Aisaia 60:9 - Godigo dwagi yai po buku

⁹ Te digibulu buludu asobo sip dabe dao. Mu tama, te digibulu bulu we bidi dabego te eno augwali tau sabo tonaluai. Augwaligo te genuai sip dabe tagala palali, te nago ogwa dabe nageba ma sesalio. Te we bidi dabego te hauwa silva me gol te sip dabego sela somainu tolali. Augwa tama tiali, magi baso meni, augwaligo te eno nageba wiegi yai sę bugagia eyu, genuai nogi elalubo sulama yali, te augwaligo Israelgo Genuai Bidi, te ena Godiba genuai nogi mayu yali, ena te Wiegi Yai Doloba Pai Kolesaga Mu Ebo God dao,” te po wai.

Aisaia 60:9 Referans Kwoze

Aisaia 55:5

Mu tama, te dagego polobadu konesiąwai te bulu tǫ kantri we bidi dabe augwali i wabo sogo, te augwaligo me dage me konesiąwai, te augwali dageba polo udada asaibao. Magi baso meni, ena Genuai Bidi, dage Israelgo God, ena te Wiegi Yai Doloba Pai Kolesaga Mu Ebo God, eno dage te genuai nogi dali bomo dali si mu elalumainu ebao,” Genuai Bidigo te po wali.

Aisaia 2:16

Te agai te genuai dwagi yai sawi sip dabe me dolaibao.

Aisaia 51:5

Te eno augwali tau siyu, ma sabo sogo, te pąba pedelalio. Te ena bomogo digi eno te tigidali tǫ kantri tonalueibao. Te digibulu bulu pesage we bidigo te eno bomoba homu dąų weyu, te eno augwali tau sabo tonalueibao.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Galesia 4:26

Ao, tiali goli megi eno te gesi hanu me Jerusalem tede po digi po begelama obao, te hanu aga dagalude megi tonalubo dao. Te gesi hanu Jerusalem te gasa we dao, te we nogi Sara dao. Aga te olo sę ebo we menio. Tama da te Godigo mani gesi kontrak po dologode olo bugagia bidibo, tama te we Sara aga te dago ida tiwai bidibo dao.

Aisaia 49:1

Dage te bulu tǫ kantri pąde, me digibulu bidalubo we bidi dabe, dagego eno po odiąo. Te idago ena ame nisąbadi, te Genuai Bidigo ena sa muyu, dąį ilama, enaba te nogi mawai dao.

Aisaia 42:10

Dage tǫde we bidi tigidali, dagego gesi balia po weyu, te Genuai Bidi nogi ugwaba sinao. Dage te sipidu bilibo bidi dabe, me te tamu ąįde bidibo hasa dabe, dagego agai nogi ugwaba siyąo. Dage te digibulu tǫ kantride bidibo we bidi dabe, dagego te gesi balia po waiyąo.

Aisaia 42:4

Te aga haliga sęgę me isiąyu, te sęgęgo aga aiyaba elalumainu me iligobeo. Agai sę bomo elama eyu, agai doloba pai kolesaga ebogo te dwai kolesaga ebo kolesaga aiyaba elaluaibao, te tigidali tǫ habu usu nama bomo elalumainu ilaibao. Te digibulu bulu we bidi dabe te aga tonaluaibao, te agai augwali bugagia dugulalu bidabo kolesaga ola momainu yaibao.”

Galesia 3:26

Te dage tigidali bidigo Jisas Kraisde konealubo po dąų weyu, tama dagego te konealubo po dąų wabode te dage da Godigo wai puluba dao.

Godigo Sęba Tagala Palai Bidigo Po 9:15

Tama Genuai Bidigo agabolo te po wai, “Nage pao, eno aga dąį ilibaso, agai eno sę yaibao. Sol agai eno nogi te gasa hani dabe we bidibolo ola mawaibao, te genuai gavman bidi dabebolo me, te Israel we bidibolo me eno nogi pusa maiabo bidi dao.

