Amos 3:10 - Godigo dwagi yai po buku

¹⁰ Genuai Bidigo te tama po wali, “Te Samaria we bidi augwaligo te nai wi siyu, hwįbo kolesaga eyu, te nai hauwa selama, te augwa bomai be dabe pągąnani. Augwa te doloba pai kolesaga me konebeo. Mu menio.

Amos 3:10 Referans Kwoze

Sefanaia 1:9

Te eno te we bidi augwali te bulu badu we bidigo lotu wabo tiwai ebo we bidi, me nai wi siyu, me bidi ela muyu ebo we bidi sese dene mayu, me te nai wi sai nai dabego augwa genuai bidigo be pągąniyu ebo bidi dabebolo dene mawaibao,” wali.

Jeremaia 4:22

Genuai Bidigo tama po wali, “Eno we bidigo homu kolesaga wiegi yai me elalubeo. Augwaligo ena me konebeo. Augwali te homu kolesaga konesiąwai wai puluba tiwai elalubao, te augwali umuna pai elalubao. Augwaligo te dwai sę ebo mu konea pai elaluali, tialima augwaligo te wiegi yai kolesaga ebo me konebeo,” wali.

Godigo Nogi Ugwaba Sabo Tęąbi Po Wabo Buku Dabe 14:4

Genuai Bidigo te po wai, “Te bidi dabe augwaligo dwai kolesaga yai, augwaligo homu kolesaga meni, agawe? Augwaligo te eno we bidi dabe ela silibao, te augwaligo te bret tubo tiwai gilama te mu silibao. Tama augwaligo enaba gedu haluasa po wabo menio,” wali.

2 Pita 3:5

Tama tiyu, augwaligo homugo te Godigo polobadu yali sę konebo hagela homu yai dao. Te polobadu mu Godigo po obaso te dagalu pedalama elaluai, tama tǫ te wę tomodu pedalama, tama te wę tomode te tǫ elaluai dao.

Amos 6:12

Dagego homugo te hos kibu dabe te genuai masigi dabe daidu ugwadu udada pabo usu yaiba, agawe? Te menio. Ma, dagego homugo te genuai masigi ugwadu daide te bulmakau dabego te gi tǫ elebo dono kegebo usu yaiba homu eba, agawe? Menio. Te kolesaga dabe mu geda mubao. Tiali goli, te dagego te tobage deli tigi poai kolesaga naga ebao. Dagego te po tų ebo doloba pai kolesaga te bidi isilibo nabi tiwai pedalubao. Tama dagego te wiegi yai kolesaga te dwai ha ebo nai tiwai pedalubo dao.

Amos 5:7

Ae, hobede ya, dage po tų ebo dolobo bage, me dage te doloba pai kolesaga aiyaba elalubo bidi dabe, te dage tigidali mu dolaibao.

Jeremaia 5:4

Tialima, eno te homu yali, ‘Te hani dabe, augwali te bidi mu dwai dabe naga tama, te augwa homu kolesaga konesiąyu ebao. Augwa te tobage kolesaga me bomai po, God Genuai Bidigo te augwa homude wali pomainu ebo te augwaligo konesiąyu ebo dao.

Esekiel 8:17

Tialima, Genuai Bidigo te tiwai po enabolo wali, “Tǫde bidio, nago te sę ebo suali da, agawe? Te Juda we bidi augwaligo te dwai kolesaga dabe mu eyu, te augwaligo te tigidali Israel habu badu gasa we bidi augwaliba boi ebo kolesaga ebao. Tibaso, eno augwaliba haliga sębę yali. Tiali goli, augwaligo te kolesaga olo nai da homu elama, te augwa dwai sę umabo sę elama mu ebao. Augwali eno be pąba aselama, te megi nago subo dwai kolesaga yali. Te bidi dabego ena te olo nai tiwai da homu elama, tama augwa te dwai kugumini yai kolesaga yalio. Tialima, odao. Augwaligo ebo dwai kolesagade eno haliga sębę dwai mu ebo dao.

Esekiel 18:7

Agai gasa bidi dabeba dwai sę ilama, te augwaligo nai dabe wi sabeo. Te gasa bidi dabego agaba negeli ilama, te agai we ponabo usu nama augwaligo mani nai, agai te nai dabe tolalubo sę mu egobeo. Menio. Agai te agaba negeli ilali bidi dabeba ma mabo dao. Agai te nasi ebo bidi dabe nai mayu, te ugwa meni yani bidi dabeba te ugwa mabo dao.

