Aisaia 8:18 - Godigo dwagi yai po buku

¹⁸ Genuai Bidi Tigidali Bomo Elalubo Bidi aga te Saion bulu dude bidibao. Agai ena te wai dabe mawai dao. Tama agai da te Israel we bidide yabo sę dąį tiwai ilali.

Aisaia 8:18 Referans Kwoze

Dwagi Yai Gesi Po Lukgo Asęani 2:34

Simeongo Godigo bugai homu Jisas dali aga aya de ida si augwalibolo me ilao wali. Agai Jisas aga ida Mariabolo te po wali, “Odiąo. E waigo pode Israel we bidi hauwa augwaligo God taga paibao. Tama hauwa bage me augwali God pąba asaibao. Te aga dąį tiwai me deli nigalueibao, tama bidi hauwago agabolo dwai po waibao.

Sekaraia 8:3

Te ena ma aselama, ena te Jerusalemde bidaibao, te eno taun mu da. Tama Jerusalem, te Genuai Bidi te Tigidali Bomo Elalubo Bidigo bulu du da, te augwaligo nogi eyu Te Genuai Bidigo Tedali Gasagi Yai Bulu da waibao. Te gasa hani we bidi augwaligo te eno we bidi dabe sulama, te augwaligo tama po waibao, ‘Suao, te Jerusalem augwaligo Genuai Bidi wali mu pabo dao,’ te tama po waibao.

Godigo Nogi Ugwaba Sabo Tęąbi Po Wabo Buku Dabe 71:7

Te we bidi hauwago ena sulama, tama eno ebo sę dabede te augwali homu hauwa dogia pai. Tiali goli, te eno bomogo me ebeo. Menio. Nago naga te ena tonalubo bomo mu ebo dao.

Sekaraia 3:8

Polalubo pris Josua, odao, me dage meba pris dabe me dagego me odao, dage te nosali pedalabo wiegi yai nai te magi tiwai me dage dao. Odao. Eno ena sę bidi odasa asaibao. Agai nogi da e dao, Ni Abu.

Aisaia 53:10

Tiali goli, Genuai Bidigo digi aga sę bidi aiyaba elaluama, tama agai te dene selama, tolomainu yali, magi baso meni, te sę bidigo digi aga bidibo ula mayu, te we bidi dabego sęgę sela sąbo ofa tiwai ebaso da, teda aga bidibo sogo te bobobage mu igi pelama, te aga bulai wąį nǫų wai dabe sueibao. Te aga yali sęde, te sę bidigo te Genuai Bidigo homugo yao homu ebo sę ebaso, te agai te sę bugagia pedalumainu ebo dao.

Godigo Nogi Ugwaba Sabo Tęąbi Po Wabo Buku Dabe 22:30

Te nosali pedalubo we bidi hani, augwaligo te agai sę yaibao. Te bidi dabego te nosali pedalubo haniba te Godide po hania pusaibao.

Godigo Nogi Ugwaba Sabo Tęąbi Po Wabo Buku Dabe 9:11

Genuai Bidi God te Saion hanude king bidibao. Dagego te aga nogi ugwaba siyu, te tęąbi waiyąo. Tama dagego te tigidali Israel hani isąwai bidiba po hanilama weyu, te agai yali tigidali bomai sę po waiyąo.

Hibru 12:22

Tiali goli dage, dage te tiwai naiba me asobeo. Menio. Dage te Saion bulu duba asai dao, tama te bidibo ula mabo God bidibo moni hanu te dao. Te bulu da te dagalude elalubo Jerusalem hanu dao. Te moni umabo ensel mobo bidi dabe augwali sisinama te wiegi yai homu pemene ebo madi, teba dage asai dao.

Aisaia 24:23

Tama te giliga ula de polua ula si, te olo nai tiwai yaibao. Magi baso meni. Tigidali Bomo Elalubo Genuai Bidi aga bomo dali, me aga bomai ula dali, asaibao. Tama aga te bulu du Saionde we bidi tonaluaibao. Tama te we bidi dabe augwa genuai bidi dabego aga suaibao.

Aisaia 12:6

Israel dabego God aga te Wiegi Yai Doloba Pai Kolesaga Naga Ebo God dao. Aga genuai nogi elalubo. Tama aga dage Saion we bidi dabe dali bidibao. Tama tibaso, dage wiegi yai homu iyąo. Tama i bomona weyu, agaba balia po wao.” Te aga hani we bidi ma sisinibo sogo dagego te balia po waibao.

Aisaia 7:16

“Ahas, megi da, nago te tuni bidi side nage wi ebo dao. Tiali goli, augwali sigo bulu dolama, tama augwaligo tǫ olo elaluaibao. Tama te nai sę da, te ogwa wai bǫųgo mena kolesaga dwai yaliwe, ma mena kolesaga wiegi yai yali homu konesiąbadi, te sę yaibao.

