Aisaia 6:5 - Godigo dwagi yai po buku

⁵ Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

Aisaia 6:5 Referans Kwoze

Jeremaia 1:6

Eno te Genuai Bidigo wali po odolama, te eno agai po wei ponoyu, te tiwai po wali, “Hobede ya, God, Genuai Bidi, ena gesi ogwa bidi mu elalubaso, eno te po pusabo kolesaga konebeo,” po wali.

Ma Dobola Sali 6:30

Tialima, Mosesgo Genuai Bidi dali te po wai, “Nago koneani, ena po wabo bidi menio. Tuni bidigo eno po odogobeo.” Mosesgo te po wai.

Aisaia 29:13

Genuai Bidigo te po wali, “Te we bidi hani dabe augwaligo eno nogi augwaligo pedauwalidu naga ugwaba sabo dao. Tiali goli, augwaligo homu dali, homu kolesaga si enade digibulu mu elalubao. Augwaligo enaba mu lotu po wabo menio. Augwaligo te bidigo digi muai bomai po, te po naga augwali ola mani po, augwaligo te po naga wali pabo dao.

Ma Dobola Sali 4:10

Tama Mosesgo Genuai Bidi dali te po wai, “Tama Genuai Bidi, tiali goli polobadu bidi hauwa gedude eno po bugagia wai menio. Tama megi nago ena dali po wali, tialima tego ena te po wabo bidi tiwai egobeo. Eno pedauwali sęgę mu yai, tama eno po bugagia wainogo ebo, te usu egobeo,” wali.

Esekiel 33:31

Tama tialima, eno we bidi augwali nago po odainu sisinagasobo dao. Awe, augwali nago gesabidide dualama, nago po odobo dao. Tiali goli, augwaligo olodali tama odobo dao. Augwaligo te po wali pabo menio. Augwaligo te timainao po wabo dao. Tiali goli augwaligo te mone hauwa sabo homu naga ebo dao.

Ma Dobola Sali 6:12

Tiali goli, Mosesgo te po wei ponoyu, te po wai, “Te Israel hani augwaligo eno po odobo menio. Tama tuni bidigo eno po mena tama odogowe? Eno pedauwali sęgę ebao. Eno po te tuni bidi dali bugagia dolo wainogo ebo te usu egobeo.”

Te Israel Tobolu Bidi Dabe 6:22

Tama Gideongo koneani, agai te Genuai Bidigo Mobo Bidi ensel suali homu elama, tama aga dwai noma mu selama, tama te po wai, “God Genuai Bidi dao! Eno nago Mobo Bidi ensel gesabidi sualio. Megi da magi nai enaba pedelaibawe?”

Ma Dobola Sali 33:20

Tiali goli, nago ena gesabi me sugobeo, magi baso meni, te bidi me deligo eno gesabi subaso da, teda aga isaibao.

Te Israel Tobolu Bidi Dabe 13:22

Tama Manoago aga webolo te po waliyu, te po wai, “Te da si isaibao, magi baso meni, dago te Genuai Bidigo Ensel Bidi sualio.”

Jeremaia 51:57

Te king, agai nogi da Tigidali Bomo Elalubo Genuai Bidi dao, agai te tama po wali, “Eno te Babilon genuai bidi dabe gęǫ page ilaibao, te ofisa bidi dabe, me kolesaga koneai bidi dabe, me gavman bidi dabe, me tobolu bidi dabe, me ami bidi dabe, te kolesaga umuna palobo sę ilaibao. Te augwali mu godege pilama, te munu ma hodalogobeo.

Aisaia 33:17

Dagego duga tuni bidigo aga sawi yai tuni bidigo ugwa ma gudama, tama te bulu ma tonalubo sueibao. Tama dagego duga bulu genuai ma pedalobo sueibao.

