Aisaia 65:1 - Godigo dwagi yai po buku

¹ Genuai Bidigo te po wali, “Ena, Genuai Bidi, te eno augwali tau somainu gedu haluasa po wasiąbo we bidigo gedu haluasa po wabo odainu, te tonalu sisilalubao. Te ena bidibo augwali enaba asobo tonalubao, tiali te augwaligo ena gegabo homu isąwani. Eno te po wali, ‘Sesemane sogo ena bidibo, te dage tau sainu ebao,’ tiali goli augwali te enade digibulu bidiyu, te eno nogi augwalide musiąwai hani bidibo tiwai ebo dao.

Aisaia 65:1 Referans Kwoze

Polgo Po Pas Rom Dabeba Asęani 10:20

Tama te Godigo po polobadu pusali bidi Aisaiago te po hanilama pusubo wi me ebeo. Agai Godigo te gasa hani we bidide wali po e tiwai asęani, “Te ena gegebo sę me isąwani bidi dabego, te augwaligo ena suali. Te bidi dabe meba augwaligo te bidi mebabolo te enade po hanalusiąbadi, tiali goli ena augwaliba hanilama pedalobo dao.”

1 Pita 2:10

Polobadu dage we bidi hani meni yai goli, megi dage te Godigo we bidi hani dao. Polobadu dage agai homu dene eyu tau sisiąwai goli, megi dage agai homu dene eyu tau sai dao.

Hosea 1:10

Te Genuai Bidigo po ma weyu, te po wai, “Te Israel dabe te nabisde masigi sani tiwai hauwa umabo ma pedelaibao, tama te augwaligo augwali te nedainu ebaso, usu egobeo. Megi da, te ena Godigo augwaliba te tiwai po wali, ‘Dage te eno hani we bidi menio,’ wali. Tiali goli, me sogo deli sogo, te eno augwaliba te po waibao, ‘Ena te sesemane bidibo ula elalubo God dao, tama dage eno wai dabe da,’ waibao.

Aisaia 45:22

“Dage tigidali bulu tǫ habu we bidi dabe, dage enaba asiąo, te dage bugagia bidaibao, magi baso meni, enaduba deli ena God, te gasa god munu me bidibeo.

Polgo Po Pas Rom Dabeba Asęani 9:30

Tama tibaso dago koneani, te gasa hani dabe augwaligo te doloba pai bidi nogi sabo sę dene me ebe, tiali goli augwaligo te doloba pai bidi nogi salio. Te e doloba pai kolesaga te augwaligo konealubo po dąų olama sai.

Dwagi Yai Gesi Po Jongo Asęani 1:29

Te sogo kigamu Jisas asobo Jongo suai. Tama Jongo te we bidibolo te po wai, “Suao, te bidi da, aga Godigo kibu sipsip wai dao. Agai te tigidali tǫde bidibo we bidi augwaligo yali dwai sęgę te sela sąwaibao.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Godigo Nogi Ugwaba Sabo Tęąbi Po Wabo Buku Dabe 22:27

Te tǫde tigidali we bidigo augwaligo te Godiba homu koneama, tama augwa agaba ma asaibao. Te tigidali hani we bidi dabe augwaligo kidu sugunama, agaba lotu waibao.

Sekaraia 2:11

“Tama te sogo kantri hauwa we bidi augwali Genuai Bidiba aselama, tama augwali eno we bidi bidaibao. Tama ena dage tomode bidaibao, tama dagego koneaibao, ena aga digi dage tomoba taga palama, dage tomode bidibo koneaibao.

Aisaia 55:5

Mu tama, te dagego polobadu konesiąwai te bulu tǫ kantri we bidi dabe augwali i wabo sogo, te augwaligo me dage me konesiąwai, te augwali dageba polo udada asaibao. Magi baso meni, ena Genuai Bidi, dage Israelgo God, ena te Wiegi Yai Doloba Pai Kolesaga Mu Ebo God, eno dage te genuai nogi dali bomo dali si mu elalumainu ebao,” Genuai Bidigo te po wali.

Aisaia 11:10

Tama te sogo Genuai Bidigo gesi tuni bidi me sa muaibao, te Jesigo hani bidi me deli dao. Agai te tigidali we bidi deliba ma sisinabo dąį tiwai bidaibao. Augwali te tigidali tǫ pedai kantri tedu augwali agaba asaibao, te Israel hani isąwai bage. Tama agai hanu da, genuai nogi mu elaluaibao.

Aisaia 63:19

Tama megi da, da we bidi hobedagia mu bidibo tiwai ebao, polobadu nago tonalu, tolalusąwai tiwai bidibao. Tama da hani dabe te nago nogi augwalide musiąwai bage tiwai bidibao.

Aisaia 41:27

Ena, Genuai Bidigo naga eno te bulu du Saionba weyu, te nai pedelaibao wai. Tama megi da, suiąo, te nai dabe pedelalio. Te megi me, eno te bidi me deli tagala palama, te Jerusalemba wiegi yai po sela pomainu yai dao.”

Aisaia 40:9

Jerusalem, nage te genuai bulu duba holama, te bulude po pusao. Saion, nago bomonama, i hai weyu, te bulude po pusao. Nago po hanilama pusao, nage wi me igio. Nago te tiwai po te Juda dabego taunba walao, “Suao, te duga God asobao,” po wao.

2 Samuel 1:7

Tama Sol begelama, tama ena sulama, te ena i wali. Tama eno te po wali, ‘Awe, genuai bidio,’ wali.

Dwagi Yai Gesi Po Lukgo Asęani 13:12

Tama Jisasgo te we sulama, agai te webolo i dwasianu weyu, asao wali. Tama te we asobo si da, Jisasgo te po wali, “We, nagede te elalubo gasi te silali dao, nage olo bidao,” wali.