Esekiel 22:29

Te bidi dabego augwa abagi dabe wi ilama, te augwaligo mone doado bage bisigi elama sabo dao. Te augwaligo nai dabe me wi siyu ebo dao. Augwaligo te magi nai meni yai bidi dabe, me gasa tǫ kantri bidi dabe te Israelba bidagasali bidi me, augwali dolobo sę dwai mu ebo dao,” wali.

Amos 6:3

Hobedagia mu. Dagego homugo te dolobo sę dageba pedalugobe da homu ebao. Tialima, hobede mu ebao, te dagego ebo dwai sę dabego te dwai sogo pąba pedalumainu sesebo sę ebo dao.

Amos 6:8

God, Tigidali Bomo Elalubo Genuai Bidi, Tigidali Nai Tonalubo Bidi, agai te tiwai bomai po dąų wali, “Eno te Israel dabego gagea peyu, te hagoma ebo kolesaga ebo, te eno hagela homu ebao. Te eno augwaligo genuai boma pai be dabe eno haliga sębę yaibao. Tama tialima, eno te augwaligo polalubo taun dali, te tomode elalubo tigidali nai te augwa boi bidi dabego nogoba mawaibao,” te po wai dao.

Maika 6:10

“Te dwai sęgę sai bidigo bede te wiegi yai sawi yai nai hauwa elaluali, augwa te tibo sę ebo kolesagade augwaligo salio. Augwaligo maketde te nai dabe dolo si me dagalisąbaso, eno te dwai kolesaga hagela homu mu ebao,” wali.

Jopgo Po Asęani Elalubo Buku 20:21

Mena nai dabe augwaligo me godolo yali da, teda augwaligo siyu naga ebo dao, te bidigo dwagi yai tubo nai sulama, tula siliyu yaide, dage me tagalabo homu ebe tiwai yali gilama. Tiali goli, te dwagi yai sogo te pęwadage sogo bidama, tama sia saibao.

Bugagia Bidibo Kolesagade Po Asęai Buku 1:13

Tama dago te bidi dabego doado bage hauwa selama, tama da deli deligo te dena be pągąnaibao.

Bugagia Bidibo Kolesagade Po Asęai Buku 11:16

Te gasa we bidi tau sabo kolesaga ebo we dabe, augwali te we bidi dabego gedude genuai nogi elalubo dao. Tiali goli, te gasa we bidi dali homu dene isiąbo bidi dabego te mone hauwa siyu te doado bage naga sabo homu ebo dao.

Bugagia Bidibo Kolesagade Po Asęai Buku 28:5

Te dwai kolesaga ebo bidi dabego, te doloba pai kolesaga te magi nai da te homu elama, te augwaligo konesiąyu ebao. Tiali goli, te Genuai Bidi wali pabo homu ebo bidi dabego da, augwaligo te doloba pai kolesaga page mu konebo dao.

Kolesaga Koneai Bidigo Pusali Po Elalubo Buku 4:1

Te tobage dolo isąwai kolesagade eno homu kone ma palali, te tǫde we bidi augwaligo ebo kolesaga da. Te dwai sę ebo bidi dabego te we bidi hauwa aiyaba elalubaso, tama te we bidi augwali dwai mu gela wali. Tiali goli, augwali tau sabo bidi meni yai. Magi baso meni, te dwai sę ebo bidi dabego bomo hauwa elalubao.

Hosea 7:1

“Eno te Israel dabe usu ma ilama, te augwa sę tigidali te wiegi yai pedalumainu ebo sogo, tegoba, eno te augwaligo dwai kolesaga naga suali, tama te Samaria bage augwaligo yali dwai sę dabete pebeli dilide elalubo suali. Augwaligo te abagi dabe tibo po ola mayu, tama augwaligo te be aluama, te doado bage wi siyu yai. Tama augwaligo te bidi dabego doado bage te taun sunumide anoma eyu, kekelama siyu yai.

Amos 4:1

Dage Samaria we dabego, te po odiąo. Dage mu nisalio, te Basan bulude elalubo wiegi yai bulmakau dabego nosai hauwa tulama, nisibo tiwai pedelali. Dagego te bomo kimi meni yai we bidi dabeba dwai sę ebo dao. Tama dagego te magi nai doado bage meni yai bidi dabeba sęgę menama, te dagego augwali dwasianu hobede me ebeo. Menio. Dagego te duga bidi tonalu, te augwaliba e tiwai i weyu, “Te tubo bomai ąį hauwa sesao. Da gęǫ page yaibao,” wabo dao.