Aisaia 8:10 - Godigo dwagi yai po buku

¹⁰ Duga homugo mena sę yabo homu yali po duga maiąo. Tiali goli, dagego te sę ebo usu egobeo. Dagego te po da, aga nai meni yaibao. Magi baso meni. God da dali bidibao.

Aisaia 8:10 Referans Kwoze

Te We Bidi Dabego Jerusalem Hagede Gela Wali 3:37

Te Genuai Bidigo usu da hasia wasiąyu da, teda bidigo magi sę pedalumainu ebo usugobeo.

Polgo Po Pas Rom Dabeba Asęani 8:31

Te Godigo te da tau sabo sę hauwa po odobaso, tama dago magi po Godigo te ebo sę dabede waibawe? E tama naga dao, te Godigo da tau sobaso, teda dego da dali boi bidi elama tama da aiyaba elalugowe? Woo, bidi mu menio.

Jopgo Po Asęani Elalubo Buku 5:12

“Agai te tibo po walama, dwai kolesaga ebo bidi agai tobolu dolobo dao, tama tiyu, te bidi dabe augwaligo yagą wali haniani sę ebo meni.

Bugagia Bidibo Kolesagade Po Asęai Buku 21:30

Te nago wiegi yai homu elalubo, me te wiegi yai kolesaga koneani me, te nago mena sę ebo kolesaga wiegi yai koneani elalubo, te tagalao, tego nage dwasianu tau sainu ebo usu me egobeo, te nago Genuai Bidiba boi bidi ebaso da, te tama tiaibao.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

2 Samuel 15:31

Tama augwali pelabadi, te sogo Devitgo te tama po odali, “Ahitofel pelama, te Apsalom aga hani dali tau sigi pai da,” po walio. Tialima, Devitgo te tama gedu haluasa po wali, “Genuai Bidio, nago te Ahitofelgo wabo po te tedali gasagi yai omainu ilama, te mu geda mumainu ilao,” wali.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Godigo Nogi Ugwaba Sabo Tęąbi Po Wabo Buku Dabe 46:7

Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

Tuni Bidi Dabego Po Elalubo Buku Si 13:12

Tama megi da, dagego bugagia odao. God aga da te dago polalubo bidi dao. Tama agai pris bidi dabe da dali megi ede bidiyu, dage dali hwįainu biugel bu wabo e kegalubao. Dage Israel dabe, dago Genuai Bidi dago wąį dabego God dali hwįbo tagalao. Dagego munu me ugwa ela hologobeo. Mu menio,” te Juda dabego king Abiyago tama po wali.

Bomai Po 20:1

Tama Mosesgo po wadolama weyu, te po wali, “Te dage te boi hwįgi pabo sogo, te dagego duga boi bidigo te karis me hos kibu elalubo suyu, me augwa ami bidi nambago dage edelai baso da, tagalao, dage wi me elamuo, augwalide. Magi baso menio. Genuai Bidi, dago God, agai dage Isip bulude selama, tama dage odasa asai dao. Aga digi dage dali bidaibao.

2 Samuel 17:23

Ahitofelgo te Apsalomgo agai po wali pabo susiąbaso da, tama aga donkiba duagi pelama, tama aga hanuba digi ma geasa pai. Tama aga pelama, te aga we waigo tigidali doado bage me, te aga bisnis me, te tigidali dodolama, tama nosali aga digi te aga ba bonoba walama, tama isalio. Tama aga hani sibi dabego te aga tigi selama, tama aga ayago gų pageba pubaligi palio.

Josua 1:5

Te bidi me deligo te dage aiyaba elalumainu elama, te nage isimainu ebo, te usu me egobeo. Te ena nage dali bidiyu, te ena Moses dali bidali tiwai gilama yaibao. Eno homugo nage me gegeda palogobeo, eno nage munu me taga pogobeo.

Godigo Nogi Ugwaba Sabo Tęąbi Po Wabo Buku Dabe 46:1

God aga te da seselalubo bidi da, tama agai sesemane sogo da bomo mabo dao. Aga te pąde bidiyu, te dago genuai sęgę sabo sogo tau sainu sisi elalubo dao.

Polgo Po Pas Rom Dabeba Asęani 8:13

Te dagego tigigo dwai sę ilibo homu kolesagade me bidibaso da, teda dage isabuo. Tiali goli, te Tedali Mobo Bidigo bomogo te dagego tigide dwai kolesaga dabe ebo te ela mubaso da, teda dage bidada peyu, bidada paibao.

