Aisaia 7:10 - Godigo dwagi yai po buku

¹⁰ Tama Genuai Bidigo Ahasbolo gasa po me wali.

Aisaia 7:10 Referans Kwoze

Aisaia 8:5

Genuai Bidigo enabolo te po ma wali,

Hosea 13:2

Tama megi me, augwaligo te dwai sę me idubo sę ebao wali. Augwa te tibo god te silvago nigilama, augwa teba lotu wabo dao. Te bidi dabe augwa homugo digi koneama, te tibo god noma piksa dabe te augwa nogogo digi nigali. Tama augwa te po weyu ebo, “Dagego te piksa nomaba ofa yao,” wabo dao. Ae, tegoba, augwaligo te bulmakau nomaba te nono nani! Augwali te menagi yai bidi mu dawe?

Aisaia 10:20

Genuai Bidigo bodolu me polo muai dao wali, te Israel hani dwasianu te Jekopgo wąį tomode bidibo hanigo i agabolo omainu. Te Israel dabe augwali augwa boi bidi dabede wi ebaso, tama augwaligo gasa bulu bidi dabego augwali tau somainu i wali. Tama te bulu bidigo augwali tau somainu tonaluali. Tiali goli, te bulu bidigo begelama, augwali ma dolaibao. Tama te sogo augwaligo te Israel dabego Genuai Bidiba i waibao. Aga te Wiegi Yai Doloba Pai Kolesaga Naga Ebo God dao. Tama augwaligo agai tau somainao olama, tonaluaibao.

Aisaia 1:13

Dage odolali bomai sę elama, ofa nai dabe enaba sesigimio. Magi baso meni. Eno augwalibolo hagela yai dao. Tama me, dagego ulubo pauda denami eno gunide dwai denami pedalobo dao. Eno dagego gesi poluade, me Sabatde, me gasa lotu dabe dagego wabo eno me subo, hagela ebo. Magi baso meni. Duga dwai sęgęgo duga lotu dabe dolali.

Aisaia 1:5

Magi baso dagego Godigo po me sela sądubawe? Dage tigidali sogo dene sabo hagela meniwe? Israel, nage te bidi me bidi dabego elai bidi tiwai dao, te agai tigi sese mu dolama, bomo mu meni yai. Agai tobolu keni kenigo pągąna pai.

Aisaia 7:11

Agai Aisaiabolo te Ahasbolo te po wao po wali, “God naga Genuai Bidibolo hanalu wao, te nagebolo bidigo gedugo susiąwai bomai sę me ola momainu. Nago agabolo mena tama bomai sę, me nago suabo homu ebo sę me, nago agabolo hanalu wao. Ma, nago te bomo yai sę te bidi gų pagede suabo homu ebaso me, o ma nago dagalude bomai sę pedalobo suabo homu ebaso, o ma menade me naga homugo godolo me ebo digi te tobage sę suabo homu ebaso da, nago Godibolo hanalu wao, tama Godigo nage ola mawaibao,” wali.

Te Israel me Juda Hani Sigo Tuni Bidigo Po Elalubo Buku Si 16:1

Te king Peka aga te Israel hani dali king sę eyu bidibadi, te 17 kibu be silama, tama te sogo Ahas, aga te king Jotamgo ogwa, tama Ahas aga te Juda hanigo king bidi nigali.