama, te duga bulu duba bilibo sogo, te dage tula muna muna paibao. Te giliga dageba nanomainao homu godolo ebadi, tialima, Genuai Bidigo te be posali ula hasegelama, te dwai be hulia sai pedelaibao.

Godigo Nogi Ugwaba Sabo Tęąbi Po Wabo Buku Dabe 65:6

Te nago bomogo te bulu du dabe pedalumainu elama, tama augwali te augwa pesagede elalubao. Nago bomo te genuai mu dao.

Bomai Po 33:29

Te Israel dabe, dage wiegi yai homu pemene mu yao. Genuai Bidigo dage tau selama, ma oda sali tiwai, agai gasa we bidi hani me tau sai menio. Genuai Bidi aga digi te dagego awa tiwai elama, me dagego moni ge hwą tiwai dao. Agai dage obo ela selama, tama dagego wąbi hwįbode dagego gasa bidi dabe elalumainu ilibo dao. Dagego boi bidi dabe dageba aselama, tama dagego augwali hobede emainogo dageba gela wagasaibao. Tiali goli, dagego augwali agalama, tama augwali aiyaba elaluaibao,” Mosesgo te po wai.

Sekaraia 12:1

Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali,

Amos 8:9

Te sogode eno te giliga tomo yagasu, te nai tubo belo dolo ebo side te giliga iba dega sigulubo tiwai ilama, te be hulia sabogo te giliga tomo elalubadi mu halueibao. Ena God, Genuai Bidi, eno te tama po obao.

Jeremaia 51:19

Tialima, Jekopgo God te tiwai me tegobeo. Aga te gasagi yai tedali mu dao. Agaduba deligo naga te tigidali nai nigali. Te agai Israel dabe sa munama, te aga hani mu tiwai elaluai. Aga nogi e dao, Tigidali Bomo Elalubo Genuai Bidi dao. Babilon te Genuai Bidigo egebe wąbi tiwai dao.

Jeremaia 10:16

Tialima, Jekopgo God te tama me tegobeo. Aga te tedali gasagi yai mu dao. Agaduba deligo naga te tigidali nai nigali. Tama agai te Israel dabe dąį elama, sa muani, te aga hani tiwai da wali. Aga nogi te e dao, Tigidali Bomo Elalubo Genuai Bidi dao.

Aisaia 40:12

Te me deli bidibo bidi agai nogode te tamu ąį tigidali sabua sabo bidi bidiba, agawe? Te dagalu daide ugwadu usu siyu ebo bidi me deli elaluba, agawe? Te tǫ tigidali kabude bubo bidi me deli elaluba, agawe? Te bulu du dabe te skelba munama, skel ebo bidi me deli bidibawe?

Bomai Po 32:13

“Godigo augwali sula tagalu, te bulu du dabe tonalumainu ilali, tama te gide bulali nai dabe te augwaligo sela tuyu yali. Tama augwaligo te pusu nai te hani bunu ge te masigi dedagede sela tuyu yai dao. Tama me augwaligo oliv ni bugagia holali, te masigi hauwa yai tǫde.

Ma Dobola Sali 14:20

Tama te sogo hulide te pǫ te Isip dabe dali, te Israel dabe dali, augwali tomode dąį tiwai elaluai. Tama te pǫgo te Isip dabe augwali bidibo badu te be hulia sai mu elaluai. Tiali goli, te pǫgo te Israel dabe bidibo digi, te badu te ula elaluai. Tama tibaso, te sogo hulide te Isip dabe augwali te Israel hani pąba pabo te usu ebeo.

Ma Dobola Sali 10:22

Tama Mosesgo nogo ugwaba sali, tama genuai be hulia selama, tama Isip tǫ tigidali sela sogo be hulia sai elaluai.

Dwagi Yai Gesi Po Jongo Asęani 3:8

Te wali asobo da, te aga homu kolesagago te wali gasaba gasaba pabo dao. Nago te wali asobo po naga odobo dao, tialima nago mena badu pedalama, tama ma mena badu ma paliwe, te po wabo dao. Tigidali bidi gesi noma pedalobo augwaligo te tiwai egibi naga ebo dao,” Jisasgo te po wai.

Habakuk 3:19

God eno Genuai Bidi da, agai enabolo bomo mobao. Agai eno sągą bomo ilali, te bulu du polo holobo uni hasa dia dabego sągą tiwai ilama, tama agai ena te bulu du dabe daide ugadu bugagia bilimainogo yai dao.

Amos 6:8

God, Tigidali Bomo Elalubo Genuai Bidi, Tigidali Nai Tonalubo Bidi, agai te tiwai bomai po dąų wali, “Eno te Israel dabego gagea peyu, te hagoma ebo kolesaga ebo, te eno hagela homu ebao. Te eno augwaligo genuai boma pai be dabe eno haliga sębę yaibao. Tama tialima, eno te augwaligo polalubo taun dali, te tomode elalubo tigidali nai te augwa boi bidi dabego nogoba mawaibao,” te po wai dao.

Amos 3:13

God, Genuai Bidi Tigidali Bomo Elalubo Bidigo, agai te tiwai po wai, “Dagego olo bugagia munama, te Jekopgo bulai wąį nǫų dabe augwaliba te po walao.

