Aisaia 66:7 - Godigo dwagi yai po buku

⁷ “Ena, Genuai Bidi, eno te po obao, eno taun te wego wai deli sogo polo tama ame nabo tiwai yaibao. Aga te wai ame nabo tigi dene isąbadi, tama te wai polo pedelali.

Aisaia 66:7 Referans Kwoze

Aisaia 54:1

Genuai Bidigo te tiwai po wali, “Jerusalem, nage te hobedagia wai ame nesiąbo we tiwai eyu, nage te wai ame nabode dene isiąbo we tiwai ebao. Tiali, megi da, nago te balia po weyu, pemene elama, i wao, magi baso meni, te nago wai dabe hauwa mu umabo elalueibao, te aga bidi dali bidibo wego wai te aiyaba mu elalueibao.

Galesia 4:26

Ao, tiali goli megi eno te gesi hanu me Jerusalem tede po digi po begelama obao, te hanu aga dagalude megi tonalubo dao. Te gesi hanu Jerusalem te gasa we dao, te we nogi Sara dao. Aga te olo sę ebo we menio. Tama da te Godigo mani gesi kontrak po dologode olo bugagia bidibo, tama te we Sara aga te dago ida tiwai bidibo dao.

Dwagi Yai Gesi Po Jongo Asęani 16:21

Te tiwai dao. Wego wai tega pabo sogo asobo si, te dene ebo sogo pedalobo koneyu, te we aga homu sęgę ebo dao. Tiali goli, agai nosali te wai ame nenama, tama agai te dene homu yali ma agai konebeo. Tama te wai ame nenama, tama bidibaso, aga idago dwagi yai homu ebo dao.

Aisaia 37:3

Augwali pela sabolama, Aisaiabolo te tiwai po wagi pali, “Kingo te po walio, megi te genuai haliga sęgę ebo sogo elalubao. Te Asiria dabego dabolo te da begela dolobo dwai posobo po hauwa waligo te da hale genuai elalubao. Da te haliga yai we me deli elalubo tiwai eyu, te wai ame nabo sogo pąde pedelalio. Tiali goli, te wego wai ame nabo te bomo me elalubeo.