Aisaia 14:32

Te dago mena po wei ponaibawe, te Filistia dabe augwaligo dago augwali tau somainu hanaluagasobaso? Te dago augwaligo po wei e tama ponaibao, “Te hanu Saion te dago Genuai Bidigo digi duala sabo bulu tiwai nigilai dao. Tama aga we bidigo genuai sęgę elaluyu, me sęgę yai sę eyu ebaso da, augwali teba pelama, tama augwali bugagia bidaibao,” wali.

Tuni Bidi Dabego Po Elalubo Buku Deli 23:25

Devitgo te tama po wali, “God, Israelgo Genuai Bidigo, te agai we bidi augwaliba bugagia bidabo bodolu mawai, tama aga da te Jerusalemde sesemane sogo bidaibao.

Hibru 10:33

Me sogo augwaligo dage te tigidali we bidi gedude dodolama, tama augwaligo dwai posobo po dagebolo wali, tama augwaligo gedude dagebolo dene mawai. Tama me sogo dage te sabo sęgę tiwai sabo we bidi dali dage kisa selama, tama dagego augwali tau sai dao.

Aisaia 7:3

Tama Genuai Bidigo Aisaiabolo te po walali, “Naga ogwa Searjasup oda selama, tuni bidi Ahas sugi pao. Dage te wę sabo wę gamia Jerusalem ugwa badu piąo. Tama dage sigo te tuni bidi te name ugwa wę telabo pesageba pabo genuai sunumide te tuni bidi tiąba pao.

Esekiel 14:8

“Te eno agade boi bidi elama, te eno hani we bidide aga ela gudulaibao. Tama dage Israelgo eno te sę agaba ebo sulama, tama dagego te po waibao, ‘Genuai Bidigo te tiwai sę aga tudiba mubo bidi daba yalio.’ Eno te tiwai sę ebo si da, teda dagego te tiwai bugagia koneaibao, ena digi ena Genuai Bidi da po waibao” wali.

Aisaia 8:3

Nosali ena ena we dali piali. Tama aga haliga elama, ogwa ame nani. Tama Genuai Bidi enabolo te po wali, “Nago te nogi agabolo mao, ‘Polo wi sa, polo sela pa’.

Tigidali Nai Gagalama Nigali Side 33:5

Tama Isogo tonono bilama, suali, te we dabe me, wai puluba dali sulama, tama agai Jekopbolo hanalu wali, “Te e mena we wai nage dali bidibawe?” Jekopgo po wei ponoyu, te po wai, “Godigo wiegi yai kolesaga nago sę bidi enabolo elama, tama agai te wai dabe enabolo mawai dao.”

Bomai Po 28:46

Te dwai sę dabe tigidali elalubadi, dagego wai nosali pedalobo bagede me te sę dabe me ela pidu geaibao. Tama gasa we bidi hanigo dagede ebo sę sulama, tama augwaligo Godigo dage dali sębę ebo sueibao.

Aisaia 20:3

Tama te Asiria dabego te hanu Asdot polo sabo sogo da, Genuai Bidigo te po wali, “Te kibu be sela tama, Aisaia eno sę bidi aga ugwa me sągą nadoba gudisąma olo bilai dao. Teda te dwai sę te Isip dali Sudan side pedalabo sę dąį tiwai aga bidali dao.

Jeremaia 44:29

“‘Ena Genuai Bidi, eno po dolo obao, te eno dagebolo te nai me delide te tiwai ola mawaibao, te eno dene mabo sę dage te bulude bidibo sogo yaibao. Te sę ebo dagego suyu da, teda duga koneaibao, eno me geda mugobeo. Menio. Te eno po wali gilama, eno te dene mabo sę dageba yaibao.

Esekiel 4:3

“Nigila silama da, teda te aingo nigai nai ulubo pou me deli selama, te nage dali te brik dali tomode ugaba dodolama, te obo dodolao. Tama nago te taunba tonaluao. Te Israel we bidi augwaligo nago te tebo sę sulama, te augwaligo konemainao, nosali te ami bidi dabe asama, te Jerusalem aiyaba elalueibao,” wali.

Godigo Nogi Ugwaba Sabo Tęąbi Po Wabo Buku Dabe 9:12

Magi baso meni, Godigo te dene tolobo bidi homugo konebo da. Tama agai te augwaligo gela wabo te homugo me gegeda palugobeo. Agai te augwaliba dwai dene mabo bidi dabeba te dwai dene wei ponobo dao.

Dwagi Yai Gesi Po Lukgo Asęani 2:18

Tigidali we bidigo te sipsip tonalubo bidi dabego wali pode noma mu salio.