Aisaia 6:7 - Godigo dwagi yai po buku

⁷ Agai te isi eno pedauwalide munama, agai te po wali, “Eno te isi nago pedauwalide muani dao. Tama nago dwai sęgę sia selama, tama megi Genuai Bidigo nago yali dwai sę sela sąwai dao,” wali.

Aisaia 6:7 Referans Kwoze

Jeremaia 1:9

Te po olama, Genuai Bidigo agai nogo eno pedauwaliba munama, tama enaba te tama po wali, “Odao, megi eno po te nago pedauwaliba mubaso, te po nago pusaibao.

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.

Aisaia 43:25

Tialima, ena Genuai Bidi, ena genuai nogiba digi homu kone palama, te eno dagego dwai sę ebo sęgę tigidali sela sąbo dao. Tama eno te dwai sę dabeba homu kone me palogobeo,” te po wali.

Daniel 10:16

Tialima, te bidi te da tǫde bidi tiwai da, agai te aga nogo te eno pedauwaliba muai. Tama eno pedauwali dagayu, tama eno agaba te tiwai po wali, “Genuai bidi, eno te na sulama, tama ena wi dwai mu elama, tama eno bomo tigidali silalio.

Matyu 9:2

Tama augwaligo gasi bidi me deli aga pageba tolasa asali, te bidigo sągą tigi dili tigidali mu isai, tama aga te gologobe wade pila muai. Tama augwaligo konealubo po agade dąų wali sulama, tama agai te gasi bidibolo te po wai, “Ogwa, nago homu ma tegaluama bidao. Eno nago yali dwai sę sęgę sela sąbao,” Jisasgo te po wai.

Aisaia 53:10

Tiali goli, Genuai Bidigo digi aga sę bidi aiyaba elaluama, tama agai te dene selama, tolomainu yali, magi baso meni, te sę bidigo digi aga bidibo ula mayu, te we bidi dabego sęgę sela sąbo ofa tiwai ebaso da, teda aga bidibo sogo te bobobage mu igi pelama, te aga bulai wąį nǫų wai dabe sueibao. Te aga yali sęde, te sę bidigo te Genuai Bidigo homugo yao homu ebo sę ebaso, te agai te sę bugagia pedalumainu ebo dao.

Aisaia 53:5

Te dago yali dwai sęgęde naga aga dolali. Te augwaligo aga dodagia mu elama, te aga tigi tologola pali, agai te tolali sęgęde aga da usu ma ilama pedelali, te da bugagia mu bidibo dao.

Israel Hanigo Namba 16:46

Tama Mosesgo Aronbolo e tama po walali, “Te wiegi yai denami yai pauda ulubo plet sao. Tama te altade isi dage me selama, nago te pletiba muao. Tama wiegi yai denami ebo pauda selama, tama te isi daide muao. Tama te we bidi pageba polo sela pelama, sęgę sela sąbo ofa igi pao, tama augwali Godigo gedude wiegi yai pedalaibao. Magi baso meni, Genuai Bidigo augwali dali sębę me elama, genuai gasi dwaigo te we bidi dolobo gagalali,” wali.

Aisaia 40:2

Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”

Aisaia 53:6

Da tigidali te sipsip besela palama, bilibo tiwai yali, te da deli deligo te dena digi homu wali bilali. Tama tibaso, Genuai Bidigo daba te dene mabo sę yabo usu igi da, te dena yali dwai sęde wei ponainu yali, tiali goli aga te tama me tebeo. Menio. Te dena digi tolabo sęgę te agai aga sę bidiba te sęgę menama, tolomainu yai dao.”

Aisaia 57:19

te eno augwa te homu dene ebo tagalomainu elama, te augwa enaba usu da olama, wiegi yai pemene ebo po mimainogo ilaibao. Ena Genuai Bidi, eno te po obao, te eno nagame yai haliga ebo homu te pąde bidibo we bidi dali, me te digibulu bidalubo hani dabe dali me ebao. Te augwali eno usu ma ilama, te augwaliba wiegi yai sogo mawaibao wai dao.

Sefanaia 3:9

“Tama te sogo eno tigidali kantride we bidigo homu kolesaga hasesegele paibao. Augwaligo homu kolesaga gesi ma elama, tama augwaligo ena deliba naga gedu haluasa po weyu yaibao. Tama augwali homu deli naga elama, tama augwaligo eno po wali asaibao.

Sekaraia 3:4

Tialima te enselgo meba ensel dabebolo waliyu, e tama tiwai po walali, “Te bidi tigide elalubo dwai ugwa dabe sela sąyao,” wali. Tama agai Josuabolo e tama po walali, “Odao. Eno nago dwai sę sęgę me nago te dwai meda yai ugwa dabe sela sąwani dao. Tama megi da, eno nagebolo wiegi yai gesi ugwa dabe mawaibao.” Te ensel me deligo te po wali.