Aisaia 9:16 - Godigo dwagi yai po buku

¹⁶ Te tobolu bidi dabego we bidi dabebolo wiegi yai sunumi dali kolesaga si ola mawai menio. Tama tibaso, we bidi polo hagawali.

Aisaia 9:16 Referans Kwoze

Matyu 15:14

Dagego te Farisi dabe augwali sula tagalama elaluao. Augwali te gedu widai, tama te gedu widai mego te gasa gedu widai bidi te pabo tų ola mawainogo ebao. Tiali goli, te me gedu widaigo te me gedu widai bidi te tų ola mayu da, teda bidi talua si te ąį gamia pageba tulaluaibao,” Jisasgo te po wai.

Aisaia 3:12

Hobede mu da, dage eno we bidi dabe. Te gesi we bidigo dage te tonalubao. Te tobolu bidi dabego dage halubaso, tama dagego augwaligo dwai sunumidu dage wali te pobao.

Hibru 7:7

Tama dago koneani, te Godigo gasa bidi dali dwagi yai sę emainogo eyu gedu haluasa po wabo bidi te aga ugwadu elalubao. Te agade Godigo tau sali bidi, te aga aiyadu dologode bidibao. Tama tibaso, dago koneani, Melkisedek aga nogigo te Abrahamgo nogi aiyaba elaluali.

Tuni Bidi Dabego Po Elalubo Buku Si 30:27

Tama nosali te Livai hanigo pris bidi dabe doligiluama, tama Godibolo te we bidi wiegi yai sę ilao olama hanalu wali. Tama God dagalude bidiyu, aga wiegi yai bulude bidiyu, tama agai te pris dabego gedu haluasa po wabo odali.

Aisaia 19:14

Genuai Bidigo te Isip dabego homu kolesaga polo dolai dao. Te pagede te Isip dabego ebo sę dabe dolo me pabeo, te geda mubao, te polobo bidigo aga bogu agalama, tulaluainu ebo tiwai te ebao.

Jeremaia 23:13

“Polobadu eno te Samaria profet dabego te tiwai dwai kolesaga ebo suali. Augwaligo te tibo god Balgo nogide profet po pusulama, tama augwaligo eno we bidi dabe te dwai sunumiba odasa pali.

Amos 2:4

Genuai Bidigo wabo po e dao, “Hauwa sogo te Juda tǫ kantri we bidi dabe augwaligo dwai sęgę sabo sę idu geai. Augwaligo te tama tibo sęde augwaligo dwasianu toma me nabeo. Menio. Ena da, Genuai Bidi dao, tiali goli augwaligo eno bomo yai po sela sąyu, te eno augwali ola mani po augwaligo wali me pabeo. Augwaligo homu kolesaga umuna selama, geda muyu, ena wali munu ma pabeo. Magi baso meni, augwa te tibo god dabe wali pidu, te augwa wąį nǫų dabego yali sę tiwai yali. Tialima, mu tama, eno te Juda dabe augwaliba te dwai sęgę mabo dene ilaibao.

Maika 3:5

Te tibo profet mebago te bidi dabego augwaligo mone momainu, te dąų wabo po waibao, te augwa wiegi yai sogo elalubaso tibo dao, tiali goli te augwaligo te augwali tibo po ola mawai. Tialima, te augwaligo augwali mone masiąbaso da, teda te profet dabego augwali wi iliyu, te boi bidi dabego augwali dali hwįagasaibao po waibao. Tama tibaso, Genuai Bidigo te tiwai po te profet dabeba obao,

Aisaia 5:25

Tama tibaso, Genuai Bidi agai aga we bidi dabe dali sębę eyu, te sębę posolo mu ebao. Tama megi da, agai nogo ugwa sagua selama, dolainu no munalubao. Agai nogogo deli sogo elebaso, te tigidali tǫ dabe bulu du dabe elebaso, memenege elama, bulu du dabe aluasa dulaibao. Tama we bidi hauwa isila paibao. Tama augwaligo tigi dabe te hanu sunumi dabede olo pobele bage dabe munalua pabo ąǫ yaibao. Genuai Bidi agai tama tiaibao. Tiali goli, te tama tibogo Genuai Bidi agai sębę siligobeo. Menio. Agai nogo me ugwaba me dodolalubao.

Aisaia 10:4

Dagego magi sę me ebo usu egobeo. Mu menio. Te boi bidi dabego dage ela wialobo, o dage deli deli pibia sidubadi, augwaligo dage sela pelama, kalabusiba tagaligi pabo sę yaibao. Genuai Bidigo sę dabe dageba pedalumainu yaibao. Tiali goli, tego agai sębę siligobeo. Menio. Agai nogo me balaluaibao.

Jeremaia 9:4

“Dage we bidigo te duga abagi dabede bugagia osola suao, tiyu augwaligo dageba posobo po wabuo. Te duga ama dabego poba homu kęą pigio, magi baso meni, tigidali amago te gaga munubo sę te Jekopgo yali tiwai ebo dao.

Jeremaia 18:21

Tialima, megi da, eno homugo nago te augwaligo wai dabe te nai sǫą pelama, nasi eyu, isimainogo ilao homu ebao. Tama te boi bidi tagala palomainogo elama, te bidi dabego meba ela mumainogo ilao. Tama te bidi meba dwai gasi selama, isimainogo yao. Tama te gesi ogwa bidi dabe da, te boi hwįgi pabode isimainu yao. Tama te augwa we dabe sibi te wai meniama, te bidi me meni yaibao.