Aisaia 6:2 - Godigo dwagi yai po buku

² Tama geninama ensel sibigo aga bagua sai elaluali. Te tigidali deli deli ensel dabego bogo a naga olama, me badu nogi deli naga elaluali. Tama deli deligo augwa bogo me sigo augwa gesabidi halua siyu, ela pai suali. Tama gasa bogo me sigo augwa tigi mesega siyu yai yali. Tama gasa bogo me sigo da, augwali bola peyu yali. Te ensel sibi da, te isi ula tiwai.

Aisaia 6:2 Referans Kwoze

Kraisgo Geme Dualali Sę Pedelabo Po Jonbolo Ola Mani 4:8

Tama te bidibo ula elalubo hasa me si me si, te augwali deli deligo bogo te a naga olama me badu nogo deli elaluali. Tama gedu hauwago augwali tigi te bulu badu me tomo badu me usu nama mu elaluai. Te bogo dologode me elaluali. Tama ulade dali te hulide dali augwaligo te balia weyu te po wabo, “Genuai Bidi Godigo tigidali bomo elalubao, te aga wiegi yai tedali, wiegi yai tedali, wiegi yai tedali mu dao. Tama polobadu aga bidai, tama megi me aga bidibo, tama nosali aga asaibao.” Tama augwaligo te po wabo toma me tubo menio.

Esekiel 1:11

Te augwa gesabidigo kolesaga te tama da. Tigidaligo augwa bogo si diliginama, te deli deligo bogo te gasa mego mego bogo sabiba pomono palio. Te augwa gasa bogo me sigo, te augwa tigi mesega salio.

Godigo Nogi Ugwaba Sabo Tęąbi Po Wabo Buku Dabe 104:4

Nago te wali tagala palama, tama waligo nago po sela pabo dao. Tama nago te be selego ula ebo te nago sę bidi pedalobo dao.

Godigo Nogi Ugwaba Sabo Tęąbi Po Wabo Buku Dabe 103:20

Dage tigidali Genuai Bidigo ensel mobo bidi, dagego genuai bomo elalubao. Dagego agai po wali pabo bage, dagego olo agai po wabo digi bugagia mubo dao. Tialima, dagego Genuai Bidi nogi ugwaba sao.

Aisaia 6:6

Tama te ensel dabe me deligo ala gagawai naide isi dage tolasa, ena pageba bola asali. Agai te isi dage te altade sali.

Godigo Nogi Ugwaba Sabo Tęąbi Po Wabo Buku Dabe 18:10

Aga te ensel dabe daide ugwadu dugulasa, tama bola asai. Te bogo te ba dabego bogo tiwai elalubao, tama te God auwąsa polo mu asaibao.

Kraisgo Geme Dualali Sę Pedelabo Po Jonbolo Ola Mani 14:6

Tama eno suali, gasa ensel mobo bidi te dagalu tomodu sigide mu bola soabo eno suali. Agai te sesemane bidada pabo wiegi yai gesi po elaluai, tama agai te po te tǫde bidibo we bidi augwalibolo pusubo sę elalubo dao. Agai te wiegi yai gesi po pusubo sę te tigidali tǫde bidibo we bidi hanibolo te po pusubo sę eyu, tama te tigidali haniani tigiwali yai bidi dabe dali, tama tigidali haniani hani bidi augwalibolo te wiegi yai gesi po pusubo sę elalubo dao.

Kraisgo Geme Dualali Sę Pedelabo Po Jonbolo Ola Mani 8:13

Tama eno suali, te ba kemodage tiwai ba me deli dagalu tomodu sigide bola pabo eno suali. Tama eno odali, agai i bomonama weyu te po wali, “Hobede, hobedeo, te tǫde bidibo we bidi hobedagia bidaibao. Te gasa ensel mobo bidi me sela augwaligo te ona tiwai nai elebo si, tebode te genuai dwai dwai sęgę te tǫde we bidi augwaliba pedalaibao,” te bago te po wai.

