Aisaia 6:8 - Godigo dwagi yai po buku

⁸ Tama eno Genuai Bidigo ensel sibi hanaluyu, te po wabo odali, “Dago de tagala palaibawe? Dego eno po sela paibawe?” Tama eno te po wali, “Nago ena tagala palao.”

Aisaia 6:8 Referans Kwoze

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

Godigo Sęba Tagala Palai Bidigo Po 22:21

Tama te Genuai Bidi agai enabolo te po wai, ‘Nage megi pao. Eno nage te Israel hani isąwai we bidi pageba tagala palabo dao, digibulu,’ te wali,” Pol agai te po wali.

Aisaia 65:1

Genuai Bidigo te po wali, “Ena, Genuai Bidi, te eno augwali tau somainu gedu haluasa po wasiąbo we bidigo gedu haluasa po wabo odainu, te tonalu sisilalubao. Te ena bidibo augwali enaba asobo tonalubao, tiali te augwaligo ena gegabo homu isąwani. Eno te po wali, ‘Sesemane sogo ena bidibo, te dage tau sainu ebao,’ tiali goli augwali te enade digibulu bidiyu, te eno nogi augwalide musiąwai hani bidibo tiwai ebo dao.

Godigo Sęba Tagala Palai Bidigo Po 20:24

Tama augwaligo ena elama isilibo eno moni homu menio. Te magigo menio. Tiali goli, eno genuai homu mu Genuai Bidi Jisasgo enabolo mani sę bomo elama mu yaibao. Tama te Godigo da homu dene ebo sę, te dwagi yai po eno tigidali we bidibolo augwaligo konealumai hagede bugagia pusa mawaibao,” Pol agai te po wai.

Tigidali Nai Gagalama Nigali Side 1:26

Tama Godigo te po wai, “Megi da, dago te we bidi dena tiwai niginao,” wali. “Dago augwali te sųgų dabe me, te ba dabe me, te be pąde bidibo kibu dabe me, te bulude bidibo genuai hasa me, dwasianu hasa dabe, te tigidali nai tonaluabo bidi nigilinao,” te po wai.

Tigidali Nai Gagalama Nigali Side 11:7

Tama tidali weyu, da te tǫba dulama, te augwaligo po dedeli wabo te augwali dogoni hasegelama, te mebago te mego wabo po te munu me odisiąmainu, te augwali hamena begela siligi pinao,” te po wai.

Esekiel 1:24

Te augwali bola pabo sogo eno odali, te augwaligo bogo kulukulu wali, te tamu ąį genuai ąį dini holama, degasa dulu bugusu wabo tiwai yali, tama te genuai ami bidi hanigo pesagede bidu posolu dala sabo tiwai yalio. Te augwaligo bogo u wabo te Tigidali Bomo Elalubo Godigo i wabo tiwai yalio. Te augwali me badu pedai badu doligi pelama, te augwa bogo bea sali. Tialima megi da, te bagua sai naide ugwadu daide te bidigo po wabo odai.

Te Israel me Juda Hani Sigo Tuni Bidigo Po Elalubo Buku Deli 22:20

Te Genuai Bidigo augwaliba te tama po hanalu wai, ‘Dego mu te Ahap te Ramotba pelama, isimainu geanigi paibawe?’ Tama te deli deli mobo bidi enselgo augwa konealubo homude po te Genuai Bidiba pusai.

Esekiel 10:5

Te bidi tiwai nai dabego bogo dabego pala pala wabo bomo yali, te genuai obo badu bidali we bidi augwaligo te augwali odobo usu yalio. Tama te pala pala wali, te Tigidali Bomo Elalubo Godigo i wabo tiwai yalio.

Tigidali Nai Gagalama Nigali Side 3:22

Nosali Yawe Godigo te po wai, “Te bidigo mena dwagi yai kolesaga me, te mena dwai ebo me, te megi koneanio, tama aga da tiwai pedelai. Tialima, dago aga gogolama, aga te bidibo ula mabo ni pageba pomainogo me egobeo. Tiyu, agai te nedu du me togola tudu da, te aga bidibo ula sesemane sogo elaluabuo,” te po wai.

Godigo Sęba Tagala Palai Bidigo Po 9:4

Tama Sol aga tǫba tulaluali. Tama agai bidi me deligo pedauwalidu po weyu, te tama po wabo odali, “Sol, Sol, nago ena magi baso dolobo sę ebawe?” te po wai.

Godigo Sęba Tagala Palai Bidigo Po 26:19

Te bidi Pol agai te po wali, “Moni gavman tobolu bidi Agripa, eno moni ula dagaludu asobo sulama, agai po wali eno odama, te po eno sela sąbeo.

1 Samuel 3:4

tialima, Genuai Bidigo Samuelba i wali. Tama Samuelgo te po wai, “Awe, ena bidibao,” wai.

Esekiel 9:1

Godigo ena dali wali po silama da, agai bomonama i weyu, te tama wali, “Te taunde bidaluali we bidi dabe elibo sę yabo bidi dabe, dage asiąo. Te bainat hwą dabe dali sesao,” po wai.

Tigidali Nai Gagalama Nigali Side 22:1

Nosali Godigo Abraham usu sali. Agai Abraham agabolo i olama, te tiwai po wai, “Abraham o!” Tama Abrahamgo te po wai, “Ena e bidibao.”

Tigidali Nai Gagalama Nigali Side 22:11

Tiali goli, Yawego Mobo Bidi Ensel te dagalude bidiyu, tama i wali, “Abraham! Abraham!” Tama Abrahamgo te po wai, “Ena e bidibao,” wai.

2 Samuel 1:7

Tama Sol begelama, tama ena sulama, te ena i wali. Tama eno te po wali, ‘Awe, genuai bidio,’ wali.