1 Jon 4:4

Dage eno wai dabe o, dage Godigo we bidi hani, tama dagego te tibo po ola mabo bidi aiyaba elaluai dao. Magi baso meni. Te Mobo dage tomode bidibo Mobo Bidi agai bomogo te tǫde bidi dali tomode bidibo mobogo bomo aiyaba elalubo dao.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Matyu 1:23

“Odao, wegi me deli te bidi dali me pisąwai, te wegi aga haliga elama, te wai ogwa ame naibao. Tama augwaligo te wai nogi Emanuel nogi yaibao,” te po wai. Tama te nogi page e tiwai dao, God aga da dali bidibao.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

2 Samuel 17:4

Apsalom dali, te Israel dabego tonalubo bidi dabe daligo te po odama, tama augwa homugo te wiegi yai homu mu da homu yali.

Tigidali Nai Gagalama Nigali Side 21:22

Te sogo Abimelek te aga ami bidi tonalubo polalubo bidi Fikol dali, augwali si te Abraham bidibo madi pelama, tama po wai, “Te tigidali sę nago ebode te God nage dali bidibo dao.

Aisaia 28:18

Tama eno dagego te isibo kolesaga dali, me te isibo bidi dabego bulu dali, dagego dąų olama yali po eno tomode togolama, mu silaibao. Tama te dwai kolesaga mu dagede pedalama, tama dage mu isila paibao.

Aisaia 43:5

Ena dage dali bidibao, dage wi me igio. Dage hani dabe te giliga pedalubo badu, me giliga dega sabo badu bidibo, te augwali eno ma odasa asaibao.

Jeremaia 42:11

Dage te Babilon kingde wi ebao, tialima, ena Genuai Bidi, eno po dolo obao, dagego agade wi ma elamu dao, magi baso meni, ena dage dali bidibao. Te eno dage tau selama, te dage agai nogode ma saibao.

Jeremaia 46:28

Dage Israel, dage eno hani, dage eno sę bidi, me sę ebo we dabe, dage wi me igimio, magi baso meni, ena Genuai Bidi, ena dage dali bidibao. Eno dage sela sąnama, te augwali dali dage bidigi pali hani dabe te eno augwali mu silimainogo yaibao. Dagego te dwai sę yali dao. Tama eno dage dodolobo sę igi menigi da, te dolo meni da. Tama tibaso, eno dage e tǫde sela sąwaibao. Tiali goli, dage da, eno me siligobeo. Mu tama, eno dwai dene dagebolo mawai, tialima, te eno doloba pai kolesaga wali peyu, te eno dage dodolobo sę yai dao,” te po wali.

Joel 3:9

Godigo Joelbolo weyu, te po te tigidali hani we bidiba wao po wali. “Dage te boi hwįabo sisi elaluao. Te tigidali ami sisinagasomainu i olama, te hwįgi pao,” walio.

Israel Hanigo Namba 14:9

Dagego te Genuai Bidi dali dwai homu elama, agai po sela sąyu elama, tobolu gagea pigimio, tama dage te ude bidibo we bidi dali wi igimio. Magi baso meni. Augwali te dago bulu hasa tiwai dao. Dago augwali aiyaba elalubo bomai sę me egobeo. Magi baso meni. Genuai Bidi da dali bidiyu, agai augwaligo augwa tonalubo tibo god dabe polo dolalio. Tialima, augwalide wi igimio,” te bidi sigo te po wai.

Te Israel me Juda Hani Sigo Tuni Bidigo Po Elalubo Buku Si 6:12

Tama aga sę ebo gavman ofisa bidi me deligo te po wei ponoyu, e tama wali, “King, da hani bidi me deligo te Israel king bidi tau me sai menio, mu menio. Tialima, Elisa deli digi dao, te Israel bage augwaligo profet bidi. Te profet bidi agai te tigidali nai dabe, dago homugo yaibao wabo sę dabe me, agai koneama, te aga Israel king bidibolo ola mabo dao. Elisago nago te tigidali po wabo te agai konea palio, naga te pibo be habude bidiyu wabo po me, me nage te geme wabo po me, te Elisago konea palio,” wali.

Godigo Nogi Ugwaba Sabo Tęąbi Po Wabo Buku Dabe 21:12

Magi baso meni, te agai ene te augwaliba eneyu, wi ilibaso te augwali wi paibao.

Godigo Nogi Ugwaba Sabo Tęąbi Po Wabo Buku Dabe 46:8

Ae, tegobao! Dagego te Genuai Bidigo yali sę suagasao. Te dagego haliga te agai te tǫde gasa tobage bomai sę hauwa ebaso, midigi saibao.

Aisaia 14:27

Magi baso meni. Tigidali Bomo Elalubo Genuai Bidigo te tama sę yabo homu kolesaga polo yali. Tama dego aga paliaibawe? Agai nogo dolalubao. Tama mego agai nogo aiyaba mubo usu egobeo.

Hagai 1:13

Tama tialima, te bidi Hagai agai te we bidi dabebolo e tama po augwalibolo ola mani, “Godigo te po wai, ‘Ena Genuai Bidi, tama tigidali sogo ena dage dali bidada paibao,’ wali.” Hagaigo te po wai.