Amos 1:14 - Godigo dwagi yai po buku

¹⁴ Eno te moni taun Raba aiyaba isi tula palama, tama te taun bomai be dabe isi ulaibao. Te ami bidi augwa boi hwįbo sogo, te i hai bomonama weyu, tama te hwįbo bomai pedalu, te bomai wali me deli te dwai sogo pedalubo tiwai yaibao.

Amos 1:14 Referans Kwoze

Amos 2:2

Eno isi te Moap kantri tǫba tula palama, te Keriot taunde elalubo bomai be dabe te isigo daibao. Tama te genuai boi hwįaibao, te ami bidi dabego i hai weyu, te bu wabo nai biugel bomonama ponaibao. Te tama tebo sogo te Moap dabe ela silama, isaibao.

Jeremaia 49:2

Ena Genuai Bidi, eno te po obao, mu tama eno bodolu muani sogo me deli elalubao, tama te sogo eno te boi bidi dabego te taun Raba teba hwįgi pomainogo tagala palaibao, te kantri Amongo genuai taun dao. Augwaligo te taun dolama, te olo pobele bage du holali tiwai elalueibao. Te boi bidi dabego te genuai taun pąde elalubo bulu dabe siago ulaibao. Tama nosali, te Israel dabego te Amon dabego sali tǫ ma saibao. Te Genuai Bidi, eno po dao.”

Bomai Po 3:11

(Te tuni bidi Ok aga te Refaim dabe sabi simanobo tuni bidi dao. Aga pubulabo halobage augwaligo te masigigo nigali. Te halobage bobobage te 4 mita, tama genuai te 2 mita tama. Te da, te hanu Raba te bulu Amonde elalubao.)

Aisaia 30:30

Genuai Bidigo bomonama mu hae olama, tama agai bomonama i hae wabo aga we bidi tigidaligo odama, augwaligo agai sębę ebo mobo augwaligo tigide dolomainu yaibao. Aga te moni bomai isi te tigidali nai dabe dabo isi, me moni genuai tulubage, me wali, me talua ge tulubage dali, tama aga asaibao. Tama te be kulu obaso, te tigidali we bidigo agai sębę ebo sueibao.

2 Samuel 12:26

Te sogo te Joapgo ami dabego te Raba taun hanude hwįbo sę idubadi geani, te Amon dabe augwa genuai taun dao. Tama agai te taungo tǫ pedai me badu sai.

Sekaraia 7:14

Tialima eno augwali te genuai waligo te nai dabe sela sąbo tiwai elama, tama eno augwali gasa kantri dabeba sela sąyu, tedela palai dao. Tama augwaligo dwai kolesaga ebogo te wiegi yai tǫ te dwai tǫ tiwai pedelali. Tama tede bidi me deli tede bidibeo,” Genuai Bidigo te po wali.

Daniel 11:40

“Te tigidali dagalude me tǫde nai sia sabo sogo da, teda te saut tǫ badu te Isip kingo te Siria bulu tǫ te not badu bidali king dali hwį yagasaibao. Te polo tama te Siria tǫ kingo te hwįbo nai karis dabe, me hos, me te hwįbo sip dabe selama, tama asesa polo pelama, te Isip king dali te bomo elama, hwįgi painu yaibao. Agai te bulu tǫ kantri hauwa te ąį genuai asobo tiwai elama, aiyaba elalueibao.

Esekiel 25:5

Te eno taun Raba, te dagego genuai taun, te dolama, te kibu kamel dabego nosai tubo pesage pedelaibao. Te tǫ kantri Amon te kibu sipsip dabego obo dabe nigibo pesage pedelaibao. Tama dagego te tiwai koneyu, ena digi ena Genuai Bidi mu da po wagameo,’ te po te Amon bagebolo wao,” te po wali.

Godigo Nogi Ugwaba Sabo Tęąbi Po Wabo Buku Dabe 83:15

Te tiwai naga gilama, nago te genuai tulubage tagala palama, tama te hani bage te pobeasa pobaso, te augwali wi paibao. Tama nago te bomai wali mu augwaliba tagala palubaso, te augwali wi yaibao.

Jopgo Po Asęani Elalubo Buku 39:25

Tama augwaligo bu wabo odobo si da, augwaligo ga wabo dao. Augwali te wąbi hwįbo digibulu elalubadi digi, augwaligo denami bolo odobo dao, te wąbi hwįbo denami. Tama augwaligo te ami ofisago i hae, te aga ami bidibolo wabo pode moni wąbi hwįmainu hae wabo po odobo dao,” wali.