Habakuk 3:16

Eno te sę yali po tigidali odama, te ena midigi salio. Ena wi elama, te eno pedauwali me didibili yali. Eno nogo sągą bomo kimi meniama isali, te ena bomo meni yanio. Eno koneani, te God aselama, te da dolobo bidi dabe te dwai dene ilaibao, tibaso ena dua digi bidiyu, tama te sogo pedalubo tonalubao.

Ma Dobola Sali 24:10

Tama augwaligo Israel dabego God suai. Tama agai sągą dologode genuai sisi yai nai me deli, te be sai tiwai nai elaluai, tama te dagalu ula tiwai mu elaluai.

Israel Hanigo Namba 17:12

Mosesgo te sę ela silibo si, te Israel we bidigo agabolo e tama po walali, “Te mu tama, megi da, da dola silaibao. Megi da, da sese hagala silaibao.

Aisaia 59:3

Magi baso meni. Te dagego haniani tibo po weyu, te wado po, me po dwai wali. Te dagego dwai kolesaga eyu, te bidi dabe ela munama, te augwa kaneme dagego nogode dagana sai elalubao.

Aisaia 64:6

Da tigidaligo dwai sę eyu, te da nago gedude meda yai mu elalubao. Te kolesaga dabe dago homugo doloba pai kolesaga da olama, te kolesaga dabe te dago gawea pai nai tiwai dao, tiali goli dago te ebo, augwali nago gedude dwai mu eyu, te ugwa meda dwai mu tiwai ebao. Te dena ebo dwai sęgo te pąde da mu haga yabo homu yai, te wa pai ni yabe te waligo sela pabo tiwai yaibao wali.

Esekiel 12:2

“Tǫde bidio, te abagi dabe augwali megi nage dali bidibo bage, augwali te hagoma elama, po sela sąbo bidi dabe da. Augwaligo gedu elalubadi, tiali goli te augwaligo bugagia me tonogobeo. Augwaligo olo elalubadi digi, tiali digi augwa bugagia me odobeo, magi baso meni, augwali te hagoma elama, po sela sąbo bidi dabe bidibaso tebo dao.

Daniel 9:20

Ena Daniel, eno gedu haluasa po odubadi, tama ena sęgę, me eno we bidi dabego sęgę, te hania pusubo sę yali, te Israel dabe dao. Tama eno Godiba hanalu wali, ena Genuai Bidi, te aga be te bulu dude ma sę emainu yali.

Tigidali Nai Gagalama Nigali Side 32:31

Te giliga pedelama, tama Jekopgo te Peniel bulu taga soai. Tiali goli, aga dolo bugagia me soabeo, aga te haiagalu ela soali, magi baso meni, te sili si wadolali te guda palio.

Ma Dobola Sali 3:6

Tama ena te nago wąį dabego God dao. Ena te Abraham, me Aisak, me Jekop, te bagego God dao.” Mosesgo te po odolama, aga gesabi halua sali, magi basowe, agai te God subo wi ebaso, tiwai dao.

Godigo Nogi Ugwaba Sabo Tęąbi Po Wabo Buku Dabe 24:10

Genuai polalubo tuni bidi king aga de dawe? Aga te Genuai Bidi God dao, agai te genuai ami bidi hani tonalubo dao. Aga deli digi mu te polalubo tuni bidi king mu dao.

Aisaia 24:16

Te we bidi te tǫ sesegede digibulu bidibo bage augwali wiegi yai homu elama, tama augwaligo wiegi yai homu ebo tęąbi po wabo. Tama augwaligo te tęąbi po da e tama dao, “Genuai Bidigo nogi ugwaba sao. Agai tigidali sogo wiegi yai kolesaga mu ebo dao.” Tiali goli, eno e tama po wali, “Hobede mu dao. Ena wiegi yai homu mu egobeo. Eno haligade moni sęgę mu elama, eno olo dali mu sia sabo homu ebo. Magi baso meni. Te eno suali, te dwai sę eyu, ili po weyu tama ebo bidi dabego gasa bidi dabe ili po ola mani, augwali dali dwai sę yali, eno te po wali.