Dwagi Yai Gesi Po Jongo Asęani 17:26

Tama nago nogi eno augwalibolo haninai dao. Tama tiyu, te sę nosali me eno mu ela paibao. Magi basowe? Te nago ena godolo mu ebo homu tiwai augwa hasi te godolo mu ebo homu emainogo eno nago nogi augwalibolo haninai dao. Tama ena me augwali dali bidimainogo, eno nago nogi augwalibolo hanilaibao,” Jisasgo te po Godigo aga bidi dabe tau somainogo wai.

Dwagi Yai Gesi Po Lukgo Asęani 2:32

Sole ula deli dao, tego deli te Israel hani isąwai we bidibolo ula ola mawaibao. Tama agai moni nogi te Israel hani we bidi dabebolo mawaibao,” Simeongo Jisasde te po wali.

Sekaraia 14:14

Tama te Juda bidi hani dabego te Jerusalem tau selama, te boi hwįaibao, te Jerusalem we bidi dabe dolidali weyu tama tiaibao. Tama augwaligo te bulu tǫ kantri bidi dabego doado bage hauwa mu saibao, te gol me silva me ugwa dabe, tama nai dabe saibao.

Sefanaia 2:11

Genuai Bidigo augwali wi dwai mu emainu ilaibao. Te agai te tigidali kantri dabego tibo god dabe olo nai pedelemainu ilaibao. Tama tigidali tǫ we bidi augwali augwa kantride bidiyu, Genuai Bidiba naga lotu po weyu yaibao.

Jeremaia 30:19

Tama te Israel dabego enaba buba hwi wabo tęąbi po waibao. Te augwa tęąbi weyu, wiegi yai pemene yaibao. Te eno augwali hani genuai pedalumainogo elama, te augwali dwasianu hani me bidigobeo. Tama te gasa we bidigo augwali haniba te genuai nogi momainogo elama, tama te hani dabego augwali nogi aiyaba elalumainogo me egobe dao.

Jeremaia 3:17

Te sogo te we bidi dabego te tiwai po waibao, ‘Jerusalem digi te Genuai Bidigo dugabo sia sai tiwai dao,’ waibao. Te tigidali kantri tǫde bidibo hani we bidi te Jerusalemba asiyu, te enaba genuai nogi magasaibao. Te munu ma augwa te hagoma isiąma, te augwa homude digi ebo dwai kolesaga wali munu me pelamu dao,” wali.

Aisaia 60:4

“Nago tobolu ugwaba selama, tonono bilao. Te naga wai dabe augwali deliba sisinama, asobo sueibao. Te nago ogwa dabe te digibulude bidai asaibao. Te gasa bulu tǫ kantri bidi dabego te nago wegi dabe augwa hagawiade munama, tolasa asaibao.

Aisaia 57:17

Eno wado po dwai mu augwaliba wali, magi baso meni, te augwa haniani dwai kolesagade te augwaligo doado bage hauwa mu sabo homu yali. Tama tialima, te eno augwaliba dene mayu, te eno gesabidi augwaliba geme sesela sali. Tiali goli, augwa me hagoma idu gęyu, te augwa homu kolesaga wali piduai dao.”

Aisaia 43:6

Eno te bidi dabe te not badu, me saut badu bidibo bidi dabebolo olama, te dage ma asomainu ilao waibao. Te eno we bidi dabe te digibulu mu, te tǫ sesege badu bidali me, te augwali eno ma odasa asaibao.

Aisaia 43:4

Tama eno te gasa hani we bidi dabe me siyu, te dage ma dobu si yaibao, te dage bugagia bidimainu yaibao. Magi baso meni, dage eno godolo homu ebo umabo mu idu, te eno dageba genuai nogi mawainu ebao.

Bugagia Bidibo Kolesagade Po Asęai Buku 18:20

Te nago po wiegi yai obaso da, te nago haliga wiegi yai pemene yaibao.

