Aisaia 7:23 - Godigo dwagi yai po buku

^23-24 Te sogo da, dagego gi dabe dola silaibao. Megi te dagego dwagi yai wain ni gi deli delide te 1,000 wain ni bono elalubo, tama te ni dude dagego masigi 1,000 kina te sabao. Tiali goli, te dwai sesane ni me, sesane bono si holama, te ni mesegelaibao, te dwagi yai gi dabe, tama bidi dabe olo bilibo wi yaibao. Ma, bidi dabe augwali teba poloba painu da, teda augwaligo enesigi me selama, hasa kegegi paibao.

Aisaia 7:23 Referans Kwoze

Aisaia 5:6

Te eno te tǫ dolama, tama busi holama, nosai holiyu, tama te sesane ni dabe holama, te gi halua somainu yaibao. Tama eno te wain ni ma tonalubo sę ma egobeo. Te me eno te gi tǫba tulubage me tulamo olama, habu selaibao,” eno abagigo te po wali.

Matyu 21:33

“Dagego te gasa po digi po begelama wali po me odao. Bidi me deligo genuai tǫ elalubo bidigo agai te bono du wain gi bulama, tama obo bagulali. Tama te gi tomode agai te wain bono du agayabo te tank nai nigilali, tama te gi tonalubo bidigo bobobage be me me deli sę yani. Tama agai te gi te sę yabo bidi meba augwaligo nogoba muani, te augwaligo te gi tonalubo sę eyu, te gi nai meba naga somainogo yai. Tama te gi page bidi aga digi digibulu bulu me deli teba pai.

Hibru 6:8

Tiali goli, agai te haniani sesani yai bono naga walobaso da, teda te tǫ te olo dwai tǫ dao. Te pąde Godigo gedude dolaibao. Nosali da siago aga daibao.

Jeremaia 4:26

Eno suai, te tigidali tǫ pedai te tǫ ili elaluali, tiali goli megi da, te olo masigi kemi tǫ naga elaluali. Te tǫde tigidali elaluali taun, augwali te dolai yalio. Genuai Bidigo haliga sębę umabo mu eyu, te sę dabe pedalumainogo ilali.

Aisaia 5:10

Tagala, augwaligo wain gi hauwa bulu badi goli, me wain du dabe hauwa me walogobeo. Tama augwaligo dwasianu wain ąį naga nigaibao. Tagala me, augwaligo nogo si begi te wit ge augwaligo te gide bulai. Tama te wit ininama, augwaligo togolama, te begi deli digi bueibao,” Genuai Bidigo te po wabo eno odali.

Aisaia 32:10

Te usu, megi dage homu tegaluama bidiagameo. Tiali goli, dage tonaluiąo. Te 13 o 14 polua bolo pomainao. Teda dage wi elama, noma saibao. Magi baso meni. Dagego te wain gi dabe te du me walogobeo.

Esekiel 12:20

Tama augwaligo te taun dabe mu dolama, te tǫ kantri olo pesage tiwai pedelaibao. Te tebo sogo te Israel dabego te tiwai koneama, ena digi ena Genuai Bidi da, augwa te po waibao,” wali.

Hosea 2:12

Te eno te wain ni dabe, me te ni fik kaya ni dabe te bidi dabego aga wei elama, aga mani, te aga mone mabo tiwai yai, te nai dabe eno mu dolaibao. Tama te uni hasa dabego te wain gi dolagaselama, tama te ni kaya fik gi me dolama, te olo bus tiwai pedelaibao,” wali.

Hosea 9:6

Nosali te genuai sęgę yai sę, te dage dolabo sę te pedalubaso da, teda dage wi tedela paibao. Tama te Isip dabego dage suyu da, te dage selasa peyu, te Isipba kalabus iligi paibao. Tama tede dage bidaludubadi, te dage isibo siba usu nama, te augwaligo dage te Mempisde pubulaibao, te augwa genuai taun dao. Dage te duga pesage buluba ma asogobeo. Menio. Tama te duga be dabe, me mone silva, me te wiegi yai doado bage te olo bulu tomode elalubadi, te genuai bus holama, te tigidali mesegelaibao.

Tigidali Nai Gagalama Nigali Side 3:18

Tama te sesane yai ni me te dwai nosa dabe te tǫde pedelaibao. Tama nago te naga gide nai selama, tueibao.