Aisaia 7:13 - Godigo dwagi yai po buku

¹³ Teda Aisaiago po wei ponoyu, te po wali, “Dage tuni bidi Devitgo wąį dabe, dagego bugagia odao. Dagego ebo kolesagade da te bidi dabego dage hagela mu yali. Tama megi ma eno Godigo tonalubo kolesaga te dagego usu sogowe?

Aisaia 7:13 Referans Kwoze

Malakai 2:17

Dagego te haniani po hauwa obaso, tama Genuai Bidi te pode hagela yalio. Tiali goli, dagego te tiwai po hanalu wali, “Dago mena po obaso, te Genuai Bidigo dade hagela homu ebowe?” Dagego te tiwai po obao, “Genuai Bidigo homude te dwai sę ebo bidi te augwali wiegi yai bidi dabe da waibao, po meni, te agai augwali godolo eba homu yali.” Tama dagego e tiwai po weyu yali, “Augwa te po weyu, Godigo te doloba pai kolesaga ebo dao wali. Tiali goli, dago aga te dwai kolesaga ebo bagede te tama tebo subeo,” wali. Tama tibaso, agai dagego te wabo pode hagela homu mu ebo dao po walio.

Esekiel 34:18

Dage mebago wiegi yai nosai hauwa tulama, tama dagego tabi pągąna pabo dao. Tama dagego te meba elalubo nosai dabe subigila agalama, tagalobo dao. Tama me dagego wiegi yai ąį subaso da, dagego tuyu ebo dao, tama nosali dage te ąįde subigila bilama, tama te wę dunugu ilainu ebo dao.

Esekiel 16:47

Polobadu te wegi ama nami sigo dwai kolesaga mu yali, tama nago augwali sigo te kolesaga wali pali. Tiali goli, tego nago godolo ebo homuba usu nubeo. Menio. Te sesabi menisąbadi, te pąde sogo te nago kolesaga te dwai mu umagi elama, tama te wegi ama nami sigo yali dwai kolesaga aiyaba elaluai dao.”

Aisaia 63:10

Tialima, te augwaligo agaba hagoma eyu, te agai homu ogwa wai mobo te haliga sęgę mu ilali. Tama tibaso, aga digi augwaliba boi bidi elama, te augwaliba hwįani.

Aisaia 7:2

te Juda dabego tuni bidigo te e tama po odali, te Siria ami bidi dabe te Israel bagego tǫba polo asai dao wabo po odali. Tama tuni bidi aga we bidi hani dali augwali wi mu eyu, haliga midigi sali, te bomai waligo te ni silide elalubo ni yabe dabe memenege ilibo tiwai yali.

Hibru 3:10

Tama tibaso, te we bidi hani dali eno sębę mu elama, tama eno te homu yai, “Tigidali sogo augwali te enade homu kęą pisąwai we bidi bidai dao. Tigidali sogo augwaligo te eno kolesagadu me bilai menio.”

Amos 3:13

God, Genuai Bidi Tigidali Bomo Elalubo Bidigo, agai te tiwai po wai, “Dagego olo bugagia munama, te Jekopgo bulai wąį nǫų dabe augwaliba te po walao.

Esekiel 16:20

“Nago te wai dabe ame nani, tiali goli nosali nago te ena God Genuai Bidi eno te wai dabe selama, te nago augwali ela munama, te tibo god dabeba ofa yalio. Nago koneao, nago penani ebo kolesaga te wiegi yai me ebeo. Tialima, te kolesaga usu meni da, nago te homu elama,

Jeremaia 6:11

Tiali goli, Genuai Bidi, nago augwaliba dene mabo haliga sębę enade me pągąnalubao, tama eno homude te dene mabo haliga sębę te palia saiba homu ebaso, usu egobeo.” Tialima, Genuai Bidigo enabolo e tama po wai, “Eno te haliga sębę ebo eno te sunumi dabe bidalubo wai puluba dabeba gea paliyu, te gesi bidi dabe sisinaluboba me tiao. Te bidi dabe augwa we dabe dali, me te monu dabeba me, eno te haliga sębę gea palao,” wai dao.

Aisaia 25:1

O Genuai Bidi, nage eno God dao. Tama eno nago nogi ugwaba saio. Magi baso meni. Nago te bidigo isąwai bomai sę dabe mu ebo dao. Da tau sainogo, nago tigidali nai dabe mu usu nani, te polobadu digi nago yaibao po wali gilama.

Aisaia 1:24

Tama tibaso, Jerusalem, Godigo po dabe megi odao. Tigidali Bomo Elalubo Genuai Bidi te Israel dabego boma pai God dao. Agai te po wali, “Ena Genuai Bidi, eno te ena boi bidi dabebolo dwai dene wei ponaibao. Usu dao. Tama augwaligo enabolo sęgę ma magobeo.

