Aisaia 9:3 - Godigo dwagi yai po buku

³ Genuai Bidi, nago naga we bidi genuai hani pedalomainu yalio. Tama nago augwali wiegi yai homu emainu geninanio. Augwali naga gedude wiegi yai homu yalio. Te augwaligo augwa gi nai hasia inawai siyu ebo homu tiwai yalio. Tama me, te ami bidi dabego wąbi hwįnama, gasa bidi dabe aiyaba elaluama, te augwaligo sali nai dabe dobayu ebo homu tiwai yalio.

Aisaia 9:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 119:162

Eno te nago dąų wali pode homu dąų weyu, wiegi yai pemene homu umagi mu ebao, te bidi me deligo te gol mone hauwa sobaso, pemene ebo tiwai ebao.

1 Pita 1:8

Tama dagego duga gedugo aga munu me susiąwai digi, dagego Kraisde dwagi yai homu eyu godolo ebo dao. Dagego megi me aga susiąbadi digi, dagego duga homu tigidali agaba muyu, tama wiegi yai homu mu ebo dao. Tebogo te tigidali gasagi yai dwagi yai homu ebo aiyaba elalubo dao. Tama te dagego wiegi yai homu ebo te genuai mu dao, augwaligo Godigo bidibo digide ebo wiegi yai homu ebo sabi si dao. Tama tialigo da, dagego pedauwaligo tede po wabo usu egobeo.

Aisaia 26:15

Genuai Bidi, nago dago hani genina mu ilalio. Awe, nago we bidi hani moni hani mu pedelalio. Tama dago bulu genuai mu pedalumainu eyu, nago dago tǫ dąį ibanu mu kidilalio. Tama te tialigo naga genuai nogi genuai mu pedalumainogo yalio. Awe, dago bulu genuai mu pedalomainu ilalio.

Aisaia 66:10

“Dage te Jerusalem godolo mu ebo hani dabe, dagego aga dali wiegi yai pemene yao. Dage agade te homu dene elama, gela weyu yali hani dabe, megi da, dagego aga dali wiegi yai homu pemene yao.

Aisaia 65:18

Dagego te eno megi nigali gesi naiba bugai haliga eyu, wiegi yai pemene sesemane sogo yao. Magi baso meni. Te eno nigainogo ebo gesi Jerusalem te we bidi dabego godolo elama, wiegi yai pemene yabo pesage pedelaibao, te aga we bidi dabe te bugai haliga mu elama bidaibao.

Aisaia 35:10

Te Genuai Bidigo ma dobola sali we bidi dabe, te augwali wiegi yai pemene dali te Jerusalemba ma asaibao. Te augwa genuai po dagą weyu, balia weyu, te sunumidu aselawaibao. Te augwa wiegi yai bugagia mu dugulalu, te augwa pemene umabo mu yaibao. Augwa te wiegi yai pemene ebo munu me sia sogobeo. Te dene, me haliga sęgę, te augwalide munu ma me elalugobeo.

1 Samuel 30:16

Tama te Isip bidigo Devit te Amalek dabeba sela pali. Te Amalek dabe te tǫ pedai badu digi bidalu, tama augwa te genuai nai daa tubo sę eyu bidali, magi baso meni, augwaligo te Filistia dabede me te Juda dabego tǫde me, te doado bage hauwa umabo mu sali.

Dwagi Yai Gesi Po Lukgo Asęani 11:22

Tiali goli, te boma pai bidi me deli pedelama, te boi sulama te bidi dali hwįnama, te bidigo bomo aiyaba elalubaso da, teda te be page bidi aga tobade tiąduali te boi hwįbo nai dabe tigidali te bomai bidigo sela pabo dao. Tama te be page bidigo polobadu wi sali nai te bomai bidigo ma selama, tama dobabo dao.

Godigo Nogi Ugwaba Sabo Tęąbi Po Wabo Buku Dabe 4:7

Te wit me wain te gide hauwa pedalubo sogo, te bidi dabe augwa wiegi yai homu pemene ebo dao. Tiali goli, te nago eno homude muani wiegi yai pemene ebo homugo, te augwaligo wiegi yai homu pemene ebo te aiyaba mu elalubo dao.