Kraisgo Geme Dualali Sę Pedelabo Po Jonbolo Ola Mani 7:11

Tama tigidali ensel mobo bidi augwaligo te genuai tuni bidi duabo nai dali, te polalubo tobolu bidi dabe dali te bidibo ula elalubo hasa me si me si tama bobegelaluyu augwali dolaluali. Tama augwali te tuni bidi dulalubo digi te badu basi gulama, tama gesabi tǫba munama, augwaligo te Godibolo aga nogi ugwaba sabo lotu po wali.

Daniel 7:10

tama besela palalio. Te bidi sese umabo mu, te hauwa tausen we bidigo te Bidigo sę yali, tama te umabo hauwa milion we bidi aga pąde dolaluali. Tama mebago te buku dabe dagalama, te po tų kot hodolainu yai.

Esekiel 10:21

Tigidali deli deli mobo enselgo gesabidi me si me si elalu, bogo me si me si elalualio. Te nai me deli te bidigo nogo ąbo tiwai te augwa bogo dologo deli delide elaluai.

Esekiel 1:24

Te augwali bola pabo sogo eno odali, te augwaligo bogo kulukulu wali, te tamu ąį genuai ąį dini holama, degasa dulu bugusu wabo tiwai yali, tama te genuai ami bidi hanigo pesagede bidu posolu dala sabo tiwai yalio. Te augwaligo bogo u wabo te Tigidali Bomo Elalubo Godigo i wabo tiwai yalio. Te augwali me badu pedai badu doligi pelama, te augwa bogo bea sali. Tialima megi da, te bagua sai naide ugwadu daide te bidigo po wabo odai.

Esekiel 1:9

Tigidali deli deligo augwa bogo si diniginani, te deli deligo bogo sabigo te gasa mego mego bogo sabiba pomono pelama, tama augwali te halobage me deli tiwai te nogo habu me si me si pedelai. Te augwali gasaba me painogo ebo sogo da, augwa te tama tiwai naga elalubadi palio. Augwa tigi begelibo sę eyu me ebeo.

Esekiel 1:6

tiali goli te tigidali deli delide te gesabidi me si me si badi, te bogo me si me si elaluali.

Jopgo Po Asęani Elalubo Buku 15:15

Te ensel dabego bidi edelali. Tiali goli, Godigo augwaligo me badu kolesaga doloba pai subo menio. Tama dagalude nai dabe me Godigo agai gedude dwagi yai menio.

Jopgo Po Asęani Elalubo Buku 1:6

Me sogo te Godigo ensel mobo bidi dabe augwali Genuai Bidigo geduba sisinagasali. Te dwai haubo tobolu bidi me teba asali, te Godigo gedu, te Satan dao.

Te Israel me Juda Hani Sigo Tuni Bidigo Po Elalubo Buku Deli 22:19

Tialima, Mikaiago po wadolama weyu, te tama po wai, “Tialima, megi da, eno homu nago olo bugagia munama, odao, te eno nagebolo te Genuai Bidigo enabolo ola mani nai dabede po waibao. Eno suali, te dagalude Genuai Bidi te aga dugulalubo sia saide dugulaluali, te tigidali mobo bidi ensel dabe aga pąde dolalubo suai dao.

Te Israel me Juda Hani Sigo Tuni Bidigo Po Elalubo Buku Deli 8:7

Te bogo dabe te dinigaluali, tama tialima, augwa te halobage dali te halobage ni palali bobage ni si me te halualio.

Te Israel me Juda Hani Sigo Tuni Bidigo Po Elalubo Buku Deli 6:27

Augwaligo te ensel si nigila silama da, teda augwaligo te ensel si te Tedali Gasagi Yai Mu Be Habu tomode dodolali. Te ensel me deli te dolo nogo badu dolaluyu, tama aga bogo me deligo te dolo nogo badu elalubo dagaba ponigi pelama elaluali. Tama gasa ensel te pobase nogo badu dolaluyu, tama aga bogo me deli te pobase nogo badu elalubo dagade ponigi pelama elaluali. Tama augwali sigo te gasa bogo si te be habu tomoba mu sisinagaselama elaluai.

Ma Dobola Sali 37:9

Te mobo bidi ensel augwa siba digi ma tonononaluyu, tama aba te halobageba me tonononaluyu, tama augwali sigo bogo te dinigąluyu, tama te halobage po paliabo nai geme dualama elaluai.

