Aisaia 6:13 - Godigo dwagi yai po buku

¹³ Tama ma dwasianu we bidi hani te tǫde me bidibaso da, augwali me silaibao. Tiali goli, tagala, te bulude we bidi meni baso me, te nosali ena we bidi me ma pedalaibao, te ni age te bidigo polo gelai ni tanede age ma dalasa holobo tiwai ma yaibao,” wali.

Aisaia 6:13 Referans Kwoze

Tigidali Nai Gagalama Nigali Side 22:18

Tama tigidali tǫde bidalubo bidi hanigo ena hanalu, te augwali dali dwagi yai sę yao po weyu, te nago wąį hani dabe dali dwagi yai sę yali te tiwai yao po waibao. Magi baso meni, nago eno po wali palio,’ Yawego te po wali,” Mobo Bidi Enselgo te po wai.

Esra 9:2

“Da te Juda bidi dabego te hani bidi dabego wegi sobao, tama te da Godigo dolo mu sa muani tedali gasagi yai we bidi hani te Godigo bomai po odisąbo bidi hanigo kolesagaba palio. Te polalubo bidi dabe me, te ofisa dabego me, te tiwai e hasia bolo ebaso, tama te gasa we bidi dabego augwa me te dwai kolesaga ela palio,” augwaligo te po wai.

Dwagi Yai Gesi Po Makgo Asęani 13:20

Tama Genuai Bidigo te sogo bodolu te hagana selama, pęwadage iligi menigi da, teda te tigidali we bidi hagagi dao. Tiali goli agai te sa muyu dąį ilali we bidi augwalide homu kone palama elaluali. Tama tibaso agai te bodolu sogo pęwadage sogo ilama elalubo dao.”

Malakai 2:15

Godigo te dage bidi me we deliba selama bidimainu eyu, te homu kolesaga tigi deli mu pedalumainu ilali. Godigo te sę yali kolesaga page magi baso yaliwe? E tiwai yai. Te dago wai ame nenama, tama augwa te Godigo hani mu pedalumainu yalio. Tialima te dage bugagia dua dao, te dage we de bidi si deliba daganani sogo te dąų walali po te dagego me bolamu dao, wai.

Aisaia 1:9

Ma, Genuai Bidi Tigidali Bomo Elalubo Bidigo da meba bidimainu sula tagalisąma menigi sogo da, mu tama, teda da polo dolama siligi dao, te hanu Sodom de Gomora si dolali yali tiwai gilama, polo dologi dao.

Polgo Po Pas Rom Dabeba Asęani 9:5

Augwaligo wąį mu Abraham dali, Aisak dali, te Jekop dali, augwali polobadu bidiyu te genuai nogi sai bidi dabe hasia bidali, tama augwali te augwa bulai wai dabe naga bidai. Tama Krais aga e tǫba dulama tama da bidi tiwai tigi sali sogo, agai te Juda hanide naga te bidi mu pedalali. Aga te tigidali nai tobolu bidi bidibao. Aga te God dao, te aga nogi dago sesemane bidada pabo sogo ugwaba sinao. Mu dao.

Aisaia 4:3

Te Saion hanude bidibo we bidi dabe, augwali te Jerusalemde me bidibo we bidi dabe da, Genuai Bidigo augwali bugagia bidimainu sa polo muai dao, augwali bugagia bidimainu. Tama agai augwali nogi agai bukude asęai dao. Tama megi da, agai augwali aga we bidi mu dao waibao.

Matyu 24:22

Tama Godigo te genuai sęgę elalubo sogo togogi menigi da, teda te tigidali we bidi mu doligi dao. Tiali goli God aga te sa muani we bidi augwalide homu konealua. Tama tiyu, augwali tobade agai te sogo togwaibao” wali.

Bomai Po 7:6

Dagego tama tiao. Magi baso meni, dage da God dago Genuai Bidi aga we bidi dao. Te tigidali tǫde we bidi hani tomode agai dage deli naga sa munama, dage agai doloba pai we bidi dao,” wali.

Aisaia 11:1

Te Jesigo hani te ni bidi dabego gelai ni tane tiwai bididuali. Tiali goli, gesi age te ni tanede ma kolibo tiwai yaibao. Awe, te ni tanedu te gesi ni tigi holama, tama nologo me deligo du walaibao.

Esekiel 6:8

“Tiali goli, te boi bidi dabego te we bidi tigidali ela mumainogo me egobeo. Me badu we bidi bidalubadi, te eno gasa tǫ kantriba ela gudulama, tedela palaibao.

Amos 5:3

Magi baso meni, God Genuai Bidigo te Israel hanibolo te tama obao, “Te Israel taun me deligo te ami bidi dabe bidi sese umabo 1,000 te boi hwįboba tagala palama, te bidi sese a naga 100 ami bidi naga ma geasa asaibao. Te gasa taungo te bidi sese a naga 100 ami bidi tagala palu, te ami bidi nogo si naga ma geasa asaibao.”

Sekaraia 13:8

Tama eno te bulu tǫ kantri we bidi dabe tigidali te hani sela bugulama, te hani si ela silaibao.

Bomai Po 28:62

Dage te hǫ dabe ugwadu elalubo tiwai umabo mu pedalubadi me tagalao, dage sese tama silama, deli deli naga bidaibao. Magi baso meni, dagego Genuai Bidi dago Godigo po wali pisąma ebaso, tama tiaibao.

Esra 9:8

“Tiali goli megi da, God, dago Genuai Bidi, nago te olo tau mabo wiegi yai kolesaga te daba gagalama ma yalio. Tama da dwasianu hani naga te kalabus yali pesage tagalama, tama da te Jerusalemba ma asai, te naga wiegi yai bulu digi dao. Tama nago bomo dabolo megi ma mobaso, te da bugagia bidibao, da te gasa hanigo olo sę bidi bidibo tiwai ebadi digi te tagalao wali.

Maika 5:6

Te augwaligo Asiria dabe dali hwįbo bomo mu elama, te moni bobobage bainat hwągo te augwali aiyaba elaluama, te augwa bulu tǫ kantri nogi Nimrot te saibao. Tama tebogo te Betlehemde pedelali genuai tuni bidigo da te Asiria bagego nogode ma dobola saibao. Te Asiria bage dago tǫ dąį bolama, hwįagasobo sogo, agai tama tiaibao.

Sefanaia 3:12

Tama te we bidi augwali eno Jerusalemde bidimainu sula tagalaibao. Augwaligo nai dabe hauwa meniama, tama augwaligo augwa aiyaba elaluama elaluaibao. Tama augwali enaba aselama, tama augwali tau somainu enabolo hanalu waibao.