Tuni Bidi Dabego Po Elalubo Buku Si 21:7

Tiali goli Genuai Bidigo Devitgo hani me dolobeo. Magi baso meni, Genuai Bidi agai polobadu Devit dali dąų wali te po koneama tiali, tama me ma agai te po me dąų wayu te Devitgo wąį hani bidi dabe naga king pedaliyu yaibao wali. Tama tiyu da, te po digi wabo tiwai te Devitgo lam sula sogobeo wali.

Israel Hanigo Namba 16:13

“Nago da wiegi yai bulu Isipdu odasa e nai meni yai buluba odasa aselama, da ela isilainu asai dao. Tama nago homugo te da, te olo sę dawe? Tama megi me nago da tonaluainuwe?

Israel Hanigo Namba 16:9

God, da Israel dabego Genuai Bidigo da, te dago we bidi tomode dage dįą sai dao. Tama dage naga agai sę eyu, tama agai be pąba pomainu yai dao. Me te we bidigo gedude dolaluyu, augwaligo ofa sę tau siyu dolalumainu yai dao. Godigo dage me te gasa Livai dabe dagego agai sę emainogo sa muyu, tedali gasagi yai muai dao, te nogi elalubo sę emainogo. Tama, mena tama tiali te duga gedude te sę te olo nai tiwai dawe? Tama tialima, dage me te pris me nigainu ebawe?

Tigidali Nai Gagalama Nigali Side 30:15

Tiali goli, Leago po wei ponoyu, te po wai, “Nago eno bidi sai dao, tama nago te olo nai da te homu ebawe? Tama megi nago te eno ogwago sali nai nago godoloyu sainogo obawe?” wali. Tama Reselgo te po wai, “Te nago ogwago gegali nai te ena mobaso da, teda nage Jekop dali megi hulide piagameo,” Reselgo te po wai.

Godigo Sęba Tagala Palai Bidigo Po 7:51

Te bidi Stivengo te kaunsil dabebolo te po ma wai, “Dage da te po sela sąbo bidi dabe dao. Dagego kolesaga da, Godigo po odisąbo bidigo kolesaga tiwai dao. Dagego Godigo Dwagi Yai Mobogo po tigidali sogo sela sąbo dao. Polobadu duga wąį dabego po sela sąyani tiwai megi dagego te tibao.

Dwagi Yai Gesi Po Lukgo Asęani 1:69

Tilama, agai da ma abelai dao. Polobadu aga sę yali bidi Devitgo eda dadalo asali hanide bomai bidi me deli pedelama, te bidi Godigo da ma sabo bidi nigilai dao.

Godigo Nogi Ugwaba Sabo Tęąbi Po Wabo Buku Dabe 45:5

Te nago ene dabe te mu poa pelama, tama te boi bidi dabe mu eneyu ebo dao. Nago hwįyu, te gasa hani dabe aiyaba elaluama, tama augwali te nage dologode bidibao.

Aisaia 1:14

Eno dagego te gesi poluade lotu wabo, me gasa bodolu mani lotu dabe dagego wabo eno godolo mu menio. Te nai dabe tigidaligo enabolo sęgę mabo. Tama eno tolobo mu hagela ebo.

Aisaia 7:12

Tiali goli, Ahasgo te po wali, “Menio. Te eno agabolo bomai sę me suainu me hanalugobeo. Eno Genuai Bidigo bomo usu sabo hagela ebo,” wali.

Aisaia 22:22

Tama eno agai nogoba te tuni bidi Devitgo be ki agai nogoba muaibao. Tama mena nai agai dabo si da, teda bidi dabego ma palibo usu egobeo. Tama me tama nai dabe agai paliali da, bidi dabego dabo usu egobeo.

Jeremaia 44:22

Dagego te dwai kugumini yai kolesaga ebaso, tama nosali Genuai Bidi dagego te kolesagade hagela mu yai. Tama agai te tama sę elama, te dagego tǫ dolama olo elalubadi, te bidi bidisiąbadi, te megi e sogoba usu nagasobao. Te gasa tǫ kantri we bidi dabego te augwa boi bidi dabeba dwai po wabo sogo, augwa te tiwai po waibao, ‘Dage te Juda tǫ dolali tiwai gilama dolagameo,’ wabo dao.

Esekiel 6:9

Augwali te digibulu bulude bidibo sogo augwaligo ena homu kone palaibao, tama augwa te tiwai koneaibao, te augwaligo tibo godiba gedu eyu, te wali pali kolesagago ena haliga sęgę mu ilama, tama ena augwaligo mu tagalalio. Tama augwa te yali dwai kugumini yai kolesagade hale dwai mu eyu, tama tiai sę yai dao.