Aisaia 7:14 - Godigo dwagi yai po buku

¹⁴ Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Aisaia 7:14 Referans Kwoze

Matyu 1:23

“Odao, wegi me deli te bidi dali me pisąwai, te wegi aga haliga elama, te wai ogwa ame naibao. Tama augwaligo te wai nogi Emanuel nogi yaibao,” te po wai. Tama te nogi page e tiwai dao, God aga da dali bidibao.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Dwagi Yai Gesi Po Lukgo Asęani 1:31

Edao! Nage haliga yaibao. Nage haliga elama, ogwa tega paibao. Te ogwa nogi nago Jisas poao. Aga genuai bidi bidaibao.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Dwagi Yai Gesi Po Lukgo Asęani 1:35

Tama te ensel mobo bidigo po wei ponoyu, te po walio, “Te Godigo Mobo Bidi asama, tama agai bomogo nage mesegalueibao. Tama tibaso, nago tega pabo wai nogi Godigo nogi poaibao, ‘Dwai sę isąbo ogwa dao,’ waibao, ‘Te Godigo Ogwa dao,’ waibao.

2 Timoti 3:16

Awe, mu tama, te polobadu geme dualali po, te Godigo dabolo waselali konealuabo po page te genuai mu elalubo, tama bidigo te pode te po mu menio wabo te usu me egobeo. Te konealuabo po e dao: Aga te tigi elalubo bidi mu pedalali, tama hania hanilai. Tedali Mobo Bidigo we bidibolo ola mani, te bidi aga dolo mu yali. Te dagalude mobo bidi ensel dabego aga suai. Tama po pusubo bidi augwaligo agade po te tigidali we bidi hanibolo pusigi pali. Te tǫde bidi dabe augwaligo konealubo po agade dąų wai. Te Godigo aga dagaluba odasa holama, tama megi aga bomo dali, genuai nogi dali selama bidibo dao.

Tigidali Nai Gagalama Nigali Side 3:15

Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.

Aisaia 8:10

Duga homugo mena sę yabo homu yali po duga maiąo. Tiali goli, dagego te sę ebo usu egobeo. Dagego te po da, aga nai meni yaibao. Magi baso meni. God da dali bidibao.

Jeremaia 31:22

Dage te ena wegi wai tiwai, tiali goli, dagego ena tudiba muani. Mena sogo te dagego haliga si ebo tagalama, te enaba ma asaibawe? Ena Genuai Bidi, eno gesi noma kolesaga te tǫde yaibao. Te kolesaga e tama dao. Wego digi te bidi pageabi elama, te agaba hanalu, te aga godolo eba waibao,” wali.

Polgo Po Pas Rom Dabeba Asęani 9:5

Augwaligo wąį mu Abraham dali, Aisak dali, te Jekop dali, augwali polobadu bidiyu te genuai nogi sai bidi dabe hasia bidali, tama augwali te augwa bulai wai dabe naga bidai. Tama Krais aga e tǫba dulama tama da bidi tiwai tigi sali sogo, agai te Juda hanide naga te bidi mu pedalali. Aga te tigidali nai tobolu bidi bidibao. Aga te God dao, te aga nogi dago sesemane bidada pabo sogo ugwaba sinao. Mu dao.

1 Samuel 1:20

Tama te Hana haliga elama, tama nosali agai te wai ogwa ame nani. Tama agai te po wai, “Eno Genuai Bidiba hanalu, te wai ena mao obaso, mawai. Tama teyu, eno aga nogi Samuel poali.”

1 Samuel 4:21

Tiali goli, agai te tiwai po wali, “Te Godigo ula yai bomogo da Israel dabe tagalalio.” Tama isiyu, agai te wai nogi Ikabot poali. Agai homugo te boi bidi dabego te Dąų Wali Bomai Po Muani Halobage sali, me te aga wąį monu, me aga bidi isali, te homu kone palama, tama te tiwai po wai.

Tigidali Nai Gagalama Nigali Side 30:8

Tama Reselgo te po wai, “Eno te ena ama dali bomonama mu hwįanigo tama megi eno nogi ugwa sali.” Tama agai te wai nogi Naptali poai.

