Aisaia 6:4 - Godigo dwagi yai po buku

⁴ Ena yaide be sunumide bidali, tama tigidali sogo augwali deli mego hae wabo sogo da, eno suali, te moni masigi me augwaligo be sę yali, te masigi tigidali mobodo yali. Tama eno suali, hano bede pągąna pabo suali.

Aisaia 6:4 Referans Kwoze

Kraisgo Geme Dualali Sę Pedelabo Po Jonbolo Ola Mani 15:8

Tama te Godigo bomo yai ula dali, agai bomo dali sigo hano ebogo hano te Moni Lotu Be tempel bede pągąnaluai. Tama niwai bidi me deli aga te be tomoba painogo ebo usu egobeo. Menio. Augwaligo te a naga olama me badu nogo si te ensel mobo bidi augwaligo te bidi dolabo dwai nai nogo a naga te me badu si te naigo sę silibo sogo tonaluali.

Kraisgo Geme Dualali Sę Pedelabo Po Jonbolo Ola Mani 11:19

Augwaligo po ola silama, tama augwaligo te Godigo dagalude elalubo Moni Lotu Be tempel te be tų dawai. Tama polobadu Godigo te Israel we bidi dali po dąų olama, tama augwaligo te asęani po te halobage me deli tomoba muani. Tama te halobage te Lotu Be tomode munalubo eno hania suali. Tama te sogo tama te be sele eyu, tama moni u wabo me, te be kulu wali me, tama tǫ mali ebadi, te kedau ebo nai talua ge tulubage hauwa te dagaludu tǫba tulaluai.

Esekiel 10:5

Te bidi tiwai nai dabego bogo dabego pala pala wabo bomo yali, te genuai obo badu bidali we bidi augwaligo te augwali odobo usu yalio. Tama te pala pala wali, te Tigidali Bomo Elalubo Godigo i wabo tiwai yalio.

Ma Dobola Sali 40:34

Tama te ugwa be sę silibo si, teda Genuai Bidigo pǫgo te ugwa be mesega sagaselama, tama aga genuai bomo yai ulago te be pągąna sai dao.

Amos 9:1

Eno suali, Genuai Bidi te aga be pąde elalubo alta pąde dolalubo suali. Te agai te tiwai po wali, “Te eno be bobobage pos dabe tobolude elao, te be mabo tigidali badu memenege yaibao. Te pos dabe gaga nigilama, te be tomode elalubo we bidi tobolu ugwadu daiba degasa dulama, te augwali ela mumainao. Te isisąwani hani bidi dabe yai baso da, teda eno te boi bidi dabe tagala palama, ela muagasomainu yaibao. Te me deli wi pelama, bugagia bidainu yabo usu me egobeo. Mu menio.

Godigo Nogi Ugwaba Sabo Tęąbi Po Wabo Buku Dabe 18:8

Te hano aga gunide pedelali. Tama aga pedauwalide dabo siago te doado bage hauwa ulali.

Esekiel 1:24

Te augwali bola pabo sogo eno odali, te augwaligo bogo kulukulu wali, te tamu ąį genuai ąį dini holama, degasa dulu bugusu wabo tiwai yali, tama te genuai ami bidi hanigo pesagede bidu posolu dala sabo tiwai yalio. Te augwaligo bogo u wabo te Tigidali Bomo Elalubo Godigo i wabo tiwai yalio. Te augwali me badu pedai badu doligi pelama, te augwa bogo bea sali. Tialima megi da, te bagua sai naide ugwadu daide te bidigo po wabo odai.

Esekiel 44:4

Tialima, te bidigo ena odasa, te not badu te obo badu sunumidu odasa pelama, tama te Godigo be gesabidi badu doligi pali. Tama eno Genuai Bidi Godigo ulago te aga be pągąna sai suali. Tama tibaso, eno bogoli sugunama, tama eno gesabidi tǫba elama basi giluali.