Amos 1:7 - Godigo dwagi yai po buku

⁷ Tialima, eno te isi Gasa taun obo tomoba tula palaibao, tama te isigo te taunde bomai be dabe ulaibao.

Amos 1:7 Referans Kwoze

Sefanaia 2:4

Te Genuai Bidigo te kantri Filistia dolobo sogo, te taun Gasade bidi deli me bidigobeo. Me te taun Askelonde me bidi meni yaibao. Te boi bidi dabego taun Asdot we bidi sese tama deli be posobo sogo sela sąwaibao, tama augwaligo te taun Ekron we bidi me sela sąwaibao.

Jeremaia 47:1

Genuai Bidigo te kantri Filistia dali po elaluai, tama agai te po te Jeremaiabolo mawai, te Isip kingo te Gasa buluba boi hwįsiąbadi, te Filistia dabego genuai taun me deli dao.

Te Israel me Juda Hani Sigo Tuni Bidigo Po Elalubo Buku Si 18:8

Tama te king Hesekia aga ami soldia bidi dabe selama, te Filistia bidi dabe dali boi hwįgi pelama, tama te tigidali taunde me, me te bulude te bomai obo bogo badu elalubo bulu dabe me, augwaligo te boi hwįgi pali. Tama augwaligo te Filistia hani aiyaba elalu, ela peyu, tama te taun Gasaba usu nigi peyu, tama te bulu pąde elalubo bulu dabe dali aiyaba elaluama, sali.

Polgo Po Pas Rom Dabeba Asęani 12:19

Eno abagi dede muo, te augwaligo dwai sę dagebolo ebo te duga digi wei munu me ponamuo. Te menio. Dagego te Godigo sębę ebo sę augwalide emainogo sula tagaliąo. Magi baso meni, te Godigo po bukude agai te po wai, “Te dwai sę wei ponobo kolesaga da, te eno sę dao. Ena digi te eno dwai dene wei augwalibolo ponaibao, Genuai Bidigo te po wai.”

Amos 1:4

“Awe, eno isi te king Hasaelgo sę yani genuai wiegi yai beba te sia tula palaibao, tama te isigo te king Benhadatgo taun ulaibao, te bomai obo elalubo taun dao.

Tuni Bidi Dabego Po Elalubo Buku Si 26:6

Tialima king Usia hogodama, tama te Filistia dabe dali hwįgi pali. Tama agai augwali aiyaba elaluama, tama agai te taun Get, me taun Japne, me taun Asdot obo aluali. Tama agai gesi taun dabe te Asdot dabego tǫde geseliyu, me te meba kantri Filistia tǫde nigiyu yali.

Bomai Po 32:35

Te dwai sę yali wei ponobo kolesaga te eno sę dao. Ena digi te eno dwai dene wei augwalibolo ponaibao. Te mani bodolude augwali tuloluaibao. Pęwadage sogo mu augwali tolaluama, tama augwali sese mu dola silaibao,’ Genuai Bidigo te po wali.”

Jeremaia 47:5

Te Gasa hanude bidibo bidi dabe augwa haliga sęgę dwai mu elama, augwa tobolu nisi pola sąwaibao. Tama te taun Askelon mu dolaibao. Dage te odo malu bulude bidalubo dwasianu hani, nisu sogo dagego homu dene ebo silama, te dagego duga tigiwali togobo kolesaga tagalaibawe?

Esekiel 30:8

Te eno Isip dabego nai dabe sese tama isi ulama, tama te Isip dabe tau sabo sę ebo bidi dabe me dolaibao. Tama te Isip dabe augwaligo e tama bugagia koneaibao, ena deli naga ena Genuai Bidi te yaba homu yaibao,’ te po obao,” wali.

Esekiel 39:6

“E po me agabolo pusao. ‘Tama eno isi te tǫ Magok bulude pedalumainu ilaibao, me te tamu ąį pąde dua bidibo we bidi tigiba me te isi pedalumainu yaibao. Tama te hani augwaligo te tama bugagia koneaibao, ena deli ena Genuai Bidi dao homu yaibao.

Amos 1:6

Genuai Bidigo wabo po e dao, “Hauwa sogo te taun Gasa we bidi dabe, te Filistia tǫ kantri bage, augwaligo dwai sęgę sabo sę idu geai. Augwaligo te tebode dwasianu toma me nabeo. Menio. Te Gasa dabego te bulu hani bage me deli sese selama, te kantri tǫ Idomba kalabus sę emainogo sela pali. Tialima, mu tama, eno te Gasa dabe augwaliba dwai dene mu mabo sę yaibao.

Amos 1:8

Te Filistia tǫ taun dabede eno tama tiaibao, eno te taun Asdot hani bage tigidali ela gudulama, tama eno te Askelon king me ela gudulaibao. Tama eno te taun Ekronba me te dwai sęgę mabo sę ilama, tama te Filistia tǫde bidali we bidi dabe sese eno ela mu silaibao.” Te po da, Genuai Bidi Godigo wai po dao.