Filipai 4:4

Eno homugo dage te Genuai Bidi dali wadolali we bidi dage sesemane sogo dwagi yai homu pemene eyu bidao. Awe, eno te po ma obao, dagego homu dwagi yai pemene yao.

Sekaraia 10:8

“Te eno ena we bidi dabe augwali tigidali i ola bilama, te augwali sisinaibao. Te eno augwali ma dobola selama, te augwali polobadu bidali tiwai gilama hauwa mu pedelaibao.

Sekaraia 8:23

Te sogo te nogo si bidi, te haniani po wabo bage, te digibulu dabedu asama, te Juda bidi me deli pageabi elama tolalu, tama augwaligo te tiwai po waibao, ‘Dago te tiwai odali, te God dage dali bidibao wali. Tibaso, da me dage Juda bage dali deli hani pedelaibao homu ebao,’ te po waibao,” Genuai Bidigo te po wali.

Sekaraia 2:11

“Tama te sogo kantri hauwa we bidi augwali Genuai Bidiba aselama, tama augwali eno we bidi bidaibao. Tama ena dage tomode bidaibao, tama dagego koneaibao, ena aga digi dage tomoba taga palama, dage tomode bidibo koneaibao.

Hosea 4:7

“Dage pris te hauwa mu pedelali, tama tiyu dagego dwai sę hauwa mu yali. Megi dage genuai nogi elalubo, tiali goli te eno dage aiyaba elaluama, tama dage dwai hale mu yaibao,” te po wai.

Jeremaia 31:7

Genuai Bidigo te tiwai po ma wali, “Te Jekopgo haniba wiegi yai pemene ebo tęąbi po wao, te hanigo te tigidali gasa hani dabe edelama, polalubo mu dao. Te enabolo genuai nogi mabo tęąbi weyu, te tiwai po wao, ‘Genuai Bidi, naga we bidi dabe ma sao, te me badu bidali hani Israel pedai dao,’ te po wao.

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Aisaia 61:7

Polobadu te dage hale dwai mu elama, duga gesabidi seselaluali. Tiali goli, dage te duga tǫde digi bidaibao, te dagego nai hauwa mu siyu, te dagego polobadu elaluali nai mu edelaibao, te dage pemene umabo mu yaibao. Tama dagego te ebo homu pemene sesemane sogo elalua paibao.

Aisaia 55:12

“Te dage wiegi yai pemene elama, Babilon taga somainu elama, te dage eno odasa asiyu, te dage wi ilabo magi sę deli me pedalugobeo. Te bulu du dabego wiegi yai pemene ebo tęąbi po weyu, te ni dabego pemene homu elama, augwa nogo elaibao.

Aisaia 54:1

Genuai Bidigo te tiwai po wali, “Jerusalem, nage te hobedagia wai ame nesiąbo we tiwai eyu, nage te wai ame nabode dene isiąbo we tiwai ebao. Tiali, megi da, nago te balia po weyu, pemene elama, i wao, magi baso meni, te nago wai dabe hauwa mu umabo elalueibao, te aga bidi dali bidibo wego wai te aiyaba mu elalueibao.

Aisaia 35:2

Te wa pai bulu tǫ tonobo te sawi wiegi yai mu yaibao. Te aga genuai i hai dali weyu, genuai pemene yaibao. Te wiegi yai sawi yai nai hauwa mu pedaliyu, te bulu tonobo wiegi yai sawi me tedali eyu, te Lebanon genuai busi tonobo tiwai eyu, te Saron bulu odogo tonobo tiwai yaibao. Te we bidi dabego bomonama tonoyu, te genuai nogi, me te dago Genuai Bidi Godigo wiegi yai au dali elalueibao.

