Aisaia 8:20 - Godigo dwagi yai po buku

²⁰ Te augwaligo te augwa Godiba pelama, tama agai homu kolesaga siyu, agai bomai po sigi peyu eyąo. Ma, augwaligo tama tisąma yali da, teda augwali hulia sai madi me bididuaibao. Tama wiegi yai sogo me sugobeo.

Aisaia 8:20 Referans Kwoze

2 Pita 1:19

Tama tibaso, dago te Godigo po odolama we bidibolo pusali bidi dabego polobadu wali poba dena homu te poba dąų wabo dao. Tama te tiwai gilama tama dagego me augwaligo wali po bomonama dąų ola siyu da, te wiegi yai yaibao. Te Godigo po pusali bidi profet bagego po te be hulia sai madide te lam sole ula elalubo tiwai dao. Tama dagego te profet bagego po bugagia odao, tama te po ododubadi te be posainu ebode tama te genuai ula elalubo hǫ pedalugulama tama te hǫgo ula te dagego homu tomode ula elaluaibao. Te sogo asobo tonalubadi, dagego te profet bagego po bugagia odiąo.

Polgo Po Pas Rom Dabeba Asęani 1:22

Augwaligo hagoma eyu te po wai, “Dago kolesaga koneani,” tiali goli augwali esela pai bidi dabe mu pedalai dao.

Dwagi Yai Gesi Po Jongo Asęani 5:39

“Dagego te homu ebo dao, Godigo asęani po tego dagebolo te bidabo bomo menama, tama dage bidada peyu, bidada paibao. Tama te homu eyu, dagego te po tigidali sogo gegeyu, nedebo dao. Tama te asęani po aga digi enade po page ola mabo dao.

Godigo Sęba Tagala Palai Bidigo Po 17:11

Te Beria bidi dabe te Tesalonaika be nani bidi hani tiwai meni. Te polobadu te Tesalonaika bagego tega sigo po polo sela sąwai dao. Tiali goli, te Beria bidi hani augwaligo da bugai homu elama, te po odali. Tama tigidali sogode Godigo po asęai bukude nedali, Polgo wali po usu niba pabo wenama suali.

Malakai 4:2

“Tiali goli dage eno po wali pabo we bidi, te eno bomogo dage ma saibao. Eno bomo te giliga ulago bomo tiwai elalu, tama dage we bidi te giligago tigi dili ilibo tiwai yaibao. Te dage wiegi yai pemene eyu, te bulmakau wai dabe te banis tomode bidai te buluba dinibo side te sasa mano pabo tiwai ebo dao.

Maika 3:6

“Dagego eno we bidi dabe tibo po ola mobaso, tialima megi da, dagego te profetgo te nade sabo po tiwai munu me ma sogobeo,” wali, “tama te nosali pedelaibao wabo nai po te dagego me wagobeo. Te dagego bodolu sogo megi silainu ebao. Te giliga iba dega sigulama, te be hulia sabogo dage mesega sabo tiwai gilama ebao,” walio.

Jeremaia 8:9

Te kolesaga koneai bidi dabego Genuai Bidi ena tudiba mubao. Magi baso augwa te homu eyu, augwa koneani kolesaga genuai elaluba homu ebawe? Te augwa hale dwai mu selama, te dwai sogo gegeyu, te hasa bade tola sabo tiwai yaibao. Tama augwa homu kolesaga dolaibao.”

Aisaia 8:16

Te ena skul ogomani gesabidide eno te Genuai Bidigo enabolo mani po mesegelama, haluali. Tama eno asęnama, tama eno dąį tede ilali.

Bugagia Bidibo Kolesagade Po Asęai Buku 4:18

Te dwai sę ebo bidi dabego wali pabo sunumi te be hulia siyu, mu hulia sai dąų mu wabo tiwai ebao. Augwali te tula muyu, tama te magi naigo te augwali sągąde dolali te augwa me konegobeo. Tiali goli, te doloba pai bidi dabego sunumi da, te giliga kigamu nanobo tiwai elama, tama te giliga nanobo sę bomonama pedelama, te giliga tomo yagasoboba usu nubo dao.

