Biblia Todo Logo
Bib sou entènèt

- Piblisite -




Amos 3:9 - Godigo dwagi yai po buku

9 Te taun Asdot king bidi bidibo pesage genuai bede bidalubo bidi dabeba, me te kantri tǫ Isipba i waliyu, te augwaliba te tama po walao, “Dage tigidali pelama, te Samaria hanu pąde elalubo bulu duba sisinigi pelama, te subigila tedelama bilalubo we bidi suao, te augwaligo ebo te tobage dwai kolesaga dabe sueibao.”

Gade chapit la Kopi




Amos 3:9
22 Referans Kwoze  

Dage Samaria we dabego, te po odiąo. Dage mu nisalio, te Basan bulude elalubo wiegi yai bulmakau dabego nosai hauwa tulama, nisibo tiwai pedelali. Dagego te bomo kimi meni yai we bidi dabeba dwai sę ebo dao. Tama dagego te magi nai doado bage meni yai bidi dabeba sęgę menama, te dagego augwali dwasianu hobede me ebeo. Menio. Dagego te duga bidi tonalu, te augwaliba e tiwai i weyu, “Te tubo bomai ąį hauwa sesao. Da gęǫ page yaibao,” wabo dao.


Amosgo po e dao. Hobede dao, dage Jerusalemde bugagia dugulalubo we bidi, me te Samaria taunde bidibo we bidi, dagego te tiwai homu ebao, te magi nai me deligo dage me dologobe da homu ebo dao. Te hobede ebao, dage te polalubo kantri tǫ Israel gegunai bidi dabe, te dagego augwali tau somainogo te we bidi dageba asidu gebo dao. Hobede mu ebao, dage tigidali dolaibao.


Te Filistia tǫ taun dabede eno tama tiaibao, eno te taun Asdot hani bage tigidali ela gudulama, tama eno te Askelon king me ela gudulaibao. Tama eno te taun Ekronba me te dwai sęgę mabo sę ilama, tama te Filistia tǫde bidali we bidi dabe sese eno ela mu silaibao.” Te po da, Genuai Bidi Godigo wai po dao.


Te dago dwai wit maketde munama, te bidigo abelibo si, te dago genuai mone saibao. Dago te magi nai meni yai bidi mu me deli gegaibao, te dago agaba mabo mone wei ponabo usu meniabo tiwai bidi dao. Agai negeli te genuai meni, te sągą nadoba abelibo mone tiwai naga. Tiali goli, dago aga pageabi elama, aga te gasa bidide olo sę mu ebo bidi pedalumainu yaibao. Tama te bidigo dabolo mone mayu, te magi nai meni yai bidiba mani mone negeli elalubo wei ponodumainu yaibao,” dagego te tiwai po wabo dao.


“Tigidali we bidi haniba pelama, te po pusao. Te ugwa plak ugwaba sao, te bidi dabego sulama, te po odagasomainao. Te po geme dualubo tagalao. Augwaliba te tama po wao, ‘Te boi bidi dabego Babilon salio. Bel, te Babilon dabego tibo god, aga hale dwai mu yaibao. Te god Marduk me te midigi dwai mu saibao. Te Babilon dabego dwai tibo god dabe te hale dwai mu elama, te midigi dwai mu saibao.’”


Tama dagego gesi wain gi te Samaria bulu du bagede nigaibao. Tama duga digi te wain dabego ge du saibao.


Te Filistia dabego te Godigo Dąų Wali Bomai Po Muani Halobage selama, tama augwa te bulu Ebeneser tagalama, tama te halobage tolasa peyu, te augwa taun hanu me deli, te Asdotba pali.


Tama tialima, eno augwali kantri deli te tǫde pedelemainu ilaibao, te Israel dabego bulu dabede. Tama augwali king deligo augwali tigidali tonaluaibao. Tama augwali bugulama, king bidi si elalubo kantri si munu me ma bidigobeo.


Tiali goli, te ni dabe te dagego bulu du dabede ma holaibao. Tama augwaligo yabe hauwa solama, tama augwali du hauwa walaibao. Dwasianu sogo mu tama, eno we bidi dage Israel dabe dage te kantri Israelba ma asaibao. Tama dagego te wiegi yai ni du dabe tuaibao.


“Dagego te taun Mikdol, me Memfis, me Tapanes, me te gasa Isip pedai badu, teba te po hanilama, pusao. Augwaliba te tiwai po wao, ‘Dage Isip te hwįabo sisilama, dolaluao. Magi baso meni, te boi bidi pedelama, te dage ela mubo sę yaibao.


Dagego te tiali sę po munu me te Get taunde me, ma te Askelon taun sunumide me pusulamuo. Tiyu, te Filistia dabego we dabego odoyu, tama augwali wiegi yai homu pemene yabuo. Tiyu, te Genuai Bidigo po odisąbo bidigo wegi manigo te augwa bugai haliga mu yabuo.”


Me, dagego te magi nai meni yai bidi dabego nai sainu anoma eyu, te dagego augwaligo tubo nai wi sabo dao. Tama tiyu, dagego augwali agabo dao. Tama tibaso, dagego dwagi yai be dabe masigigo sę yani goli, dage te bede bidigobeo. Te dagego wiegi yai wain gi bulali goli, dagego te gi dabede wain ąį me tugobeo.


Tama dago te bidi dabego doado bage hauwa selama, tama da deli deligo te dena be pągąnaibao.


Te gasa we bidi tau sabo kolesaga ebo we dabe, augwali te we bidi dabego gedude genuai nogi elalubo dao. Tiali goli, te gasa we bidi dali homu dene isiąbo bidi dabego te mone hauwa siyu te doado bage naga sabo homu ebo dao.


Te tobage dolo isąwai kolesagade eno homu kone ma palali, te tǫde we bidi augwaligo ebo kolesaga da. Te dwai sę ebo bidi dabego te we bidi hauwa aiyaba elalubaso, tama te we bidi augwali dwai mu gela wali. Tiali goli, augwali tau sabo bidi meni yai. Magi baso meni, te dwai sę ebo bidi dabego bomo hauwa elalubao.


“Eno te Israel dabe usu ma ilama, te augwa sę tigidali te wiegi yai pedalumainu ebo sogo, tegoba, eno te augwaligo dwai kolesaga naga suali, tama te Samaria bage augwaligo yali dwai sę dabete pebeli dilide elalubo suali. Augwaligo te abagi dabe tibo po ola mayu, tama augwaligo te be aluama, te doado bage wi siyu yai. Tama augwaligo te bidi dabego doado bage te taun sunumide anoma eyu, kekelama siyu yai.


Hobedagia mu. Dagego homugo te dolobo sę dageba pedalugobe da homu ebao. Tialima, hobede mu ebao, te dagego ebo dwai sę dabego te dwai sogo pąba pedalumainu sesebo sę ebo dao.


“Te dwai sęgę sai bidigo bede te wiegi yai sawi yai nai hauwa elaluali, augwa te tibo sę ebo kolesagade augwaligo salio. Augwaligo maketde te nai dabe dolo si me dagalisąbaso, eno te dwai kolesaga hagela homu mu ebao,” wali.


Swiv nou:

Piblisite


Piblisite