Amos 2:10 - Godigo dwagi yai po buku

¹⁰ Hasia bolo eno digi dage te Isipde selama, te dage odasa asai. Ena dage asobadu polasa peyu, te masigi kemi tǫde bididubadi, te kibu be bidi sese si, 40 yia yali, tama te tudi badu eno te Amor dabe dolama, dageba te augwaligo tǫ mawai dao.

Amos 2:10 Referans Kwoze

Bomai Po 2:7

“Dagego te sę dabe gegeda pelamuo. God dago Genuai Bidigo da tigidali te wiegi yai sę naga yali. Agai dage wiegila mu te nai meni yai bulude bugagia mu tonaluali. Te kibu be bidi sese si 40 agai da bugagia tonalubao. Aga dage dali bidibao, tama dage magi nai me sǫą pabeo,” wali.

Ma Dobola Sali 12:51

Tama te sogo naga Genuai Bidigo te Israel hani tigidali Isipde selama, tama augwali odasa asai.

Amos 3:1

Dage Israel, dage tigidali hani Genuai Bidigo dage Isipde ma dobola selama, odasa asali, dagego agai dagebolo mabo po odiąo.

Godigo Sęba Tagala Palai Bidigo Po 13:18

te kemi tǫ bidi meni yai bulude bilidubadi, kibu be bidi sigo nogo sągą sese te 40 yia silama yali. Tama te kibu be tomode bidibadi, augwaligo dwai kolesaga ebo sęgę Godigo selama, agai tonaluali.

Godigo Sęba Tagala Palai Bidigo Po 7:42

Tialima, te sę ebaso, Godigo augwali tudiba ilalio. Godigo augwali tagalama, ‘Giliga dede, polua dede, hǫ dede, te naibolo lotu po emainao,’ Godigo te homu elama, sula tagalali. Augwaligo te sę yai hagede, Godigo po pusubo bidi dabego te po nosali asęani, ‘Godigo te po wai, “Dage Israel we bidi odiąo. Dage te bidi meni yai bulude bilidubadi, kibu be bidi si nogo sągą sese silali. Tama te sogode dagego hasa hauwa mu elama, lotu po olama, dagego enabolo te lotu po wabe.

Maika 6:4

“Eno tama te eno dage kalabus togolama, te dage Isipde selama, te dage odasa asali. Tama eno te Moses nigilali, me Aron, me Miriam me, te tama bage polasa peyu, te dage sunumi ola mawai dao.

Amos 9:7

Tialima, Genuai Bidigo te tiwai po wali, “Dage Israel dabe, te Itiopia dabe me eno bugagia tonalubao, te eno dage tonalubo tiwai ebao. Awe, me eno te Filistia dabe te bulu Kritde selama, te augwali odasa asali, tama eno te Siria dabe me te tǫ kantri Kirde sela asai, te eno augwali odasa asali, te dage eno Isipde selama, odasa asali tiwai gilama yalio.

Ma Dobola Sali 3:8

Tama ena dulai dao, tama te augwali te Isip dabego nogode ma selama, tama augwali te genuai tǫ me deli te tǫ ili hauwa elalubo, te nai bugagia dwagi yai mu holobo tǫba odasa paibao. Te tǫde megi te Kenan bidi hani me, te Hit hani me, te Amor hani me, te Peres, me Hivi, me Jebus, te tama hani augwali te tǫde megi bidibo dao.

Esekiel 20:10

“Tama tibaso, eno te Israel dabe te Isipde selama, te tǫ wa pai buluba odasa asai dao.

Godigo Nogi Ugwaba Sabo Tęąbi Po Wabo Buku Dabe 95:10

Eno te hani we bidide dwai haliga iduali, te kibu be bidi sese siba usu nai. Tama tibaso, eno te po wali, augwa hagoma mu yali. Augwaligo te eno wali pabo homu me isiąwai.

Nehemia 9:21

Augwali te kibu be bidi sese si te tǫ wa pai bulude bilidubadi yali, tama te kibu be tigidalide te nago augwali nai madu bugagia tonaludali. Tama augwaligo gudali ugwa dabe me te me pisila pisąma, tama augwali sągą me dene elama me dabeo.”

Bomai Po 1:39

“Nosali Genuai Bidigo da tigidalibolo te po wali, ‘Dagego wai bǫų dabego te dwai sę me wiegi yai kolesaga augwaligo me kuna dagalasiąyu ebo konebeo. Te augwali te wai puluba naga. Te augwali naga te bulu tomoba paibao. Dagego te po wali, te boi bidi dabego augwali elaibao, wali. Tiali goli, eno te bulu augwalibolo mawaibao. Tama augwali te bulude bidaibao.

Ma Dobola Sali 20:2

“Ena digi ena Genuai Bidi Yawe, ena dagego God dao. Eno dage Isipde sali, te bulude kalabus sę ebadi, tama eno dage selama, odasa asai.”

Israel Hanigo Namba 21:25

Tama te Israel dabego te hanu Hesbon me, te meba pąde elaluali hanu dabe me, te Amor dabego hanu dabe sese tama sali, tama augwali te hanu dabede bidali.

Josua 13:4

Te tigidali Kenan, me Meara dabego tigidali elalubo tǫ, te Saidon dabego tǫde augwali bidibao, te tǫ pali te Afekba usu nama, te Amor dabe bidibo sesegeba dąį igi pai.

Israel Hanigo Namba 13:32

Tama tialima, augwaligo te Israel dabebolo te augwaligo suali bulu po tibo po ola mani. Augwaligo e tama po wali, “Te bulu tǫ te dwai mu dao,” wali. “Te dwasianu nai dabe naga holiyu, te we bidi nai habuge ebo. Tama tialima, te bulu da usu egobeo. Tama tigidali we bidi dago suali, augwali te dili bobobage yai bidi dabe mu.

Israel Hanigo Namba 32:13

Tama Genuai Bidigo te we bidi dali wado elama, te we bidi te nai meni yai bulude kibu be bidi sese si tede bidimainu yai dao. Te bidi dabe aga sębę ilali, te bidi dabe isila pomainu yai dao,” wali.

Josua 24:8

“‘Nosali eno dage te Amor dabego tǫba te Jordan wę pedai te giliga pedalubo badu odasa pali. Tama augwaligo dage dali hwįani. Tiali goli, eno dage tau selama, tama dagego augwali aiyaba elaluali. Tama dagego augwaligo tǫ sali, magi baso meni, ena polasa peyu, tama eno augwali dolali.

Jeremaia 2:6

Augwaligo ena homu kone me ebeo. Augwaligo te eno augwali tau sali sęde homu kone me ebeo. Eno augwali te tǫ kantri Isipde selama odasa asiyu, augwaligo te genuai olo bulu pesage tǫ nogeai. Te pesagede te olo masigi kemi tǫ elaluali, tama te dwai bulu pesage dabe elalua pai. Te buluba tulubage tulisąwai pesage elaluai, te bidi dolobo pesage elaluali. Te bidi dabe bilisąwai bulu, te bulude bidi bidisąwai bulu dao.