Aisaia 9:6 - Godigo dwagi yai po buku

⁶ Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Aisaia 9:6 Referans Kwoze

Dwagi Yai Gesi Po Lukgo Asęani 2:11

Megi pio hulide Devitgo hanude wai me tega pai dao, te agai dage ma dobola saibao, aga te we bidi tau somainu sa muani Genuai Bidi dao.

Matyu 28:18

Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Matyu 1:23

“Odao, wegi me deli te bidi dali me pisąwai, te wegi aga haliga elama, te wai ogwa ame naibao. Tama augwaligo te wai nogi Emanuel nogi yaibao,” te po wai. Tama te nogi page e tiwai dao, God aga da dali bidibao.

Kraisgo Geme Dualali Sę Pedelabo Po Jonbolo Ola Mani 19:16

Te aga nogi asęani aga ugwade me te sągą telede me elaluai. Te nogi asęani e tama tiwai, tigidali tuni bidigo Tuni Bidi, te tigidali genuai bidi kingo Genuai Bidi King dao.

1 Jon 5:20

Dago koneai, Godigo Ogwa aga asai, tama agai homu kolesaga da mawai, dago te God aga God mu dao, te dago konemainogo te kolesaga da mawai. Da aga Ogwa Jisas Krais dali wadolama bidibaso, tama da God dali bidibo dao. Te Krais da, te aga God mu dao, tama agai te bidibo ula sesemane sogo bidada peyu, bidada pabo ula mabo dao.

2 Timoti 3:16

Awe, mu tama, te polobadu geme dualali po, te Godigo dabolo waselali konealuabo po page te genuai mu elalubo, tama bidigo te pode te po mu menio wabo te usu me egobeo. Te konealuabo po e dao: Aga te tigi elalubo bidi mu pedalali, tama hania hanilai. Tedali Mobo Bidigo we bidibolo ola mani, te bidi aga dolo mu yali. Te dagalude mobo bidi ensel dabego aga suai. Tama po pusubo bidi augwaligo agade po te tigidali we bidi hanibolo pusigi pali. Te tǫde bidi dabe augwaligo konealubo po agade dąų wai. Te Godigo aga dagaluba odasa holama, tama megi aga bomo dali, genuai nogi dali selama bidibo dao.

Aisaia 53:5

Te dago yali dwai sęgęde naga aga dolali. Te augwaligo aga dodagia mu elama, te aga tigi tologola pali, agai te tolali sęgęde aga da usu ma ilama pedelali, te da bugagia mu bidibo dao.

Aisaia 28:29

Te tigidali sę ebo kolesaga Godidu naga asalio. Tigidali Bomo Elalubo Genuai Bidi agaduba deli naga tigidali haniani wiegi yai kolesaga dali, homu kolesaga mu pągąna pai dao.

Polgo Po Pas Rom Dabeba Asęani 8:32

Agai aga Ogwa digi te dabolo mawainogo homu si me ebeo. Menio. Agai aga tagala palali te agai da tigidali tau sagasomainogo olo tagala palalio. Agai aga Ogwa digi da tau somainogo mobaso, teda mu tama dao, agai homugo te gasa nai me tigidali te olo mu dabolo te aga dali mawaibao.

1 Korin 15:25

Magi baso meni, Krais te tuni bidi bidimainu eyu, tama bidada pidubadi tama Godigo te boi bidi tigidali augwali aiyaba elaluama siligi pabo si usu nigi paibao.

Godigo Nogi Ugwaba Sabo Tęąbi Po Wabo Buku Dabe 45:6

Godigo nage te king nigilama, tama nage te king sesemane bidada peyu, bidada paibao. Nago te naga we bidi dabe te doloba pai kolesagade naga tonalubo dao.

Aisaia 10:21

Tama te dwasianu Israel we bidi bidibo dabe augwali te God Tigidali Bomo Elalubo Bidi pageba ma asaibao.

Te Israel Tobolu Bidi Dabe 13:18

Tama enselgo te po wali, “Magi baso te dagego eno nogi koneainogowe? Te eno nogide te we bidi homu hauwa eyu, noma siyu ilaibao,” wali.

Dwagi Yai Gesi Po Jongo Asęani 14:27

“Eno dage taga pabo sogo pąde dao. Tama dage wi idali weyu, tama eno dage homu nagame elama, dua bidimainogo eno dagebolo bomo mobao. Eno te dwagi yai homu nagame ebo kolesaga eno dagebolo mobao. Tǫde we bidigo nagame yai mabo homu kolesaga tiwai eno dagebolo mabeo. Dagego homu kolesaga polo midigi siyu, tama dage wi egio.

