Aisaia 65:8 - Godigo dwagi yai po buku

⁸ Genuai Bidigo te po wai, “Te bidi me deligo te bono du wain te du pa elalubo nogogo sąwainu ebaso, gasa bidigo te po wagi da, ‘Tonalu bolo yao,’ wai. ‘Eno te wiegi yai wain wai du meba te pąde elalubo suali. Dago selama, te tuabo wain ąį meba nigibaso, usu yaibao,’ wai. Te tiwai tama, ena Genuai Bidi, eno te tigidali Israel we bidi me dologobeo, magi baso meni, augwali eno sę bidi dabe dao.

Aisaia 65:8 Referans Kwoze

Dwagi Yai Gesi Po Makgo Asęani 13:20

Tama Genuai Bidigo te sogo bodolu te hagana selama, pęwadage iligi menigi da, teda te tigidali we bidi hagagi dao. Tiali goli agai te sa muyu dąį ilali we bidi augwalide homu kone palama elaluali. Tama tibaso agai te bodolu sogo pęwadage sogo ilama elalubo dao.”

Jeremaia 30:11

Ena Genuai Bidi, ena dage dali bidibao, te dage tau saibao. Dagego te dwai sę yali dao. Tama eno dage dodolobo sę igi menigi da, te dolo menigi da. Tama tibaso, eno dage e tǫde sela sąwaibao. Te eno dage augwali tomoba te tagala palobaso bidigi pali tǫ pedai kantri dabe te mu silaibao. Tialima, te dage eno me silimainogo egobeo. Mu tama, te eno dwai dene dagebolo mawaibao, tialima, eno te doloba pai kolesaga naga wali peyu, te eno dage dodolaibao,” wali.

Aisaia 6:13

Tama ma dwasianu we bidi hani te tǫde me bidibaso da, augwali me silaibao. Tiali goli, tagala, te bulude we bidi meni baso me, te nosali ena we bidi me ma pedalaibao, te ni age te bidigo polo gelai ni tanede age ma dalasa holobo tiwai ma yaibao,” wali.

Matyu 24:22

Tama Godigo te genuai sęgę elalubo sogo togogi menigi da, teda te tigidali we bidi mu doligi dao. Tiali goli God aga te sa muani we bidi augwalide homu konealua. Tama tiyu, augwali tobade agai te sogo togwaibao” wali.

Joel 2:14

Dego konegowe? Te dage dena Genuai Bidi Godiba ma asigi sogo da, teda agai homu te ma hasegelama, te dabolo wiegi yai sę eyu, te da nai hauwa magi da. Tama tiyu, te dago te ofa yabo nai hauwa me, te ofa yabo wain me, elalueibao.

Aisaia 1:9

Ma, Genuai Bidi Tigidali Bomo Elalubo Bidigo da meba bidimainu sula tagalisąma menigi sogo da, mu tama, teda da polo dolama siligi dao, te hanu Sodom de Gomora si dolali yali tiwai gilama, polo dologi dao.

Aisaia 10:21

Tama te dwasianu Israel we bidi bidibo dabe augwali te God Tigidali Bomo Elalubo Bidi pageba ma asaibao.

Aisaia 10:22

Megi da, te Israel we bidi hauwa mu te bidibao, te tamu węde kemi sane tiwai dao. Tiali goli, augwali dolaibao, tama dwasianu we bidi naga ma pedalaibao. Genuai Bidi Tigidali Bomo Elalubo Bidigo te bulu sese tama dolabo po polo wai dao. Tama da agai dolaibao. Tama agai doloba pai kolesaga genina mu ma haninaibao, tama te we bidi dabego sueibao.

Aisaia 48:9

“Eno dageba haliga sębę mu elama, eno dage silabo homu yali, tiali goli sesemane sogo eno ena genuai nogiba homu kone palama, te eno haliga sębę homu aiyaba tamugulali, te we bidi dabego eno nogi ugwaba somainu tiai dao.

Tigidali Nai Gagalama Nigali Side 18:26

Tama Yawego te tiwai po wei ponai, “Te eno te 50 wiegi yai bidi te Sodom hanude bidibo subaso da, teda augwali tobade eno te tigidali we bidi bidimainu sula tagaliyu, tama te wiegi yai bidi dabe hagaidali weyu tama tiaibao.”