Godigo Nogi Ugwaba Sabo Tęąbi Po Wabo Buku Dabe 119:130

Te bidi me deligo gasa bidi tau siyu, te nago po page konemainogo tibaso da, teda aga haligaba ula mabo te saibao. Tama te pogo te homu kolesaga bugagia konesiąwani bidibolo te homu kolesaga mabo dao.

2 Pita 1:9

Tialima te tobage wiegi yai kolesaga esiąbo bidi te gedu widai bidi tiwai dao, aga digibulu tonobo gisiga bugagia susiąbo bidi dao. Tama te bidigo gegeda pai, te Godigo aga polobadu yai dwai sę tigidali sela sąwai dao.

Matyu 22:29

Tiali goli Jisasgo augwalibolo po wei ponoyu, te po wai, “Dagego te Godigo bukude wali po konebeo. Tama dagego te Godigo bomo me konebeo. Tama tibaso, dagego geda muyu, te po obao.

Matyu 6:23

Tiali goli nago gedu dwai yaibaso da, teda nago tigi me te tigidali be hulia saibao. Tama nage tomode elalubo ula te be hulia sabo tiwai yaibaso da, teda te hulia sali te genuai mu yaibao,” Jisasgo te po wai.

Hosea 6:3

Dago te Genuai Bidi koneabo sę bomo inao. Dago koneani, tigidali sogo kigamu te giliga pedalubao. Tama dago koneani, te tigidali sogo tulubage tulubo, tulubage te tǫba tulubao. Tama te tiwai naga dago koneao, Genuai Bidi te aselama, te da wiegi yai bugagia ma ilaibao,” augwaligo te po wai.

Aisaia 1:10

Dage tobolu bidi dabe, me dage Jerusalem we bidi dabe, dage te bidi dwai dabe te hanu Sodom de Gomora side polobadu bidali bidi dabe tiwai mu tama dao. Megi da, dagego olo bugagia munama, tama Godigo bomai po odao, dago Genuai Bidi. Agai dabolo mawainu ebo po bugagia odao.

Dwagi Yai Gesi Po Lukgo Asęani 10:26

Jisasgo po wei ponoyu, te po wali, “Te Godigo po wabo bukude magi po wali elalubawe? Te wali po dabe nago nedama suali, mena page konebo dawe?”

Godigo Nogi Ugwaba Sabo Tęąbi Po Wabo Buku Dabe 78:5

Godigo aga bomai po te aga we bidi Israel dabebolo mawai. Agai po te Jekipgo wąį nǫų dabebolo menama, te augwa wali pomainu yai. Agai te polobadu wąį nǫų dabebolo te tama po wai, “Dagego te duga wai dabeba te eno bomai po tigidali te bugagia ma mao,” po wai.

Aisaia 8:22

tǫba tonoyu yaibao. Tiali goli, augwaligo dwagi yai nai dabe me sugobeo. Menio. Te augwaligo te dwai sęgę, me dwai sęgęgo augwali tigidali bulude bilibo digi te hulia saigo augwali mesegasa bilibo tiwai yaibao. Tama augwali wi pelama, te dwai sęgę gedelabo sunumi mu meni yaibao.

Jeremaia 6:16

Genuai Bidigo aga we bidi dabeba e tama po wai, “Te dagego mena sunumi wali pabo homu ebaso da, te bugagia homu kone palao. Dagego te duga wąį nǫų dabego wali te wiegi yai sunumi gegao. Te dagego me te sunumi wali pobaso, tama te nai dabego dageba sęgę masiąyu, te duga haliga te toma nomainu ilao,” wali. Tialima, te Israel dabego te po wai, “Dago te sunumi wali me pogobeo,” wali.

Esra 10:3

Tialima, megi da, dago dena Godiba te dąų wabo bomai po weyu, te bulu badu sali we hani dabe te wai dabe dali sela sąnama, tama augwa page buluba ma tagala palaibao,” po wali. “Nage dali, te gasa bidi dabe daligo te Godigo bomai po wali pabo bage, te dagego te dago yabo tigidali sę po te dabolo walao,” po wai. “Tama dago te dagego po wali peyu, tama te kolesaga te Godigo bomai pode wali gilama te dago tama tiaibao.

Dwagi Yai Gesi Po Makgo Asęani 10:3

Jisasgo augwaliba po wei ponoyu, te po wai, “Mosesgo mena bomai po dagebolo mawai dawe?”