Hibru 1:8

Tiali goli aga Ogwabolo agai te tiwai po wai, “Nage God dao, nage tuni bidi sesemane sogo bidada peyu, bidada paibao. Nago naga we bidi te doloba pai kolesagago tonalubo dao, tama te kolesaga naga ebode nago genuai wiegi yai nogi elalubao.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Matyu 11:27

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deligo agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Aisaia 63:16

Tiali, nage te dago aya dao. Te da bulai wąį monu aya, Abraham me Jekop augwali te da dali me bidibe, te augwaligo da konesiąwai. Tialima, nage Genuai Bidi, nage dago aya mu dao. Tama nago nogi te tiwai elalubao, “Te da tudibadu tonalu, polobadu digi tau sesa asali bidi dao.”

Godigo Sęba Tagala Palai Bidigo Po 10:36

Godigo te dwagi yai po da Israel we bidibolo mawai dao. Tama te dwagi yai po page e tiwai da, Jisas Krais da, te tigidali we bidigo Genuai Bidi da. Da tigidaligo aga godolo eyu da, te da dwagi yai homu elama, bugagia bidaibao.

Bomai Po 10:17

Magi baso meni, God dago Genuai Bidigo te tigidali te tibo god dabe me te tigidali bomo elalubo te tigidali nai dabego bomo edelai mu elalubo. Aga te genuai bomai mu dao, tama tiyu tigidali nai dabe aga dologode naga elaluao. Agai te po tų ebode te abagi si ebo kolesaga wali peyu, me te we bidigo agaba magi nai mayu, aga homu bea sabo homu ebo kolesaga emainogo sula tagalobo menio, te haniani sę ebo kolesagade.

Taitus 2:13

Tama dago te ola mani po odolama, tama te tiwai kolesaga eyu bidibadi, tama dwagi yai homu eyu, te wiegi yai sogo asobo dago tonalubo dao. Tama te sogo asobo si, teda dago genuai God te da ma dobola sali bidi Jisas Krais agai bomo yai ula dali, genuai nogi dali, te hania ulaba pedalaibao.

1 Korin 1:30

Tiali goli Godigo dage Krais Jisas dali wadolali, te agai tilama tama Kraisgo da wiegi yai homu kolesaga elalubo we bidi nigali. Te Kraisde God agai da agai wiegi yai we bidi hani mu ilali, tama dago dwai sęde sali sęgę sela sąnama tama da olo bugagia bidibao.

Dwagi Yai Gesi Po Jongo Asęani 1:16

Aga te olo tau sabo sę hauwa mu ebo dao. Tama dabolo agai ma eyu, ma eyu idu gebo dao.

Dwagi Yai Gesi Po Lukgo Asęani 1:35

Tama te ensel mobo bidigo po wei ponoyu, te po walio, “Te Godigo Mobo Bidi asama, tama agai bomogo nage mesegalueibao. Tama tibaso, nago tega pabo wai nogi Godigo nogi poaibao, ‘Dwai sę isąbo ogwa dao,’ waibao, ‘Te Godigo Ogwa dao,’ waibao.

Godigo Nogi Ugwaba Sabo Tęąbi Po Wabo Buku Dabe 72:7

Tama aga bidibo sogo te bidi dabego te doloba pai kolesaga naga wali pomainu yao. Tama te wiegi yai nai hauwa te tigidali sogo te polua pedelama elalubo sogo te pedalumainu yao.

Kolosi 2:3

Aga da te Godigo wiegi yai homu kolesaga dali konebo homu dali si dabolo waselai bidi dao. Te homu kolesaga dali konebo homu dali si polobadu dualalubadi bidai dao, te bidigo umabo wiegi yai doado bage geme dualali tiwai elaluali.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Bugagia Bidibo Kolesagade Po Asęai Buku 8:23

Polobadu mu, te Genuai Bidigo tǫ nigisiąbadi, agai ena nigilama, tama ena bididuali.