Jeremaia 51:16

Agai po obaso, te dagalu pǫ dabego te be kulu bomonama obao, te pǫ hauwa umabo hogodobao, te gasa badu gasa badu asama, deliba sisinagasobao. Agai te be sele ula ilibaso, te tulubage aiyaba tulubao. Agai te wali hodolobaso, te wali aga bidali badu tagalama, asobo dao.

Jeremaia 10:13

Agai po obaso, te dagalu pǫ dabego te be kulu bomonama obao, te pǫ hauwa umabo hogodama, te gasa gasa badu asu, te deliba sisinibao. Agai te dagalude be sele emainu elama, te tulubage tulubao. Agai te wali hodolama, te aga bidibo pesage tagalama, asobo dao.

Aisaia 48:2

Tama duga digi duga nogi ugwaba siyu, te po weyu, dage te God aga digi sa muyu, aga da wali, te taungo hani we bidi da, po wabo dao. Tama dage te Israelgo Godide tau mabo sainu tonalubo dao. Aga nogi da, te Tigidali Bomo Elalubo Genuai Bidi dao.

Aisaia 5:30

Tama te sogo boi bidi dabe aselama, Juda bulu dolagasaibao. Tama augwaligo kulukulu genuai mu waibao, te tamu wę holama, wę kemi saneba asiyu, u wabo tiwai yaibao. Tama te bidi dabego te buluba tonagasobo si da, teda augwaligo te bulu sisi pǫgo mesega selama, giliga ula sininai suaibao. Tama te bulu mu hulia sai suaibao.

Godigo Nogi Ugwaba Sabo Tęąbi Po Wabo Buku Dabe 147:18

Tialima, nosali te agai po ma obaso, tama te ais te wę ma pedalobo dao. Agai te wali asomainu iliyu, tama te aisde pedelai wę pabo dao.

Godigo Nogi Ugwaba Sabo Tęąbi Po Wabo Buku Dabe 139:2

Nago te eno ebo sę tigidali mu konea pali. Nage digibulu bidibao, tiali goli nago eno homu kolesaga tigidali konea pai dao.

Godigo Nogi Ugwaba Sabo Tęąbi Po Wabo Buku Dabe 135:7

Agai te tulubage tulubo pǫ te tigidali tǫ badu pedalumainu elama, tama be sele te tulubage dali pedalumainu ebo dao, tama te wali hodolama, te tedela palobo dao.

Dwagi Yai Gesi Po Jongo Asęani 2:25

Magi basowe? Jisas aga digi te tigidali we bidigo homu mu konea silai. Gasa bidi mego agabolo te we bidigo homu me ola magobeo.

Matyu 9:4

Tama Jisasgo augwaligo homude wabo po koneama, tama agai augwalibolo te po wali, “Magi baso dagego dwai homu eyu, te duga homude te dwai dwai po obawe?

Daniel 2:30

Tama te Godigo enabolo te geme dualaluali nai ola mawai. Te eno koneani kolesaga genuai da homu eyu, tama eno te gasa kolesaga koneani bidi dabe aiyaba elaluali da, te homu me egobeo. Menio. Godigo te sę enaba ola mobaso, te nago na yali po page te nago konemainogo ebo dao,” wali.

Joel 2:2

Genuai Bidigo te wabo side te be mu hulia saibao, tama te husugu yai pǫgo te dagalu mesega saibao. Te genuai kuli mano hani te ami tiwai elama, te bulu du dabe mesega sagaselama, te kigamu te be posobo asobo tiwai pedelaibao wali. Te polobadu te tiwai sę deli me pedalubeo, tama te tiwai sę me te nosali me pedalugobeo, wai dao.

Jopgo Po Asęani Elalubo Buku 9:7

Agai po wabo goli, tama giliga agai po wali pode pedalugobeo. Tama aga hǫ dabego ula paliama, dago ula me sugobeo.

Aisaia 45:7

Eno naga eno te po obaso, te be posoyu, be huliyu ebao. Te eno naga te we bidi bugagia bidimainu ebao, te eno augwali te genuai sęgę somainu yaibao. Genuai Bidi eno naga, eno te sę tigidali pedalumainu ebo dao.’”

Jeremaia 46:18

Tialima, te king mu bidibo kingo nogi, te Tigidali Bomo Elalubo Genuai Bidi dao, te agai te tiwai po wali, “Ena Genuai Bidi, ena sesemane sogo bidada paibao, eno po dolo obao, bidi me deli asaibao, tama te bidigo bomogo te gasa bidi dabego bomo aiyaba elalueibao, te bulu du Taborgo te gasa bulu du dabe aiyaba elalubo tiwai yaibao, tama te bulu du Karmel te tamu ąį nambisde ugwadu mu elalubo tiwai yaibao,” wali.

Hosea 12:6

Tialima, dagego duga Godiba konealubo po dąų olama, ma begasa asiąo. Tama dagego aga naga wali mu asiyu, te po tų ebode te doloba pai kolesaga naga eyu, tama agai dage tau sabo tonaluiąo.