Aisaia 61:11 - Godigo dwagi yai po buku

¹¹ Magi baso meni. God, Genuai Bidigo doloba pai kolesaga dali, te aga nogi ugwaba sabo kolesaga dali, te we bidi dabe tomode pedelaibao, te gide bulali nai wai kulubi pedelama, te genuai ebo tiwai yaibao. Tama te gasa Israel hani isąwai we bidi dabe tigidaligo sumainogo yaibao.

Aisaia 61:11 Referans Kwoze

Aisaia 58:11

Te ena Genuai Bidi, te sesemane sogo eno dage bugagia tonalu, te dage bilibo dodolama, te dagego homugo wei homu ebo nai dabe usu nama mawaibao. Megi dage te ąį meni yai tǫde bidibo tiwai ebao, tiali goli eno dage wiegi yai bomai we bidi pedalumainu yaibao. Tama dage te gi tǫ ili ąį hauwa elalubo tiwai elama, te sula sisąbo ulu ąį tiwai elalueibao.

1 Pita 2:9

Me ma, dage da, dage te sa muani we bidi hani dao. Bidi meba augwali te we bidi dali, God dali tomode bidiyu, tama pris bidi sę eyu, augwaligo Godibolo te dwagi yai nai ula mabo sę ebo dao. Tama te tiwai dagego me te dago genuai tuni bidigo sę ebo dao. Dage da, te tedali gasagi yai doloba pai we bidi hani dao, God aga we bidi hani mu te dage dao. Tama agai dage i olama, tama dage te hulia sai bidibo digi tagalama, tama agai wiegi yai ula yai buluba bidagasai dao. Tama dagego agai yali wiegi yai sęde po te gasa we bidibolo pusumainogo te agai dage sa muani.

Aisaia 62:7

Dagego bomo elama, agaba i ola pidu, agai te Jerusalem bomo ma iliboba usu nao, tama Jerusalem te tigidali tǫde we bidi gedude polalu mu pedelaibao,” eno te po wali.

Aisaia 62:1

Jerusalem, nage tobade te eno po hanilama, bomo elama weyu, te Genuai Bidigo nageba wiegi yai sę yao po obao. Te eno pedauwali me pania sogobeo. Mu menio. Te eno Genuai Bidiba i udu, te Genuai Bidigo te bugagia wiegi yai doloba pai kolesaga nageba eyu, te kigamu nanobo giliga ula tiwai eyu, te hulide domanobo sole ula ebo tiwai teba usu numainogo yaibao.

Aisaia 45:8

“Dagalu, nage te dage pǫ dabe me, dagego te wiegi yai sogo augwaliba ilibaso, te tulubage tǫba tulumainao. Te augwa bugagia bidimainu, te wiegi yai doloba pai kolesaga bomo elama, pedalumainu ebao, te tǫgo tulubage selama, te gide nai dabe bugagia holobo tiwai emainao. Ena Genuai Bidigo digi, eno te sę dabe pedalumainu tebo dao,” te po wali.

Solomon 4:16

Not badu wali, nage asao. Saut badu wali, nage aselama, eno gi waligo mesega sagasobaso, te tigidali pesage te gi habu te wiegi yai denamigo pągąną saibao. Tama eno te godolo mu ebo abagite aga giba aselama, tama te wiegi yai nedu du dabe tuagasomainao.

Godigo Nogi Ugwaba Sabo Tęąbi Po Wabo Buku Dabe 85:11

Te tǫde te we bidi dabego te Genuai Bidi wali mu paibao, tama te dagalude Godigo augwali doloba pai pedalumainu ilaibao.

Matyu 13:23

Tiali goli te tedela palali nai wai ge te wiegi yai ili yai elalubo tǫba tudulaluali po wali da, te bidigo po odama tama te po page bugagia koneani dao. Te tobage we bidi augwaligo nai ge walaibao, te 100, ma 60, ma 30 tama walobo dao,” Jisasgo te po wai.

Matyu 13:3

Tama agai po digi po hauwa begelama augwalibolo wai. Agai te po wali, “Te bidi me deli pelama, te giba nai wai ge telala biligi pai.