Hibru 13:20

God aga te da we bidi homu nagame ilibo page bidi elalubao. Agai te dago Genuai Bidi Jisas te gų pagede ma hodolama, tama aga ma bidimainu ilali. Hasia Jisasgo aga digi bidibo ula olo mayu, tama Godibolo ofa tiwai mani, te da we bidi tau somainogo yali. Tama tebogo agai te Godigo te we bidi tau sabo dąų wali gamonabo po te mu dąų walali. Tama tiyu, aga te da sipsip tiwai bidibo we bidi tonalubo te polalubo bidi pedalai dao. Tama eno homugo te God agai te tigidali wiegi yai kolesaga dagebolo mao, te dagego agai homu kolesaga wali pabo usu ilimainogo yao. Tama eno homugo me da tomode agai tigidali te aga digi godolo yabo kolesaga tigidali pedalomainogo yao, te Jisas Kraisgo nogide tama tiao. Aga genuai nogi te sesemane bidada pabo sogo elalua peyu, elalua paibao, te eno homugo. Mu dao.

Dwagi Yai Gesi Po Lukgo Asęani 2:14

“God agai nogi ugwanu mu kegenanao. Tǫde bidibo we bidi homu tegaluama, bidiąo. Augwalibolo Godigo dwagi yai homu ebao,” te ensel dabego te po wali.

Aisaia 53:10

Tiali goli, Genuai Bidigo digi aga sę bidi aiyaba elaluama, tama agai te dene selama, tolomainu yali, magi baso meni, te sę bidigo digi aga bidibo ula mayu, te we bidi dabego sęgę sela sąbo ofa tiwai ebaso da, teda aga bidibo sogo te bobobage mu igi pelama, te aga bulai wąį nǫų wai dabe sueibao. Te aga yali sęde, te sę bidigo te Genuai Bidigo homugo yao homu ebo sę ebaso, te agai te sę bugagia pedalumainu ebo dao.

Aisaia 53:2

Genuai Bidigo aga sę bidi te olo ni me deli tiwai te tǫ pesagede pedalumainu ilali. Awe, aga te ni me deli te wa pai tǫdu pedalubo tiwai pedalali. Te sę bidigo nogi meni yai, magi baso meni, te bidi dabego gedude tonobo sawi isiąwai. Te agade te bidi dabego godolo elama, tonabo nai me deli elalusąwai.

2 Korin 5:19

Dago pusubo po e tama tiwai: God agai te Kraisgo yali sęgo te tigidali we bidigo te boi bidi sę ebo kolesaga tagalama, tama aga dali abagi homu pedalomainogo yai. Agai te augwaligo yali dwai sęde homu kone ma ebeo. Tama agai dabolo te boi bidi dabe aga dali abagi homu ilabo po pusubo sę dabolo mawai dao.

Polgo Po Pas Rom Dabeba Asęani 9:5

Augwaligo wąį mu Abraham dali, Aisak dali, te Jekop dali, augwali polobadu bidiyu te genuai nogi sai bidi dabe hasia bidali, tama augwali te augwa bulai wai dabe naga bidai. Tama Krais aga e tǫba dulama tama da bidi tiwai tigi sali sogo, agai te Juda hanide naga te bidi mu pedalali. Aga te tigidali nai tobolu bidi bidibao. Aga te God dao, te aga nogi dago sesemane bidada pabo sogo ugwaba sinao. Mu dao.

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Godigo Nogi Ugwaba Sabo Tęąbi Po Wabo Buku Dabe 72:3

Nago te wiegi yai sę hauwa te augwaligo sęde pedalumainu yao. Tama nago te we bidi dabego te doloba pai kolesaga sesemane sogo emainu yao.

Godigo Nogi Ugwaba Sabo Tęąbi Po Wabo Buku Dabe 45:3

Nage te bomai king da. Nago au dobage te hauwa elalubao, tama nago genuai nogi te ugwanu mu yai. Nago te bainat hwą dią selama, te hwįabo sisi elaluao.

Nehemia 9:32

“Dago God, nago genuai nogi me genuai bomo elalubao. Da tigidali te nago bomo dologode bidibao. Tigidali sogo nago te naga dąų walali bomai po wali pelama, tama nago dabolo te olo mu tau sabo wiegi yai kolesaga ebao. Megi da te genuai sęgę tolai, tama tiyu dago homugo nago da homu koneama tau sao. Polobadu te Asiria king dabego te dago kingba, me tobolu bidi dabeba, me pris, me profet dabeba dwai sę eyu, te dago wąį nǫų dabeba me te tiwai yai. Tama te sęgę dade elalua asidubadi, te megi e sogoba usu nagasobao.