Godigo Nogi Ugwaba Sabo Tęąbi Po Wabo Buku Dabe 72:10

Te Spen king, me te tamu ąį tomo bulu ailan king dabego, teda augwaligo agaba te wiegi yai nai presen dabe mawaibao. Tama te Arebia king me, Itiopia kingo me, teda augwaligo agaba takis mawaibao.

Te Israel me Juda Hani Sigo Tuni Bidigo Po Elalubo Buku Deli 22:48

King Jehosafatgo po obaso, te sę bidi dabego genuai sip te tǫ kantri Ofirba gol sigi pabo sip dabe nigali. Tiali goli, augwali pabeo, magi baso meni, te sip dabe te saut badu tamu ąį nambisde elaluali taun Esiongeberde dolali.

Te Israel me Juda Hani Sigo Tuni Bidigo Po Elalubo Buku Deli 10:22

Solomongo te genuai sip hauwa elaluali, tama te sip dabe te buluba pabo te Hiramgo sip dabe dali bilali. Te sip dabe te kibu be selade biliyu, te gol, me silva, me te elefan kele, me te haniani hasa monki dabe selama, tama augwaligo te Israelba selasa asali.

Te Israel me Juda Hani Sigo Tuni Bidigo Po Elalubo Buku Deli 10:1

Te Seba tǫ pedai kantri polalubo we, te kwin wabo we, te kwingo te tama po odali, te Genuai Bidigo te Solomon bugagia wiegi yai ilama, tama te Solomongo genuai nogi elalubo po odali. Tama tiyu, te kwin we aselama, te Solomonba te gegeda pai hanalubo po meba, te Solomon aga usu sabo hanalubo po meba, te agaba hanalu wagasali.

Te Israel me Juda Hani Sigo Tuni Bidigo Po Elalubo Buku Deli 8:41

“Te gasa bulu tǫ pedaide bidibo Israel hani isąwai bidi dabego te nago genuai nogide po odoyu, tama te nago te naga we bidi dabe tau siyu, te genuai sę dabe mu ebo po wali. Tama te bidi dabe augwali me deligo te nageba lotu wabo homu ebaso, tama te aga page bulu tagalama, tama te tempel be pąba aselama, tama nageba gedu haluasa po obaso da,

Josua 9:9

Tialima, augwaligo agabolo te tiwai po wai, “Da te digibulu bulu me delidu asali, magi baso meni, dago te dagego Genuai Bidi Godigo genuai nogi elalubo po odalio. Dago te tigidali sę agai te Isip tǫde yali odai dao.

Ma Dobola Sali 33:19

Tama Genuai Bidigo Mosesbolo po wei ponoyu, te po wai, “Eno nagebolo te eno wiegi yai ula tigidali ola mawaibao. Tama eno nogi nagebolo pusuyu, eno e tiwai po waibao, ‘Ena Genuai Bidi dao.’ Odao, te eno olo tau siyu mabo wiegi yai kolesaga eyu, tama eno bidi me delide homu dene eyu, tau sobaso da, teda eno te sę eyu naga ebo dao.

Tigidali Nai Gagalama Nigali Side 9:27

Eno homugo Godigo Jafetgo wai puluba dabe te hauwa pedalumainu ilaibao, tama augwali te Siemgo hani dabe dali bugagia bidalumainu yaibao. Tama Kenan da, te Jafetde te olo sę ebo bidi elaluaibao,” te po wai.

Godigo Nogi Ugwaba Sabo Tęąbi Po Wabo Buku Dabe 48:7

Godigo te genuai wali te giliga asobo badu asomainu elama, tama te Tasis hanu bidi dabego genuai sip dabe dolali.

Aisaia 24:15

Tama tialima, dage tigidali tǫ habu badu bidalubo we bidi dabe, te giliga asobo badu, me te tamu ąį sesegede elalua pabo bulude bidalubo bage, dage tigidaligo te Genuai Bidigo nogi ugwanu sao, te Israel dabego Godiba genuai nogi maiąo.