Aisaia 60:18

Te nago tonalubo tigidali tǫ habu badu te bidi dabe munu me ma hwįgobeo. Awe, nago tǫde me te doado bage alubo kilikili me egobeo. Te nago genuai obo nogi te tiwai elalueibao, ‘Genuai Bidigo aga we bidi dabe ma salio,’ waibao. Te nago genuai sunumide te tiwai nogi elalueibao, ‘Genuai Nogi Mao,’” wai.

Godigo Nogi Ugwaba Sabo Tęąbi Po Wabo Buku Dabe 72:16

Te yuyu me wit hauwa te we bidi dabego gide pedalumainu yao, te Lebanonde pedalubo usu tiwai. Tama te we bidi dabe te taunde hauwa pedalumainu yao, te nosa hauwa te tigidali pedaide pedalubo tiwai emainao.

Godigo Nogi Ugwaba Sabo Tęąbi Po Wabo Buku Dabe 72:3

Nago te wiegi yai sę hauwa te augwaligo sęde pedalumainu yao. Tama nago te we bidi dabego te doloba pai kolesaga sesemane sogo emainu yao.

Matyu 13:8

Tiali goli te telala pali nai wai ge me badu te wiegi yai tǫba tudulaluali, tama te nai du walali. Meba te 100, tama me badugo te 60 walali, tama me badugo 30 tama waliyu yai,” wali.

Aisaia 4:2

Te me sogo nosali pedalaibao, Genuai Bidigo te ni me deligo gesi nologo ma kolimainu yaibao. Tama tǫgo dwagi dwagi yai nai dabe holiyu yaibao. Tama te Israel we bidi dabe dolisąma me bidibo bage, augwaligo te nai dabe wiegi yai holobo sulama, augwali dwagi yai homu ela paibao.

Aisaia 45:23

Ena Genuai Bidi, ena nogide digi daide ugwadu mu po obao, te eno pedauwalide wali po te me hasegelegobeo. Eno te tama po wali, te tǫde tigidali we bidi enaba aselama, te enaba kidu sugunagasaibao, te augwali tigidaligo ena dologode naga bidabo po dąų waibao, te po wai.

Aisaia 45:24

Te augwaligo te tama po waibao, ‘Genuai Bidigo naga te da tau siyu, te da dąų waliyu, te doloba pai kolesaga ugwa igulama, ugwa ela holomainu yaibao,’ te po augwaligo waibao,” wali. Tigidali we bidi agaba asobaso, te agaba haliga sębę ebo hani dabe te augwali dwai hale mu yaibao.

Aisaia 46:13

Menio. Te pąba pedelalio. Te eno munu ma tonalugobeo. Te eno dage Israel dabeba boi bidi ebo bidi dabeba dene mu menama, te dage bugagia ma bidaibao. Te Jerusalem taun me wiegi yai bugagia ma ilaibao, te eno ena genuai nogi me bomo te dage Israel dabe tomode hania pepeli diliba pedalumainu yaibao,” wai dao.

Aisaia 48:18

Te dagego eno po odigi sogo da, teda dage bugagia megi bidiyu, te sesemane sogo dagego bidabo ula te wiegi yai pemene ebo pągąnalugi da, te ąį sesemane sogo sodu, te sula sisąbo tiwai igi da. Te dagego doloba pai kolesaga te bomo elama, sesemane sogo pedaludu, te tamu ąį nambisde peda pabo tiwai igi da.

Aisaia 60:21

Te sogo te nago we bidi tigidaligo doloba pai kolesaga naga eyu, te eno augwa tǫ da olama, sa muani tǫ te augwa saibao, tama augwa tede sesemane bidada paibao. Te ena nogogo digi eno augwali te deli hani we bidi pedalumainu ilali, tama augwali te eno bulai ni nologo tiwai pedelali. Eno tama tiali, te gasa hani we bidi dabego sulama, te enaba genuai nogi momainogo tiai dao.

Tigidali Nai Gagalama Nigali Side 1:11

Te tudibadu Godigo te po wali, “Te haniani te tǫde holabo nai pedalumainao, te tubo ge walobo keba dabe me, te haniani du walobo nedu du wai pedelao,” po wai. Tama te nai dabe pedelalio.

Aisaia 62:2

Tama te gasa tǫ kantri we bidi dabego nago te doloba pai kolesaga ebo sulama, te augwa king dabego te nago bomo me genuai nogi elalubo sueibao. Te augwa nage gesi noma nogi nogi yaibao, te nogi Genuai Bidigo digi nageba mawaibao.