Jeremaia 31:22

Dage te ena wegi wai tiwai, tiali goli, dagego ena tudiba muani. Mena sogo te dagego haliga si ebo tagalama, te enaba ma asaibawe? Ena Genuai Bidi, eno gesi noma kolesaga te tǫde yaibao. Te kolesaga e tama dao. Wego digi te bidi pageabi elama, te agaba hanalu, te aga godolo eba waibao,” wali.

Aisaia 26:12

Genuai Bidi, nago da tomode wiegi yai homu nagamea pai ebo sogo pedalomainu ilibo dao. Nago dago tigidali sę dabe dodolama, tama wiegi yai pedalumainu ilibo dao.

Aisaia 26:3

Genuai Bidi, augwali nage dologode naga bidibo dao, tama augwaligo homu nage delide naga dąų olama, elalubo dao. Tama tibaso, nago augwali dali homu nagame ebo kolesaga augwali mu pągąmainu ebo dao.

Godigo Nogi Ugwaba Sabo Tęąbi Po Wabo Buku Dabe 85:10

Te sogo da, te we bidi dabego te gasa bage wei mu elama, tama wiegi yai kolesaga augwaliba yaibao. Tama augwa dolasa bidiyu, tama haliga nagame elama, tama hodobo bugagia bidaibao.

Godigo Nogi Ugwaba Sabo Tęąbi Po Wabo Buku Dabe 72:17

Tama te bidi hani bagego te kingo nogi homu kone me gegeda palu tagaligio, tama agai genuai te sesabi gana elama, te giliga nanalubo sogo usu nama elalumainu yaibao. Tama tigidali hani we bidigo aga nogi ugwaba sao. Tama augwa te Godiba hanalu, te augwali wiegi yai homu ilibo nai momainu yao wao, te agai te king wiegi yai homu ilali tiwai emainu yao.

Godigo Nogi Ugwaba Sabo Tęąbi Po Wabo Buku Dabe 50:1

Te Tigidali Bomo Elalubo God, aga te dago Genuai Bidi da, megi da agai po weyu, tama te giliga pedaluboba, me te giliga dega siguluboba usu nama, te tigidali we bidiba i obao. Agai te tigidali bulu tǫ we bidiba i wabo dao.

Aisaia 8:18

Genuai Bidi Tigidali Bomo Elalubo Bidi aga te Saion bulu dude bidibao. Agai ena te wai dabe mawai dao. Tama agai da te Israel we bidide yabo sę dąį tiwai ilali.

Aisaia 66:12

Genuai Bidigo te tiwai po wali, “Magi baso meni. Eno te Jerusalem bugagia mu elalumainu yaibao, te sesemane sogo agai te gasa tǫ kantrigo wiegi yai nai dabe hauwa saibao. Te aga magi deli me sǫą pisąma, te wę sesemane sogo asudu, te sula sisąbo tiwai yaibao. Te dagego te nai dabe siyu, wiegi yai pemene mu yaibao, te waigo idago ame tuyu, pemene ebo tiwai yaibao, te waigo aga idago sabilibaso, pemene ebo tiwai eyu, te idago aga telede pilama, aga dali gagali ebo tiwai ebo dao.

Matyu 1:1

E te Jisas Kraisgo nǫų wąį hanigo nogi nedada pabo po e dao. Jisas aga te Devitgo hani, tama Devit aga te Abrahamgo bidi hani dao.

Aisaia 16:5

teda te sogo te Devitgo hani me deli me tuni bidi pedalaibao. Tama agai aga we bidi godolo mu elama, tama agai aga we bidi te doloba pai kolesagago naga tonaluaibao. Agai aga we bidigo homu sęgę elalubo po odama, tama agai polo dodolaibao. Tama agai wiegi yai kolesaga ebo bomo mu yaibao.

Daniel 2:44

“Tama te king dabe bidalubadi, te Godigo te we bidi tonalubo bomo te tomo hodolama, tama te tonalubo bomo te sesemane bidada peyu, bidada paibao. Te gasa king dabego te Godigo tonalubo bomo te elalueinu ebaso, usu me egobeo, te gasa bagego te bomo me sogobeo. Tiali digi, te agai da te augwali aiyaba elaluama, tama te gasa king dabe mu dola silama, tama agai tonalubo bomo te sesemane elaluaibao.

