Amos 3:8 - Godigo dwagi yai po buku

⁸ Te bomai hasa laiongo i bomonama wabo odobo si da, te bidi aga wi homu ebo meni da, agawe? Awe, aga wi yaibao. Te God Genuai Bidigo po bidi me deliba pusubaso, te bidigo te po pusubo meni da, agawe? Menio. Agai pusaibao. Te Amosgo wali po dao.

Amos 3:8 Referans Kwoze

Godigo Sęba Tagala Palai Bidigo Po 4:20

Dadi sigo gedugo suali sę me, odali po me, te dago tagalogobeo,” te po wai.

Amos 3:4

Te bomai hasa laiongo te hasa me deli te buside sisąbaso, magi baso agai i waibawe? Te ogwa bidi bomai hasa laion me deli te masigi dedage tomode bididu, te aga hasa me ela tusiąbadi, agai i waibawe? Mu menio.

Jeremaia 20:9

Te ena digi eno te nageba homu kone me egobe weyu, tama eno nago nogide po me pusugobe obaso da, teda eno koneani, te nago po te genuai isi tiwai eno haligade elalu, te eno dili dogwai tomode te isi bogoli edubo tiwai ebao. Eno nago po paliabo sę ebadi goli, tiali te eno usu meni ebo dao.

Amos 1:2

Te Amosgo e bukude wabo po page e tiwai dao, Genuai Bidi te Saion bulu dude bidiyu, te agai i hai genuagia mu udubao. Awe, aga tede te Jerusalem moni taunde bidiyu, sębę ebaso, te agai dogonigo hwą bomonama obao. Tama tibaso, te sipsipgo tuabo wiegi yai nosai dabe sasia pobao, me te Karmel bulu dude elalubo ni yabe dabe, tigidali wa pobao.

Kraisgo Geme Dualali Sę Pedelabo Po Jonbolo Ola Mani 5:5

Tama tibaso, polalubo tobolu bidi me deli agai enabolo te po wali, “Nage gela wagio. Suao. Bomo elalubo tuni bidi te Juda hanibolo pedalai, aga bomo te moni hudigi ebo kibu laiongo bomo tiwai dao. Te bidi aga polobadu bidai Juda bidi Devitgo wąįgo hanide pedalali bidi. Aga te gelali ni pagede kulubi pedalobo tiwai gilama yai. Tama tiyu, agai te dwai kolesaga ebo aiyaba elalubaso, agai te a naga olama me badu nogo si te dąų wali nai togolama, agai te buku dagawaibao,” te tobolu bidigo enabolo te po wai.

1 Korin 9:16

Eno te Kraisde wiegi yai gesi po pusubo, tede eno te ena nogi ugwaba sabo te usu menio. Te menio. Eno sunumi gasa me elalubeo. Dago Genuai Bidigo enabolo te sę naga mawai dao. Tama eno te wiegi yai gesi po pususiąyu da, teda ena hobedagia mu bidaibao.

Godigo Sęba Tagala Palai Bidigo Po 5:29

Te tiali goli, Pita dali, me badu Jisasgo tagala palai bidi dabe, augwaligo te po wei ponoyu, te po wai, “Te dago dagego wali po wali pogobeo. Godigo dabolo mani genuai po mu dago wali paibao.

Godigo Sęba Tagala Palai Bidigo Po 5:20

“Te dage Moni Lotu Be tempel teba dolaligi pelama, we bidibolo te gesi kolesaga po tigidali ola mao,” te po wai.

Aisaia 31:4

Genuai Bidigo enabolo e tama po wali, “Te bulu yowi laiongo sipsip kibu me elama, tudubadi da, teda aga wi elama, tama te sipsip taga peyu, wi me pogobeo. Te sipsip kibu tonalubo bidi hauwa aselama, aga tonaluyu, hae mobadi goli, aga wi me egobeo. Menio. Agai augwali dali wado elama, tama te sipsip kibu bugagia tonaluaibao. Te tama tiali goli, ena Tigidali Bomo Elalubo Genuai Bidi, te eno te bulu du Saionba hwįagasaibao, te Jerusalem bulude. Tama magi nai dabe mego ena togolobo usu me egobeo.

Esekiel 29:21

“Tama te sę pedalobo sogo da, teda eno Israel dabego bomo ma pedalumainu ilaibao. Tama tǫde bidi, ena nago Israel tomode po bomonama omainu ilaibao. Tama augwaligo bugagia koneaibao, ena deli naga te Genuai Bidi dao homu yaibao,” te po wali.

Aisaia 21:10

Eno we bidi dabe, hobede ya, te boi bidi dabego dage te bidi dabego wit elebo tiwai yalio. Tiali goli, megi da, eno te God Tigidali Bomo Elalubo Bidigo mani po dagebolo pusubao. Aga te Israel dabego God dao.

Jeremaia 26:12

Tialima, Jeremaiago te tobolu bidi dabe me te tigidali we bidi dabego po wei ponoyu, te po wali, “Genuai Bidigo digi ena tagala palama, eno dagego te odali profet po pusagasali. Aga digi po weyu, te be me te taun dolaiba po wai dao.