Tigidali Nai Gagalama Nigali Side 29:32

Nosali Lea haliga elama, tama ogwa me deli ame nani. Tama Leago te po wali, “Yawego te eno homu sęgę ebo sulama, tama megi da te eno bidigo ena godolo emainogo yaibao,” wali. Tialima, agai te wai nogi Ruben poai.

Tigidali Nai Gagalama Nigali Side 30:6

Tama Reselgo te po wai, “Godigo ena dagala sulama, tama agai eno gedu haluasa po wabo odama, tama agai ogwa wai me deli enabolo manio,” wali. Tialima, Reselgo te wai nogi Dan poai.

Tigidali Nai Gagalama Nigali Side 4:25

Te nosali Adam aga we dali ma piai. Tama wego ogwa ame nobaso, tama te po wai, “Te Godigo enabolo te gasa wai te Abel bidali hasegelama mani, te Keingo aga ela muani.” Tialima, agai te wai nogi Set poai.

Tigidali Nai Gagalama Nigali Side 16:11

Tama Mobo Bidi Enselgo po ma wali, “Te dwasianu sogo pąde tama nago te wai ogwa ame naibao. Tama nago aga nogi Ismael poao. Magi baso meni, nage sęgę elalubadi, tama Yawego nago gela wabo odai.

Dwagi Yai Gesi Po Lukgo Asęani 2:12

Dagego gegegi peyu da, te wai bǫų me ugwa nanamenu dabego mesega galama, tama bulmakaugo nai tubo halobage tomode pilai elalubo sueibao. Telalubo sulama, dagego te po mu daba homu yaibao,” te enselgo te po wai.

Aisaia 38:7

Tama ena Genuai Bidi eno nageba te dąį ilibo sę me deli menama, te nageba eno te yaibao po dąų wali sę te nageba ola mawaibao.

Jeremaia 23:6

Te aga king bidibo sogo, te Juda dabe me Israel dabede te sęgę mu meni yaibao. Te eno augwali ma selama, te augwali bugagia bidaibao. Tama augwa te king nogi te tiwai waibao, Genuai Bidi aga te dago doloba pai kolesaga ebo page bidi da, waibao,” te po wai dao.

Jeremaia 44:29

“‘Ena Genuai Bidi, eno po dolo obao, te eno dagebolo te nai me delide te tiwai ola mawaibao, te eno dene mabo sę dage te bulude bidibo sogo yaibao. Te sę ebo dagego suyu da, teda duga koneaibao, eno me geda mugobeo. Menio. Te eno po wali gilama, eno te dene mabo sę dageba yaibao.

Te Israel Tobolu Bidi Dabe 6:36

Tama Gideongo Godiba te po wai, “Nago po weyu, te nago ena bomo mobaso, te Israel dabe tau sagameo po wai.

Te Israel me Juda Hani Sigo Tuni Bidigo Po Elalubo Buku Deli 13:3

Tama te profet bidigo te po wai, te agai po ma wadolama weyu, te tama po wali, “Megi tama, eno nagebolo wabo pode, te Genuai Bidigo te sę me deli yabo po pusali. Te Genuai Bidigo wali po te dolo mu wayabo homu emainu, te koneama dagalamainu te ola mabo sę gedugo sumainu yabo po wali. Tama te ofa nai ula mabo alta sai auluama, tama te aga pagede munalubo sisi dabe gelaibao,” te po wai.

Godigo Nogi Ugwaba Sabo Tęąbi Po Wabo Buku Dabe 46:8

Ae, tegobao! Dagego te Genuai Bidigo yali sę suagasao. Te dagego haliga te agai te tǫde gasa tobage bomai sę hauwa ebaso, midigi saibao.

Maika 5:2

Genuai Bidigo te tiwai po wali, “Betlehem Efrata, te tigidali Juda taun tomode nage te dwasianu taun mu elalubao. Tiali goli, nagede te genuai tuni bidi me deli pedelama, tama agai te Israel hani tonaluabo bidi dao. Te polobadu mu aga hasia wąį monu nǫų me deli pedelali, tama aga hani bidi me bidibao,” te po wai.

Dwagi Yai Gesi Po Lukgo Asęani 20:44

Tama te po tomode Devit aga digi aga te Krais, te nosali asabo bidi, te bidide ‘Eno Genuai Bidi’ wali. Tama tibaso, Krais te Devitgo ogwa naga te menio, te agai genuai bidi mu dao,” Jisasgo te po wai.