2 Samuel 11:1

Te tigidali deli deli kibu bede, te kedau ebo silainu ebo sogo, te king dabego te augwa boi bidi dabe dali boi hwįyu yai. Tialima, te Devitgo te Siria dabe aiyaba elaluali te kibu bede nosali badu, tama te kedau ebo silainu ebo sogo, Devitgo te Joap dali, te aga ofisa dabe me, te Israel ami bage tigidali dali, te Amon dabe dali boi hwįgi pomainu tagala palali. Augwa te boi hwįgi pelama, tama te Amon dabe aiyaba elaluama, tama te taun hanu Raba bagulali. Tiali goli, Devit digi te hwįbo madiba me pisąwai. Aga te Jerusalemde bidai.

Tuni Bidi Dabego Po Elalubo Buku Deli 20:1

Tigidali kibu be deli delide, te kedau ebo silainu ebo sogo, te kingo augwa ami bidi dabe odasa pelama, te boi bidi dabe dali hwįgi pomainu yalio. Tialima te nosali kibu bede Devitgo te Siria dabe aiyaba elaluali, tama te kedau silainu ebo sogo, Joapgo te aga ami bidi dabe selama, te Amon dabeba boi hwįgi palio. Augwaligo hwįnama, te Amon dabe aiyaba elaluama, te taun Raba bagulali, te augwa genuai taun da. Tiali goli Devit te hwįbo madi pabeo. Aga te Jerusalemde bidali. Joap dali te Israel ami bidi dabe daligo te Amon dabe dali hwįbo bomo elama, te taun Raba selama tama mu dolai dao.

Aisaia 29:6

Tigidali Bomo Elalubo Genuai Bidi te bomai wali dali, tǫ mali dali asaibao. Tama te be kulu weyu, te genuai kulukulu dwai mu waibao. Tama agai te tigidali nai dabe ulabo isi dwai dali sesaibao.

Jeremaia 23:19

Odao. Genuai Bidigo haliga sębę te dwai bidi dabeba pedalubo, te bomai wali me tulubage polo asobo tiwai yaibao, tama te poboge ebo genuai waligo te augwali tobolude agabo tiwai yaibao,” wali.

Esekiel 21:22

Tialima, kingo te dolo nogo badu sali enego, te taun Jerusalem dąį eyu, nogo tų ilaibao, tama agai te tiwai koneyu, augwaligo te Jerusalem taunba boi hwįgi paiba homu yaibao. Tama augwali te Jerusalemba dolo pelama, te taun bagulali sunumi aluabo masin dabe nigilama, augwali peyu, te we bidi dabe elainu yaibao. Te masin nigali simanobo si da, teda te ami dabego i hae bomonama weyu, te taun sunumi alumainu te masin pogolobo sę yaibao. Augwaligo te obode tǫ du holama, te Jerusalem bagulama, te moni hanude bidibo bage dali haniani hwįbo kolesaga yaibao,” wali.

Esekiel 25:7

Dagego te tama kolesaga yali, tibaso te eno dageba dwai dene momainogo te gasa hanigo dage sagasomainu elama, te dageba dwai dene momainu yali. Te eno dage dolobo sę mu elama, tama dage te tǫ kantri me deli bidibo tiwai me egobeo. Te tiwai dagego bugagia koneyu, ena digi ena Genuai Bidi da po waiagameo,’ te po te Amon we bidiba pusao,” Genuai Bidigo enabolo te po wai dao.

2 Samuel 12:31

Tama agai te Raba taun hanude bidali we bidi tigidali selama, tama augwali te so, me baira, me tamiok hwą, te naigo ebo haniani sęba muani. Tama agai augwali meba te brik nigibo sęba muani. Agai te tobage kolesaga tiwai naga te gasa taun hanu te Amon bulu tǫ pedaide bidalubo bage bidi dabeba te tiwai yai. Tama nosali, Devit te aga ami bidi dabe tigidali dali augwa te Jerusalemba ma geasa soalio.

Esekiel 21:25

“Israel king, nago eno po sela sąyu, dwai kolesaga mu ebo bidi da. Te eno nago ebo dwai sę tigidali wei ponabo sogo megi pedelalio.