Aisaia 63:3 - Godigo dwagi yai po buku

³ “Eno bulu tǫ kantri dabe agawali, te bidigo wain du wai te masigi pou tomode agabo tiwai yali, te gasa tǫ kantri bidi me deligo ena tau me sabeo. Eno augwaliba haliga sębę eyu, wado dwai mu olama, te eno augwali bomonama mu agawali madi te augwa kaneme gela tagalu, te eno gudali ugwa dabede kaneme dagana salio.

Aisaia 63:3 Referans Kwoze

Malakai 4:3

Eno te sę dabe ebo sogo te dwai sę ebo bidi dabe dagego aiyaba elalueibao, tama augwali te tǫ hogomu agabo tiwai yaibao,” wai dao.

Maika 7:10

Polobadu te boi bidi dabego dabolo te tiwai posobo po wali, “God, duga Genuai Bidi, menade bidibawe?” wali. Tiali goli, nosali te Genuai Bidigo da tau sabo augwa sulama, te augwali hale dwai mu saibao. Te Genuai Bidigo augwali aiyaba elaluama, te augwaligo te tǫ pu aiyana pai, te bidi dabego sągągo agabo tiwai ebo sueibao.

Sekaraia 10:5

Tama tibaso, te Juda dabego te boi bidi dabe aiyaba elalubo sę eyu, te ami bidi dabego te taun sunumi dabede te tǫ pude te boi bidi aiyaba agabo tiwai yaibao. Te Genuai Bidi augwali dali bidibaso, te augwaligo hwįbo bomo eyu, te hos kibude dugayali boi bidi dabe me augwali aiyaba elaluboba usu naibao,” wali

Te We Bidi Dabego Jerusalem Hagede Gela Wali 1:15

Genuai Bidigo eno bomai ami bidi dabeba tudi ola manio. Agai ami i olama, ena dali hwįagasomainu elama, tama eno gesi bidi dabe dolalio. Genuai Bidigo kantri Juda we bidi dabe aiyaba agayalio, te bidi dabego wain wę nigainu, te wain du agabo masigi poude te wain agabo tiwai yalio.

Aisaia 63:6

Te eno genuai haliga sębęgo, eno tigidali we bidi dabe agala salio. Te eno haliga sębę ebo kabude te ąį augwa tumainao, te augwali aiyoge page dwai mu yalio. Te eno augwaligo kaneme tǫba gelu tiai dao,” wali.

Aisaia 22:5

Magi baso meni. God, Tigidali Bomo Elalubo Genuai Bidi, agai te haniani sęgę dabe dage te Na Yabo Odogo Bulu pedalabo sogo me polo bodolu muai dao. Te boi bidi dabe hauwa mu aselama, tama augwaligo hae dali iba, oba bomona ela bilaibao, te udula biliyu. Tama dage noma selama, gegede bilaibao. Augwaligo te hanu obo dabe hųgiyu yaibao. Tama dage wi yaibao. Tama dagego i wabo da, digibulu mu paibao, te tigidali bulu du usu naibao.

Aisaia 25:10

Genuai Bidigo Saion bulu du bugagia tonaluaibao. Tiali goli, agai te Moap dabe mu dolaibao. Agai te boi bidi dabego augwali dolama, mesegelama, agayagasomainu yaibao. Te kau kibu dabego nosai augwa diba agalama, ela bulubo tiwai yaibao.

Te Israel me Juda Hani Sigo Tuni Bidigo Po Elalubo Buku Si 9:33

Tama Jehugo augwalibolo e tama po wali, “Te we eba eda sąyao,” wali. Tama augwaligo te Jesebel selama, tama te we aga aba sąwai. Tama agai kanemego dobola sąyu, tama te kanemego tama te bede me te kaneme dagana sali, tama te Jehugo hos kibude me te kaneme dagana sali. Tama Jehugo te hos kibugo me te karisgo me te Jesebel tigidu agaga pali.

Jopgo Po Asęani Elalubo Buku 40:12

Awe. Nago dwai kolesaga ebo bidi dabe sulama, tama augwali aiyaba elaluao. Tama nago dwai kolesaga ebo bidi augwa bidibo bulude sągągo agayagameo.

Godigo Nogi Ugwaba Sabo Tęąbi Po Wabo Buku Dabe 60:12

Tiali goli, te God da dali bidibaso da, teda dago te hwįbode te boi bidi dabe elaibao. Mu tama, Godigo te dago boi bidi dabe aiyaba elaluaibao.

Aisaia 28:3

Tama te hanigo nage agalama, nage daidu augwali bilaibao, nage te genuai bidi dabe poliyu, nago nogi ugwaba sabo hanu dao.

Aisaia 59:17

Agai te doloba pai kolesaga te kapa holobo ugwa mubo tiwai eyu, te aga hagawiade mesega sabo tiwai yali. Te aga te we bidi ma sabo bomo te hwįbo madi kapa tiwai muani. Te aga ugwa gudubo tiwai bomonama dąų ola selama, te dwai sę ebo bidi dabeba dene mawainu tiaibao. Te aga haliga sębę ebo te bobobage ugwa aiyaba tagalalubo tiwai yaibao.

Joel 3:13

“Te hani we bidi dabe te dwai mu dao. Te augwali te bidigo inawai tau yai wit nai togobo tiwai togwao. Te augwali bomonama agawaibao, bidigo te wain wai ge du te sągągo agabo tiwai yao. Te halobage tiwai nai te mu pągąna pelama, te wain ąį buluba gelaibao. Tialima, te hani dabe mu dolaibao,” wai dao.

Tigidali Nai Gagalama Nigali Side 49:11

Agai te aga donki te bono ni wainde gebelaibao. Agai te ogwa bidi donki te wiegi yai ni wain nologode mu gebelaibao. Agai te aga ugwa te waingo wę telawaibao. Agai te kaneme tiwai wain te mama yai ąįgo wę telawaibao.