Aisaia 8:11 - Godigo dwagi yai po buku

¹¹ Eno Genuai Bidigo bomo enaba asobo gagama yali. Tama agai enabolo te po wali, “Nago te we bidi dabego homu dali deli igio. Tama nago augwaligo ebo kolesaga wali pigio,” wali.

Aisaia 8:11 Referans Kwoze

Esekiel 3:14

Tama Godigo Mobo Noma Bidigo ena ugaba sagoa selama, te ena tolasa palio. Te Godigo genuai bomo enaba pedelama, te ena dwai dene ebaso, ena sębę eyu palio.

Godigo Sęba Tagala Palai Bidigo Po 4:20

Dadi sigo gedugo suali sę me, odali po me, te dago tagalogobeo,” te po wai.

Jeremaia 20:9

Te ena digi eno te nageba homu kone me egobe weyu, tama eno nago nogide po me pusugobe obaso da, teda eno koneani, te nago po te genuai isi tiwai eno haligade elalu, te eno dili dogwai tomode te isi bogoli edubo tiwai ebao. Eno nago po paliabo sę ebadi goli, tiali te eno usu meni ebo dao.

Jeremaia 20:7

Genuai Bidio, nago ena homu bega siyu, te nago sę emainogo yali, tama eno nago te homu bega sabo po odali. Nago bomo mu ebaso, te eno nago po aiyaba elaluabo usu meni yai. Tama megi da, te tigidali we bidigo enabolo posobo po weyu, te augwaligo ena sesemane sogo gisugu mabo dao.

Jeremaia 15:19

Tialima, Genuai Bidigo enabolo po wei ponoyu te tiwai wali, “Te nage haliga begelama, enaba ma begasa asobaso da, teda nage eno ma selama, te nago eno sę ma yagameo. Te nago dwai po pusubo tagalama, te nago wiegi yai po naga pusubaso da, teda nage eno pedauwalide po sabo bidi bidagameo. Tama te we bidi dabe nage wali pomainogo yaibao, tialima nage augwali wali me pelamu dao.

Bugagia Bidibo Kolesagade Po Asęai Buku 1:15

Ogwa, te dwai bidi dabego te tobage po nageba obaso da, teda nago te augwaligo me odolama, te augwali wali me pelamuo.

Godigo Nogi Ugwaba Sabo Tęąbi Po Wabo Buku Dabe 32:8

Genuai Bidigo te tama po wai, “Eno nage bugagia ola mayu, tama nage bilabo madi te sunumi nageba ola mawaibao. Te nago konemainu te nage eno ola mawaibao.

Te Israel me Juda Hani Sigo Tuni Bidigo Po Elalubo Buku Deli 18:46

Tama Genuai Bidigo bomo Elaijaba pedelai. Te Elaija aga name ugwa bugagia dąų olama, te Ahapgo karis pabodu aga polasa uda yali. Aga te tiwai udada pidubadi, augwali si te Jesrilba sabolali.

Aisaia 30:1

Genuai Bidigo te po wali, “Te Juda hani, te da augwali eno wai bǫų hani dabe, augwali dolaibao. Magi baso meni. Augwali bidi po odisiąwai hani mu dao. Augwaligo eno homu kolesaga wali me pabeo. Menio. Augwaligo augwa homu kolesaga wali naga peyu, augwaligo gasa bulu bidi dabe dali abagi me olama, bidibao. Tama tiyu, augwaligo dwai sęgę hauwa augwa hasi tigide pesage holalio.