Ma Dobola Sali 25:20

Tama te mobo bidi si te we bidi dabego dwai sę yali sęgę sela sąbo digi dolaluyu, tama mego gesabidigo me gesabidiba tiwai tonaluyu, tama augwali sigo aba te halobageba me tonalumainao. Tama augwali sigo bogo dinigina pai elaluyu, tama te halobage te tama dualumainao.

Godigo Nogi Ugwaba Sabo Tęąbi Po Wabo Buku Dabe 89:7

Te ensel dabe augwa polalubo dabe te po miting ebo sogo augwali te nagede wi ebo dao. Tama te nage bagualubo gasa ensel tigidali, augwali te nagede wi mu ebo dao.

Jopgo Po Asęani Elalubo Buku 4:18

Te Godigo ensel mobo bidi dabe God aga dali bidiyu, sę agade ebo. Tiali goli, me sogo augwaligo augwa sę bugagia me ebo menio. Godigo subo da, te ensel mobo bidi dabe me sogo bugagia me bidibo menio.

Te Israel me Juda Hani Sigo Tuni Bidigo Po Elalubo Buku Deli 19:13

Elaijago te tebo odolama da, tialima aga bobobage gudali ugwago aga gesabi dali halua selama, te aga masigi ola bede bidali tagalama, te masigi dedage pąba dolagasali. Tama agai po me deli te tiwai odali, “Elaija, magi baso nage ede bidibawe?” te po wali.

Ma Dobola Sali 3:6

Tama ena te nago wąį dabego God dao. Ena te Abraham, me Aisak, me Jekop, te bagego God dao.” Mosesgo te po odolama, aga gesabi halua sali, magi basowe, agai te God subo wi ebaso, tiwai dao.

Tigidali Nai Gagalama Nigali Side 17:3

Tialima, Abram aga basi giluama, tama aga gesabidi tǫba pubaligiluali. Tama Godigo agabolo tama tiwai po wai,

Hibru 1:7

Tama God agai te ensel bidi dabe augwalide te po wai, “Godigo te aga ensel mobo bidi dabe augwali te wali tiwai pedalomainogo ilibo dao. Te agai aga sę ebo bidi dabe augwali te moni posolo ebo sia tiwai pedalomainogo ilibo dao.”

Sekaraia 3:4

Tialima te enselgo meba ensel dabebolo waliyu, e tama tiwai po walali, “Te bidi tigide elalubo dwai ugwa dabe sela sąyao,” wali. Tama agai Josuabolo e tama po walali, “Odao. Eno nago dwai sę sęgę me nago te dwai meda yai ugwa dabe sela sąwani dao. Tama megi da, eno nagebolo wiegi yai gesi ugwa dabe mawaibao.” Te ensel me deligo te po wali.

Daniel 9:21

Eno gedu haluasa po odubadi, tama te ensel Gebriel, eno te hasia yali nade suali, te aga bola dulu, te ena bidibo pesageba asali. Tama te sogo, te dago polobadu iduali te pio ofa ebo sogo dao.

Esekiel 10:16

te wil dabe augwa dali palio. Te me si me si nai olo dolalubo si da, te wil dabe me olo dolalueibao. Te me si me si nai ugaba bola holobo sogo da, te wil dabe me augwa dali ugaba paibao, magi baso meni, te me si me si nai dabego te wil dabe tonalubo dao.

Esekiel 1:4

Eno ugwaba tonobadi, eno te genuai wali me haowa te not badu asobo suali, te be sele hauwa dali asobo suali. Te genuai ulago te haowa mu bagua selama, tama te ula te isi dabo tiwai bomo umagi mu yali, tama te haowago ula tomode te tigidaliba usu te brasgo ula ebo tiwai yalio.

Nehemia 9:6

Nagaduba deli naga nage Genuai Bidi da. Nago te dagalu me, hǫ dabe me, tǫ me, tamu ąį, te tigidali elalubo nai augwali nigai. Tama nago te tigidali naiba te bidabo ula mabo dao. Tama te tigidali dagalude bidibo ensel mobo bidi dabego nageba kidu sugunama, lotu po wabo dao.