Aisaia 8:1 - Godigo dwagi yai po buku

¹ Genuai Bidigo enabolo walali, “Te po tede asęabo genuai nai me sao, tama ugwadu nago te po asęao, ‘Polo wi sa, polo sela pa.’ Nago bugagia asęao, tama te bidi dabego bugagia nedebo usu yaibao.

Aisaia 8:1 Referans Kwoze

Aisaia 30:8

Genuai Bidigo enabolo te we bidigo ebo kolesaga po te bukude asęao wali, me te po me te masigi togalama, asęao wali. Te da te po te tigidali sogo mu elaluama, tama te we bidigo sulama, tama augwali te po sela sąbo we bidi yabo omainu.

Aisaia 8:3

Nosali ena ena we dali piali. Tama aga haliga elama, ogwa ame nani. Tama Genuai Bidi enabolo te po wali, “Nago te nogi agabolo mao, ‘Polo wi sa, polo sela pa’.

Kraisgo Geme Dualali Sę Pedelabo Po Jonbolo Ola Mani 21:17

Agai te hanu obo ugwaba bobage me usu sai, tama te obo usu sali aga bobobage te namba ugwaba mu holai te namba te 64 mita, te genuai mu. Te usu sabo nai te da bidi dabego usu sabo ni tiwai yai, tama te ensel bidigo te naigo naga te obo usu sai.

Kraisgo Geme Dualali Sę Pedelabo Po Jonbolo Ola Mani 13:18

Dago homude te po pagede bugagia kone palao. Te nogode me, gebode me asęani dąį, te bidigo nogi meni, te nedebo namba naga asęani. Tama te namba da te 666 dao. Tama te namba 666 po digi po begelama tama bidigo nogi pedalaibao, te namba tomode te bidigo nogi gea pelama elalubo. Tama tibaso, dagego tede hania homugo kone palao.

Jeremaia 36:32

Tialima, Jeremaiago gesi buku selama, te kuskus Barukbolo mawai. Tama Jeremaiago te king Jehoiakimgo isiba ulali bukude elaluali po tigidali ma pusai. Tama me agai te gasa po te po tobage tiwai naga pusali. Tama Barukgo te tigidali po te gesi bukude asęai dao.

Jeremaia 36:28

“Gasa buku me selama, te king Jehoiakimgo isiba ulali bukude asęani po tobage tiwai naga ma asęao,” wali.

Jeremaia 36:2

“Te buku me deli selama, te eno nagebolo mabo po tigidali asęao, te sę dabe te Israel, me Juda, me gasa bulu tǫ kantri dabeba pedelaibao. Nago te po tigidali asęao, te hasia sogode mu gagalama, te eno nagebolo mawai, te king Josaiade gagalasa, te megi e sogoba usu nagasobao.

Aisaia 8:16

Te ena skul ogomani gesabidide eno te Genuai Bidigo enabolo mani po mesegelama, haluali. Tama eno asęnama, tama eno dąį tede ilali.

Jeremaia 30:2

“Ena Genuai Bidi, ena Israelgo God, eno te po obao, nago te buku me deli selama, te eno nagebolo mani po tigidali asęao.