Hagai 2:9

Te eno gesi be wiegi wiegi yai mu pedelaibao, tama teyu te bego te polobadu be aiyaba elaluaibao. Tama te bulu pesagede da haliga dua tegaluama bugagia bidibo kolesaga menama, tama eno te umabo dwagi yai nai dabe te eno hani we bidi dabebolo mawaibao,” wali. “Ena God, Genuai Bidi, Tigidali Bomo Elalubo Bidi, eno mu po walio,” wali.

2 Samuel 7:13

Te kingo naga te eno be sę emainu yaibao, te eno we bidi dabe augwali ena pąba asomainu emainao. Tama te eno aga hani bidi dabede naga te sesemane bidada pabo sogo king bidi pedalumainu ilaibao.

2 Samuel 7:16

Te nago hani da, te me sia sogobeo. Tama eno te nago hani bidi dabede te king sesemane sogo pedalumainu ilaibao,’ nago te po Devitbolo pusigi pao,” God Genuai Bidigo te po Natanbolo wali.

Te Israel me Juda Hani Sigo Tuni Bidigo Po Elalubo Buku Deli 2:33

Eno homugo te Genuai Bidigo Joapgo te dwai sę yalide te sę yali homu kone palidu, te sesemane sogo te Joapba me te aga hani nosali pedalubo bageba te dwai dene maduaibao,” wali. “Tiali goli, sesemane sogo Genuai Bidigo te Devitgo haniba te bugagia bidimainu ebo kolesaga mayu, tama agai hanide te pedalubo tigidali kingde te tiwai yaibao,” Solomongo te po wai.

Te Israel me Juda Hani Sigo Tuni Bidigo Po Elalubo Buku Deli 2:45

“Tiali goli, te Genuai Bidigo te ena bugagia wiegi yai iliyu, tama sesemane sogo agai te Devitgo hani bidi dabe te king pedalumainu ilaibao,” wali.

Te Israel me Juda Hani Sigo Tuni Bidigo Po Elalubo Buku Deli 10:9

Eno te Genuai Bidi te nago God nogi ugwaba sobao. Agai bugai homu nageba ebaso, te nage Israel king pedalumainu ilali. Agai dage Israel te wei ebo homu umabo mu elama, tama agai te godolo eyu, wei ebo homu te me siligobeo. Tama tialima, agai nage te king pedalumainogo ilama, te nago te po tų odobo sę dolo mu naga eyu, tama te Israel dabe te wiegi yai doloba pai kolesagago tonalumainu yali dao,” te Seba kwin wego te po wai.

Godigo Nogi Ugwaba Sabo Tęąbi Po Wabo Buku Dabe 45:7

Nago te doloba pai kolesaga wei eyu, tama nago te dwai kolesaga te wei isiąyu, hagela mu ebo dao. Tama tibaso, naga Godigo digi, agai te nage sa muyu, tama agai nago nogi ugwaba mu muyu, tama nago nogi te gasa king dabego nogi aiyaba elalubo dao.

Godigo Nogi Ugwaba Sabo Tęąbi Po Wabo Buku Dabe 89:5

Genuai Bidi, te ensel dabego te nago ebo wiegi yai sę dabe balia po wabo dao, tama augwaligo te nago nogi ugwaba sabo dao. Me te dagalude konealubo homu dąų wai mobo bidi dabego te nageba balia po weyu, tama nago po wali mu pabo dao.

Aisaia 11:5

Te tama doloba pai kolesagago tama aga we bidi tonaluaibao. Aga bomo elama bidiyu, aga sę bugagia yaibao.

Aisaia 32:1

Odao, te tuni bidi me deli pedalaibao. Tama te tuni bidi dali, tigidali tǫ pedai kantrigo genuai bidi dabe dali, augwaligo wiegi yai doloba pai kolesaga naga elama, te we bidi dabe tonaluaibao.

Aisaia 37:32

Te boi bidi dabego te Jerusalem we bidi tigidali me dologobeo. Menio. Te augwali dwasianu hani me bididuaibao. Te Tigidali Bomo Elalubo Genuai Bidi, agai bomai homu kolesagade te sę dabe pedalumainu yaibao.”

Daniel 7:14

Te Polobadu Polobadu Mu Bidali Bidigo digi aga te king pedalumainu elama, tama agaba te bomo me genuai nogi mawai. Tama aga te sesemane sogo bidada pabo te bomo elalua pabo king bidiyu, tama aga king sę ebo te munu me sia sogobeo. Tama te tigidali bulu tǫ kantri we bidi me, tigidali hani bidi me, tigidali haniani po wabo hani bulu bidi, te aga dologode naga bidaibao.