Aisaia 7:18 - Godigo dwagi yai po buku

¹⁸ Tama te sogo Genuai Bidigo Isip dabeba ho obaso, augwali augwa bulu tagalama, tama augwali te dinai sibi asobo ąǫ yaibao. Tama agai te Asiria haniba ho wabo si, tama augwali te mano sibi isidigi asobo tiwai asaibao.

Aisaia 7:18 Referans Kwoze

Aisaia 5:26

Genuai Bidigo te digibulu ami bidi dabe aga we bidi dolagasomainu i wabo sa muaibao. Awe, te digibulu mu bidibo bage asomainu eyu, agai ho bomonama waibao. Tama te ami bidi dabe bomona togwa asaibao.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Josua 24:12

Ena dage asobadi polasa peyu, tama eno digi te boi bidi dabe wi ilama, tama augwali sela sąwai dao, tama te tialigo te Amor tuni bidi si wi pomainu ilali. Tiali goli, duga digi te poai hwą ge bainatgo, me te sesemonego te augwali si gudulu baso wi me pabeo.

Bomai Po 7:20

Tiali goli, augwali hani meba wi pelama, duala sigi pali da, teda Godigo te bidi tigide gąǫ kelebo te bunu dabe tagala palama, augwali dolomainu yaibao,” wali.

Bomai Po 1:44

Tialima, te Amor dabe augwali dagego te bulu dude te bidi gąǫ kelebo te nenemo tiwai bidibo dagego suali. Augwaligo dage pobeasa, te Horma buluba saboligi pali. Te Idom bulugo bulu du tomoba pali. Tama augwaligo dage sese tama mu dolali.

Aisaia 13:5

Augwali te digibulu bulu dabe te asalio, tama augwali te Genuai Bidigo enesigi de ene si tiwai dao. Genuai Bidi aga sębę mu elama, tama augwali sabolama, te tǫde bulu dabe sese dolama, silimainu yaibao.

Aisaia 7:17

Tama Genuai Bidigo dwai sogo taga palama, tama nage me, naga we bidi me, naga ayago togali seseba taga palaibao. Te sęgęgo da, te polobadu yali te sęgę mu edelama, mu yaibao, te Israel dabego Juda tagalama, taga palidu gagalasa, megiba usu nagasali. Te sęgę e dao, Genuai Bidigo Asiria tuni bidi Juda buluba sela asaibao,” Aisaiago te po wali.

Godigo Nogi Ugwaba Sabo Tęąbi Po Wabo Buku Dabe 118:12

Augwaligo ena te bulude elalua pabo hauwa nai tiwai bagua sali. Tiali goli, augwali te kala sia polo sula sabo tiwai eyu, isalio. Te Genuai Bidigo bomode eno augwali ela silalio.

Ma Dobola Sali 8:24

Tuni bidigo homu kolesaga hasegelebe, tama Genuai Bidi agai tama tiai, te agai po obadi, tama te genuai bolia hani hauwa te tuni bidigo genuai be tomoba asali, tama aga sę bidi dabego beba me asiyu, te Isip we bidi tigidaligo beba pai. Tama te boliago te Isip hani tigidali dolai.

Ma Dobola Sali 8:21

Nago augwali tagala palisiąyu da, teda eno te bolia hauwa nageba tagala paliyu, te nago sę bidi dabebolo, me te nago we bidiba me, te bolia tagala palaibao. Tama dagego be me, te dage bidibo tǫ me, te boliago pągąna saibao.

Bomai Po 28:49

Te tama tilama, Godigo bidi hani me deli digibulu mu bulu badu me odasa asaibao, te dagego augwaligo po odisąma yai bidi hani me deli. Augwali dageba te kemodage me hasa ela tuainogo polo asobo tiwai yaibao.

Sekaraia 10:8

“Te eno ena we bidi dabe augwali tigidali i ola bilama, te augwali sisinaibao. Te eno augwali ma dobola selama, te augwali polobadu bidali tiwai gilama hauwa mu pedelaibao.

Godigo Nogi Ugwaba Sabo Tęąbi Po Wabo Buku Dabe 105:31

Godigo po olama, tama bolia me, dina me, hauwa pedelama, tigidali tǫ, me bulu dabe tigidali mu pągąna sai.