Aisaia 49:22

God, Genuai Bidigo te taun Jerusalemba te tiwai po wali, “Eno te dąį me deli dodolama, te eno nogo me, te dąį me deli tiwai ugwaba siyu, te gasa tǫ kantri Israel hani isąwai we bidi dabego sulama, te nago wai dabe ma sela asomainu yaibao. Te nago wai dabe te augwa nagede auwasa, tama sela asaibao wali.

Aisaia 60:6

Te Israel hani isąwai Midian bage me Efa bage, te augwaligo gesi kamel hauwa mugo te walu dabe nageba sesaibao. Augwali te tǫ kantri Seba teba pelama, te gol me, te wiegi yai hano denami ebo pauda me, te selasa asaibao. Te we bidi dabego Genuai Bidi, eno genuai nogi ugwaba saibao.

Esekiel 39:7

Te sę dabe eno ena we bidi Israel dabe dali yainogo ebo te sę dabe da, te augwaligo gasa we bidi hanigo eno wiegi yai nogi konemainu ola mawaibao. Tama augwaligo eno genuai nogi munu me aiyaba elalugobeo. Tama augwaligo e tama bugagia koneaibao, ena deli ena Genuai Bidi, tama ena te Israel dabe dali bidiba homu yaibao. Tama ena te tedali gasagi yai da, te eno kolesaga te wiegi yai doloba pai mu dao, augwaligo te homu yaibao.’ Te po me pusao,” wali.

Maika 4:13

Genuai Bidigo te po wali, “Dage Jerusalem we bidi dabe, dage pelama, te duga boi bidi dabeba dwai dene magi piąo. Te eno dage te bulmakau me deligo te gąų ain, me sągą bras te bomo elalubo tiwai pedalumainu ilaibao,” wali. “Tialima, dagego te we bidi hani hauwa agamainu yaibao. Te boi bidi dabego te hwįyu sali tigidali nai doado bage, te dagego selama, enaba mawaibao, te tigidali tǫde Genuai Bidi dao,” te po wai.

Maika 7:12

Tama nago we bidi te gasa tǫ kantride kalabus igi pali, te augwali ma asaibao. Augwali te wę Yufretis pedai badu te tǫ kantri Asiria, te giliga pedalubo badu asaibao. Te augwali Isip te saut badu asaibao. Tama augwali te tigidali habude te digibulu bidali te asiyu, te tǫ kantri te nambis badu elaluai, te genuai tamu ąį, me te bulu du pesage dabede bidali tagalama, asaibao.

Godigo Nogi Ugwaba Sabo Tęąbi Po Wabo Buku Dabe 97:1

Genuai Bidi king bidibao! Tǫ, nage pemene yao. Tama te tamu ąį tomode elalubo bulu ailan dabe, dage bugai haliga iyąo.

Aisaia 46:13

Menio. Te pąba pedelalio. Te eno munu ma tonalugobeo. Te eno dage Israel dabeba boi bidi ebo bidi dabeba dene mu menama, te dage bugagia ma bidaibao. Te Jerusalem taun me wiegi yai bugagia ma ilaibao, te eno ena genuai nogi me bomo te dage Israel dabe tomode hania pepeli diliba pedalumainu yaibao,” wai dao.

Aisaia 66:12

Genuai Bidigo te tiwai po wali, “Magi baso meni. Eno te Jerusalem bugagia mu elalumainu yaibao, te sesemane sogo agai te gasa tǫ kantrigo wiegi yai nai dabe hauwa saibao. Te aga magi deli me sǫą pisąma, te wę sesemane sogo asudu, te sula sisąbo tiwai yaibao. Te dagego te nai dabe siyu, wiegi yai pemene mu yaibao, te waigo idago ame tuyu, pemene ebo tiwai yaibao, te waigo aga idago sabilibaso, pemene ebo tiwai eyu, te idago aga telede pilama, aga dali gagali ebo tiwai ebo dao.