Amos 1:10 - Godigo dwagi yai po buku

¹⁰ Eno te Tair taun obo dabeba te isi tula palama, tama te taunde bomai be dabe te isigo dela silaibao,” te po wai.

Amos 1:10 Referans Kwoze

Sekaraia 9:4

Tiali goli Genuai Bidigo augwaligo te nai doado bage tigidali dagala sąwaibao. Genuai Bidigo Tair dabego te nai dabe te tamu ąįba sąwaibao, tama te boi bidi dabego te taun siago ulama, te tigidali mu dolaibao.

Amos 1:7

Tialima, eno te isi Gasa taun obo tomoba tula palaibao, tama te isigo te taunde bomai be dabe ulaibao.

Amos 1:4

“Awe, eno isi te king Hasaelgo sę yani genuai wiegi yai beba te sia tula palaibao, tama te isigo te king Benhadatgo taun ulaibao, te bomai obo elalubo taun dao.

Esekiel 26:12

Te boi bidi dabe augwaligo te dagego mone dabe me doado bage tigidali sobadi, tama dagego mone sabo bisnis sę ebo nai dabe tigidali saibao. Tama augwaligo te taun bagulali obo dabe aluama, te dagego wiegi wiegi yai be dabe mu dolaibao. Tama augwaligo te masigi dabe me, ni dabe me, tǫ dabe me, tigidali selama, te tamu ąįba sąwaibao.

Jeremaia 47:4

“Magi baso meni, te Filistia tigidali dolabo sogo, te pedelalio. Eno augwali sunumi paliama, te augwaligo Tair me Saidon dabe tau me sogobeo. Polobadu mu te Filistia dabe augwa wąį nǫų dabego te ailan Krit tagalama, te genuai buluba bidagasali. Tialima, megi da, Genuai Bidi eno te dwasianu bidalubo Filistia hani dabe dolainogo homu ebo dao.

Esekiel 26:4

Tama te augwaligo dagego taun bagulali bomai masigigo nigali obo dolama, tama augwaligo te obo bagulali bobobage be taua dabe tigidali pepedama, aiyaba tudulaibao. Tama eno dagego taunde elalubo tǫ dabe tigidali sela sąnama, tama masigi bulu naga olo tede elalueibao.

Esekiel 28:18

‘Tair bulu king bidi, nago te bisnis sę yali sogo, te nago dwai kolesaga hauwa mu yalio, tama nago te sęgęgo te lotu be dabe dwai meda yai mu pedelalio. Tama tibaso, eno te isi te taun tomode pedelemainu elama, tama sese ula silali, tama te isi sisi dulu keli hali naga te elaluali. Tama gasa tigidali bidi hanigo suali.

Joel 3:4

“Dage te Tair me Saidon hani bage, me tigidali Filistia pedai badu me, dagego enaba mena sę yainu ebawe? Dagego homugo eno te dwai sę yalide homu eyu, te wei ponainu eba, agawe? Te dagego tama homu ebaso da, teda eno te polo dageba te wei ponaibao,” wali.