Aisaia 25:9

Te sę dabe pedalobo sogo, te we bidi dabego te e tama po waibao, “Mu tama dao, Genuai Bidi dago God dao. Dago homu agade dąų olama, tonaluai dao. Tama agai da ma oda sai dao. Aga deli naga Genuai Bidi dao. Tama agai da tau sai dao. Tama tibaso, da wiegi yai homu penene genina mu inao. Magi baso meni. Agai da polo ma oda sai dao,” te po waibao.

Aisaia 12:1

Tama te sogo dage Israel dabego te balia po waibao. “Genuai Bidi, eno nago nogi ugwabo sobao. Nago ena dali sębę yali, tiali goli nago sębę silalio, tama nago ena wiegi yai sę ilalio. Tama megi da, eno homu bugagia bidibao.

Godigo Nogi Ugwaba Sabo Tęąbi Po Wabo Buku Dabe 107:38

Genuai Bidigo te aga we bidi dabeba wiegi yai sę ela mani. Tama tiyu, augwa te wai hauwa ame neyu, tama agai te bulmakau dabe me hauwa pedalumainu ilalio.

Nehemia 9:23

Tama nago augwaliba te wai dabe hauwa mawai, te dagalude elalubo hǫ dabe tiwai pedelali. Tama nago te augwaligo te boi bidi dabe aiyaba elalumainu ilama, tama nago te augwa bulali wąį nǫų dabeba mawainu te po dąų walali tǫ somainogo yai dao.

Te Israel Tobolu Bidi Dabe 5:3

“Odao, dage gavman tuni bidi dabeo! Olo bugagia munama, dage tobolu bidi dabe dao! Te eno tęąbi me deli weyu, tama musik gagali te Genuai Bidiba waibao, te Israel dabe dago God dao!”

Godigo Sęba Tagala Palai Bidigo Po 8:8

Tama tibaso, te Samaria dabe bugai homu mu yali.

Jopgo Po Asęani Elalubo Buku 12:23

Agai te moni hani genuai nogi mabo si, te bulu tǫ kantri boma pela te bulu nogi elalubo dao. Tama nosali augwali ma dolobo dao. Tama agai te tǫ kantri mebago we bidi hauwa mu pedelumainu elama, nosali agai augwali gasa buluba kalabus emainu sela pabo dao.

Aisaia 65:14

Te eno sę bidi dabego haligade te wiegi yai homu pemene pągąnalu, te augwa homu pemene ebo tęąbi po waibao. Te dagego haligade te homu dene ebo pągąnalu, te dagego homu kolesaga kone tųą pelama, te dage gela bomonama mu waibao.

Pris Sę Ebo Bomai Po 26:13

“Ena digi ena Genuai Bidi, ena dagego God dao. Polobadu dage te Isipde olo sę ebo bidi bidibaso, eno te kalabus ebo sę togwa sąnama, te dage odasa asai. Eno dage te kalabus yali bidi dabego bogo toga sąwai, te dage kalabus tagalama, te wiegi yai homu pemene eyu asai dao,” wali.

Te Israel Tobolu Bidi Dabe 7:22

Tama te 300 bidi dabego te biugel bu wabo te sogo, Genuai Bidigo te Midian dabe esela pabo bidi tiwai ilama, tama augwa abagi dabe ma te bainatgo elali. Tama augwali wi peyu, te Betsita te Serera tǫ pedai badu palio. Tama augwali wi pelama, usu nigi pali bulu te Tabat pąde, te Abel Mehola buluba wi pai.

Te Israel Tobolu Bidi Dabe 8:12

Tama te Midian king bidi si, Seba me Salmuna, augwali si wi pai. Tiali goli, Gideongo augwali si pobeasa pelama, tama augwali si pageabi elama, nogo tuai. Agai te augwali sigo ami bidi tigidali dwai noma selibaso, tama augwali wi mu pai.

Aisaia 10:26

Ena, Genuai Bidi, Tigidali Bomo Elalubo Bidi, eno augwali bįgo elaibao, eno te Midian dabe te Orepgo Masigi nogi wabo bulude dali tiwai elali. Eno nogo ugwa selama, tama elaibao, te polobadu eno Isip dabe te tamu węde elali tiwai yaibao.