Aisaia 8:14 - Godigo dwagi yai po buku14-15 Ena te we bidigo geme duala sabo bomai pesage dao. Tiali goli, ena te Israel de Juda sigo we bidigo sunumide masigi tiwai bidibao. Tama augwali te masigide sągą dani tuą palama, tama tulaluama, tama augwali dolaibao. Tama te Jerusalem we bidide da, te ena te kę tiwai, augwali tola sabo bidibao. Tama augwali hauwa te kęde tola saibao,” wali. Gade chapit la |
Tiali goli, God, Genuai Bidigo te po wali, “Odao. Eno te be page dąų walabo masigi dila pai deli me polo dąį ilai dao. Te aga te dwagi yai boma pai mu dao. Tama eno te masigi te bulu du Saionde muaibao. Te bidi dabego agaba homu dąų wabo bidi dabe da, teda augwali wi elama, didibili me egobeo.
Simeongo Godigo bugai homu Jisas dali aga aya de ida si augwalibolo me ilao wali. Agai Jisas aga ida Mariabolo te po wali, “Odiąo. E waigo pode Israel we bidi hauwa augwaligo God taga paibao. Tama hauwa bage me augwali God pąba asaibao. Te aga dąį tiwai me deli nigalueibao, tama bidi hauwago agabolo dwai po waibao.
tialima, nago augwaliba te tiwai po walao,” walio, “‘Ena Genuai Bidigo, ena digi eno te dagego abagi dabe te gasa tǫ kantriba besela palali. Mu tama, te pęwadage sogo augwali kalabuside bidali, te enaba dolo augwaligo lotu wabo be meni yai. Tialima, ena digi ena augwali dali bidali, tialima augwaligo enaba lotu udubo usu igi dao,’ nago te po augwalibolo pusao,” wali.
Nage te nai meni yai bidi dabe duala sabo bulu tiwai nage bidai dao. Tama augwali sęgę ebo sogo augwali bugagia bidai dao. Te dwai bidi dabego homu sębę te bomai waligo te be daga tigiba hudula palobo tiwai dao, me te sesana pai giliga te kemi tǫ wa pai bulude nanebo tiwai dao. Tiali goli, te tulubage sogo, me wali ebo sogo, nago augwali mesegelama, tonaluai dao. Te nai meni yai bage nago tonaluai dao. Tama bomai giligago augwali ulumainu sula tagalai menio. Genuai Bidi, nago te boi bidi dabego pedauwali paninama, tama te dwai bidi dabego i hae wabo tama sia sabo dao. Te pǫgo te sesana pai giliga dualobo tiwai ebo dao. Tama te bulu kedaua pabo dao.
Te sęgę dabego da te gedu widai tiwai biliyu bidibao, te da pabo sunumi gege gege bilibo dao. Te genuai giliga nanalubode digi, da te be hulia saide bilibo bidi dabe tiwai bilalubo, te dago sągą dani te masigiba tųą palobaso, da tula mubo dao. Dago homugo te da bugagia bidaiba homu yali, tiali goli menio. Da te isai bidi bidibo tiwai yai dao.
“Te eno magi usu sabo sę me deli te wiegi yai bidiba pedalumai hagede sula tagalabaso, tama agai te doloba pai kolesaga tagalama, te dwai kolesaga ebaso da, teda te tebo sogo nago te bidibolo te dwai kolesaga ebo tagala po walao. Te nago agaba wasiąbaso da, teda aga dolama isaibao. Eno agai polobadu te yali wiegi yai kolesagade homu kone me palogobeo. Menio. Te eno agai megi te ebo dwai kolesaga sulama, te eno aga dolomainu sula tagalobaso, te aga dolama isaibao. Tialima, eno gedude te aga isabo page te nagede elalubaso aga isali dao.